ព័ត៌មានជាតិ
ស្វែងយល់អំពីសិទ្ធិអំណាចរបស់អាជ្ញាធរអគ្គិសនីកម្ពុជា
ការរៀបចំ និងការគ្រប់គ្រងគោលនយោបាយ យុទ្ធសាស្ត្រ និងផែនការរបស់រាជរដ្ឋាភិបាលលើវិស័យអគ្គិសនី គឺជាសមត្ថកិច្ចទទួលខុសត្រូវរបស់ក្រសួងរ៉ែ និងថាមពល។
ចំពោះការធានាឲ្យការផ្ដល់សេវាកម្មអគ្គិសនី និងប្រើប្រាស់អគ្គិសនីប្រកបដោយប្រសិទ្ធភាព គុណភាព ចីរភាព និងតម្លាភាព គឺជាសមត្ថកិច្ចរបស់អាជ្ញាធរអគ្គិសនីកម្ពុជា។
![](https://www.kampucheathmey.com/wp-content/uploads/2023/04/image-1587-1024x388.png)
អាជ្ញាធរអគ្គិសនីកម្ពុជា ជាគ្រឹះស្ថានសាធារណៈដែលទទួលសិទ្ធិពីរាជរដ្ឋាភិបាល និងមានស្វ័យភាពក្នុងការត្រួតពិនិត្យលើការធ្វើសេវាកម្មអគ្គិសនី និងការគ្រប់គ្រងលើទំនាក់ទំនងរវាងការផ្តល់ ការទទួល និងការប្រើប្រាស់សេវាអគ្គិសនី។
អាជ្ញាធរអគ្គិសនីកម្ពុជា មានសមត្ថកិច្ចចេញ ដកហូត ឬព្យួរអាជ្ញាបណ្ណសម្រាប់ការធ្វើសេវាកម្មអគ្គិសនី ព្រមទាំងជាអ្នកកំណត់ថ្លៃសេវា ចេញបញ្ញតិ្ត ធ្វើការត្រួតពិនិត្យ ដាក់ពិន័យ និងដោះស្រាយវិវាទពាក់ព័ន្ធនឹងការផ្តល់សេវា និងការប្រើប្រាស់អគ្គិសនី។
យោងតាមខ្លឹមសារមាត្រា៧ នៃច្បាប់ស្ដីពីអគ្គិសនី គឺអាជ្ញាធរអគ្គិសនីកម្ពុជាមានភារកិច្ចចេញ កែសម្រួល ព្យួរ ដកហូត ឬបដិសេធអាជ្ញាបណ្ណ ហើយអនុម័តថ្លៃ និងបន្ទុកចំណាយផ្សេងៗ ព្រមទាំងលក្ខខណ្ឌនៃសេវាកម្មអគ្គិសនីរបស់អ្នកកាន់អាជ្ញាបណ្ណ។
ទន្ទឹមនេះ អាជ្ញាធរអគ្គិសនី ត្រូវកំណត់ឲ្យអនុវត្តបទប្បញ្ញាតិ្ត បែបបទ ស្តង់ដាសម្រាប់កម្មវិធីវិនិយោគរបស់អ្នកកាន់អាជ្ញាបណ្ណ ពិនិត្យឡើងវិញសកម្មភាពហិរញ្ញវត្ថុ និងរចនាសម្ព័ន្ធសហគ្រាសរបស់អ្នកកាន់អាជា្ញបណ្ណក្នុងករណីដែលសកម្មភាព និងរចនាសម្ព័ន្ធនោះ អាចជាឧបសគ្គដោយផ្ទាល់ដល់កិច្ចប្រតិបត្ដិការនៃវិស័យអគ្គិសនី និងប្រសិទ្ធភាពនៃការផ្គត់ផ្គង់អគ្គិសនី។
![](https://www.kampucheathmey.com/wp-content/uploads/2023/04/image-1589-edited.png)
មាត្រាដដែលនេះ ក៏បានអនុញ្ញាតឲ្យអាជ្ញាធរអគ្គិសនីកម្ពុជា អនុម័ត និងដាក់ឲ្យអនុវត្ដស្ដង់ដាប្រតិបត្ដិសម្រាប់អ្នកកាន់អាជ្ញាបណ្ណ វាយតម្លៃ និងសម្រុះសម្រួលបណ្ដឹងតវ៉ារបស់អ្នកប្រើប្រាស់ រួមទាំងវិវាទកិច្ចសន្យាដែលពាក់ព័ន្ធនឹងអ្នកកាន់អាជ្ញាបណ្ណក្នុងករណីដែលការវិវាទនោះទាក់ទិននឹងការរំលោភបំពានលើលក្ខខណ្ឌដែលមានកំណត់ក្នុងអាជ្ញាបណ្ណ។ ក្នុងនោះដែរ ក៏ត្រូវរៀបចំ និងផ្សព្វផ្សាយរបាយការណ៍លើវិស័យអគ្គិសនី និងព័ត៌មានពាក់ព័ន្ធនានាដែលទទួលពីអ្នកកាន់អាជ្ញាបណ្ណសម្រាប់ជាផលប្រយោជន៍ដល់រាជរដ្ឋាភិបាល និងផលប្រយោជន៍សាធារណៈ។
អាជ្ញាធរអគ្គិសនី ក៏ត្រូវកំណត់កម្រៃនានាដែលត្រូវអនុវត្ដលើអ្នកកាន់អាជ្ញាបណ្ណ កំណត់បែបបទសម្រាប់ការផ្ដល់ព័ត៌មានដល់សាធារណជនអំពីកិច្ចការក្នុងសមត្ថកិច្ចរបស់ខ្លួន ដើម្បីធានាឲ្យអាជ្ញាធរអគ្គិសនីកម្ពុជាអនុវត្ដទៅតាមគោលការណ៍តម្លាភាព។
បន្ថែមពីនេះ អាជ្ញាធរនេះ អាចចេញបញ្ញត្ដិ និងបទបញ្ជាសមស្រប ព្រមទាំងបញ្ជាផ្អាកជាបណ្ដោះអាសន្ន និងជាស្ថាពរចំពោះសេវាកម្មអគ្គិសនី ហើយពិន័យជាប្រាក់ ផ្អាកការប្រើប្រាស់អគ្គិសនី ព្យួរ ឬដកហូតអាជ្ញាបណ្ណចំពោះការរំលោភលើច្បាប់អគ្គិសនី និងលិខិតបទដ្ឋាននានា ជាពិសេស ចាត់វិធានការផ្សេងៗទៀតចំពោះបញ្ហាបន្ទាប់បន្សំ ឬដែលជាផលវិបាកស្ដែងចេញពីមុខងារ ដូចបានរៀបរាប់ខាងលើនេះ៕
![](https://www.kampucheathmey.com/wp-content/uploads/2023/04/image-1591-edited.png)
ដោយ៖ ធឿន វ៉ាន់សុង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៣ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
សន្តិសុខសង្គម៣ ម៉ោង ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ព័ត៌មានជាតិ៥ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ចរាចរណ៍៥ ម៉ោង ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
សន្តិសុខសង្គម៥ ម៉ោង ago
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
-
ជីវិតកម្សាន្ដ៣ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក