ព័ត៌មានជាតិ

រាជរដ្ឋាភិបាលមានផែនការកសាងអគារសាលារៀនថ្មីជំនួសឱ្យអាគារចាស់ទ្រុឌទ្រោម

បានផុស

២ years មុន

នៅ

ថ្ងៃអង្គារ ២៥ មេសា ២០២៣

ដោយ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា កម្ពុជាមានតម្រូវការអគារសាលារៀនថ្មី ដែលមានគុណភាពសម្រាប់សិស្ស ជំនួសឱ្យអគារចាស់ទ្រុឌទ្រោម ដែលកំពុងអស់អាយុកាលប្រើប្រាស់ជាបណ្ដើរៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានលើកឡើងនៅក្នុងពិធីប្រគល់សញ្ញាបត្រដល់គរុសិស្ស និស្សិត បុគ្គលិកអប់រំជាង ២ ពាន់នាក់ នៅព្រឹកថ្ងៃទី ២៥ ខែមេសា ឆ្នាំ ២០២៣នេះថា «សាលាចាស់មួយចំនួនវាអស់អាយុកាលប្រើប្រាស់ហើយ ជួសជុលតទៅទៀតក៏វាលំបាក អញ្ចឹងយើងត្រូវកសាងថ្មី»។

សម្ដេចតេជោ ហ៊ុន សែន បានបន្តថា ពីមុនយើងធ្វើសាលារៀនដែលមានអាគារ១ ខ្នងៗ ប៉ុន្តែឥឡូវនេះ អាគារទាំងនោះ កំពុងតែខូចបណ្ដើរៗ ដែលយើងត្រូវដាក់ជំនួសដោយអគារថ្មី ដែលមានកម្ពស់ខ្ពស់ និងគុណភាពរក្សាសុខភាពរបស់សិស្សបានល្អជាង ខណៈចំនួនប្រជាជនកើនឡើងតម្រូវការអគារសាលារៀនក៏កើនឡើងដែរ៕