ព័ត៌មានជាតិ

ខ្យល់កន្ត្រាក់បន្តវាយបំផ្លាញផ្ទះពលរដ្ឋនៅខេត្តបាត់ដំបង ឥតឈប់ឈរ

បានផុស

២ years មុន

នៅ

ថ្ងៃពុធ ២៦ មេសា ២០២៣

ដោយ

លំនៅឋានរបស់ប្រជាពលរដ្ឋចំនួន ៣១ ខ្នង នៅក្នុងស្រុកបវេល ត្រូវបានកម្លាំងខ្យល់វាយបំផ្លាញស្ទើរទាំងស្រុង ស្របពេលមេឃកំពុងធ្លាក់ភ្លៀងមួយមេយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់អាជ្ញាធរបានបញ្ជាក់ថា គ្រោះធម្មជាតិដ៏កាចសាហាវនេះ នៅតែបន្តបក់បោកមកលើខេត្តបាត់ដំបងឥតស្រាកស្រាន្ត ជាក់ស្ដែង កាលពីថ្ងៃទី ២៥ ខែមេសា ឆ្នាំ ២០២៣ វេលាម៉ោង ៦ និង ៣០ នាទីល្ងាច មានករណីភ្លៀង និងខ្យល់កន្ត្រាក់ បានបក់បោកទៅលើឃុំចំនួន ៤ ក្នុងស្រុកបវេល បណ្ដាលឲ្យខូចខាតផ្ទះចំនួន ៣១ ខ្នងផ្ទះ។

ឃុំទាំង ៤ ដែលរងគ្រោះនោះ គឺ ១.ឃុំអំពិលប្រាំដើម ខូចខាតផ្ទះចំនួន ១៨ ខ្នង ,២.ឃុំបឹងប្រាំ ខូចខាតចំនួន ២ ខ្នង ,៣.ឃុំព្រៃខ្ពស់ ខូចខាតចំនួន ៨ ខ្នងផ្ទះ និង ៤.ឃុំក្ដុលតាហែន ខូចខាតចំនួន ៣ ខ្នង។ ករណីខាងលើនេះដែរ មិនបង្កឲ្យមនុស្សមានគ្រោះថ្នាក់អ្វីនោះឡើយ៕

អត្ថបទ ៖ សោ និយមរ័ត្ន