ព័ត៌មានជាតិ

តំបន់អេកូទេសចរណ៍ខេត្តស្ទឹងត្រែង អាចទាក់ទាញភ្ញៀវទេសចរបានជាង ១៦០ ម៉ឺននាក់ក្នុងមួយឆ្នាំ

បានផុស

២ years មុន

នៅ

ថ្ងៃចន្ទ ២៤ មេសា ២០២៣

ដោយ

លោក ស្វាយ សំអ៊ាង អភិបាលខេត្តស្ទឹងត្រែងបានលើកឡើងថា នៅក្នុងភូមិសាស្ត្រខេត្តស្ទឹងត្រែងមានសហគមន៍អេកូទេសចរណ៍ដែលអាចទាក់ទាញភ្ញៀវឱ្យមកលេងក្នុងមួយឆ្នាំៗពី ១២០ម៉ឺននាក់ ទៅ ១៦០ម៉ឺននាក់។ ការអះអាងនេះ នៅក្នុងសន្និសីទសារព័ត៌មានដែលរៀបចំដោយអង្គភាពអ្នកនាំពាក្យនាព្រឹកថ្ងៃទី២៤ ខែមេសា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធទៅតំបន់ទេសចរណ៍នានានៅក្នុងភូមិសាស្ត្រខេត្តស្ទឹងត្រែង មានសហគមន៍អេកូទេសចរណ៍ធម្មជាតិ ប្រវត្តិសាស្ត្រ និងវប្បធម៌សំខាន់ៗប្រមាណជា ១២ កន្លែងផងដែរ។

លោក ស្វាយ សំអ៊ាង មានប្រសាសន៍ថា តាមរយៈគោលដៅទេសចរណ៍ធំៗទាំង ១២ កន្លែងក្នុងខេត្ត ដែលអាចទាក់ទាញភ្ញៀវទេសចរជាតិនិងអន្តរជាតិមួយឆ្នាំៗពី ១២០ម៉ឺននាក់ ទៅដល់ ១៦០ម៉ឺននាក់ ជាតួលេខមួយច្រើនគួរឱ្យកត់សម្គាល់។

លោក អ៊ន់ ប៉ាសឿន ប្រធានមន្ទីរទេសចរណ៍ខេត្តបានបន្ថែមថា ក្រៅពីតំបន់ទេសចរណ៍ទាំង ១២ កន្លែង កាលពីពេលថ្មីៗនេះ ការរកឃើញត្រីបបែលយក្ស ១ក្បាល ដែលមានទម្ងន់ប្រមាណជាង ៣០០គីឡូក្រាម មានវត្តនៅក្នុងតំបន់ទន្លេមេគង្គ ជាសមិទ្ធផលនិងជាគោលដៅថ្មីមួយទៀត ក្នុងការស្រូបមកយកភ្ញៀវមកកាន់ខេត្តស្ទឹងត្រែង៕