ព័ត៌មានជាតិ

មកដឹងពីភូមិសាស្ត្រខេត្តត្បូងឃ្មុំ ដែលទើបបង្កើតថ្មី

បានផុស

៤ years មុន

នៅ

ថ្ងៃអង្គារ ១៩ មករា ២០២១

ដោយ

ខេត្តត្បូងឃ្មុំ លាតសន្ធឹងតាមបណ្តោយទន្លេមេគង្គ និងជាខេត្តជាប់ព្រំដែនមានព្រំប្រទល់ ខាងលិចទល់នឹងខេត្តកំពង់ចាម ខាងកើតទល់នឹងខេត្តតៃនិញ និងខេត្តប៉ិញភឿក ប្រទេសវៀតណាម ខាងជើងទល់នឹងខេត្តក្រចេះ ខាងត្បូងទល់នឹងខេត្តព្រៃវែង និងខេត្តតៃនិញប្រទេសវៀតណាម។ នេះបើតាមរបាយការណ៍សង្ខេបស្ដីពី“វឌ្ឍនភាព និងទិសដៅការងារបន្តរបស់រដ្ឋបាលខេត្តត្បូងឃ្មុំ” ដែលបង្ហាញដោយលោក ស៊ាក ឡេង ប្រធានក្រុមប្រឹក្សាខេត្តត្បូងឃ្មុំ ក្នុងសន្និសីទសារព័ត៌មាន នៅទីស្តីការគណៈរដ្ឋមន្ត្រី នាថ្ងៃទី១៩ ខែមករា ឆ្នាំ២០២១នេះ។

របាយការណ៍ បានឱ្យដឹងថា ខេត្តត្បូងឃ្មុំ មានផ្ទៃដីសរុបទំហំ៥ ២៥០,៥២គ.ម២។ មានក្រុង១ និងស្រុក៦ ឃុំ-សង្កាត់ ចំនួន៦៤ និងភូមិចំនួន៨៧៣ភូមិ។ ប្រជាពលរដ្ឋសរុបចំនួន៨៦៤ ៣១៩នាក់ ស្រី៤៣៩ ៥៤៤នាក់ គិតជាគ្រួសារ ស្មើនឹង១៩៦ ០៦៥គ្រួសារ អ្នកដែលមានអាយុ១៨ឆ្នាំឡើង៤៤៨.៥៨៣នាក់។

សមាជិកក្រុមប្រឹក្សាខេត្ត មានចំនួន២៥នាក់ ស្រី៤នាក់ (បោះឆ្នោតអសកល), សមាជិកក្រុមប្រឹក្សាក្រុង-ស្រុក មានចំនួន១៣៧នាក់ (បោះឆ្នោតអសកល), សមាជិកក្រុមប្រឹក្សាឃុំសង្កាត់ មានចំនួន ៥៣៦ នាក់ (បោះឆ្នោតសកល)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តត្បូងឃ្មុំមានផ្លូវជាតិធំៗចំនួន០៥ខ្សែ គឺផ្លូវជាតិលេខ៧ លេខ៨ លេខ១១ លេខ៧២ លេខ៧៣និងផ្លូវសំខាន់ៗ ដែលតភ្ជាប់ពីទីរួមខេត្តទៅក្រុង-ស្រុក ឃុំសង្កាត់ និងភូមិ សរុបប្រវែងប្រមាណ៧៥១គ.ម ក្នុងនោះផ្លូវចាក់កៅស៊ូ មានប្រវែងប្រមាណ៥២៦គ.ម ផ្លូវបេតុងមានប្រវែង៥០គ.ម ផ្លូវក្រាលគ្រួសក្រហម មានប្រវែងប្រមាណ ១៧៥គ.ម មានស្ពានឆ្លងកាត់ទន្លេមេគង្គចំនួន០២ខ្សែ គឺស្ពានមិត្តភាពកម្ពុជាជប៉ុន (គីហ្សូណា) និងស្ពានស្ទឹងត្រង់-ក្រូចឆ្មារ (ដែលនឹងសង់រួចនៅឆ្នាំ២០២១)។

ខេត្តបានប្រើប្រាស់ថវិកាគុណប្រយោជន៍ខេត្ត បានសាងសង់ និងជួសជុលផ្លូវប្រវែងប្រមាណ៤៦,៦គ.ម ក្នុងនោះផ្លូវក្រាលកៅស៊ូ DBST ប្រវែង១៨,៩គ.ម និងផ្លូវគ្រួសក្រហមប្រវែង២៧,៧គ.ម។ ដោយឡែកមូលនិធិក្រុង-ស្រុក និងឃុំ- សង្កាត់ ត្រូវបានសាងសង់ និងជួសជុលផ្លូវប្រវែងប្រមាណ៧៩៥គ.ម ក្នុងនោះផ្លូវគ្រួសក្រហមប្រវែង៦១២ គ.ម ផ្លូវបេតុងប្រវែង ២៣ គ.ម និងផ្លូវដីសប្រវែង ១៦០គ.ម៕

អត្ថបទ ៖ កោះកែវ