ព័ត៌មានជាតិ
សម្ដេចតេជោ ហ៊ុន សែន ៖ និស្សិតខ្មែរឥស្លាម ៦នាក់ ដែលកំពុងសិក្សានៅប្រទេសស៊ូដង់ ត្រូវបានជម្លៀសចេញហើយ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងថា និស្សិតខ្មែរឥស្លាមចំនួន ៦នាក់ ដែលកំពុងសិក្សានៅរដ្ឋធានីខាទុំ ក្នុងប្រទេសស៊ូដង់ត្រូវបានជម្លៀសចេញហើយ ខណៈប្រទេសនេះកំពុងមានការប្រយុទ្ធគ្នាយ៉ាងខ្លាំងក្លា។

ការឲ្យដឹងរបស់សម្ដេចតេជោ ហ៊ុន សែន ខាងលើនេះ បានធ្វើឡើងនៅក្នុងពិធីបិទវគ្គបណ្តុះបណ្តាលឆ្នាំ ២០២២ និងបើកវគ្គបណ្តុះបណ្តាលឆ្នាំ ២០២៣ របស់សាលាភូមិន្ទរដ្ឋបាល (ERA) នៅព្រឹកថ្ងៃទី ២៧ ខែមេសា ឆ្នាំ ២០២៣នេះ។

សម្ដេចតេជោ ហ៊ុន សែន បានថ្លែងថា និស្សិតខ្មែរឥស្លាមចំនួន ៦នាក់ ដែលកំពុងសិក្សានៅរដ្ឋធានីខាទុំ ក្នុងប្រទេស ស៊ូដង់ ដែលកំពុងមានការប្រយុទ្ធគ្នាយ៉ាងខ្លាំងក្លានោះ ត្រូវបានជម្លៀសចេញពីប្រទេសស៊ូដង់ហើយ តាមរយៈនាវា។ បច្ចុប្បន្ននេះ និស្សិតខ្មែរឥស្លាមទាំង ៦នាក់នោះ បានធ្វើដំណើរទៅដល់ប្រទេសអារ៉ាប៊ីសាអ៊ូឌីតហើយ ដែលមានការជួយសម្រួបសម្រួលពីសំណាក់ប្រទេសម៉ាឡេស៊ី។
សម្ដេចតេជោ ហ៊ុន សែន ថ្លែងបញ្ជាក់ថា «ត្រឹមម៉ោង ៩ នៅប្រទេសអារ៉ាប៊ីសាអ៊ូឌីតបានមកដល់ ស្មើនឹងម៉ោង ១យប់នៅក្នុងប្រទេសរបស់យើង តាមការជូនដំណឹងរបស់ឯកឧត្ដម ឧស្មាន ហាសាន់ គឺបានបញ្ជាក់ថា និស្សិតទាំង ៦នាក់នេះ គឺកំពុងធ្វើដំណើរទៅកាន់សណ្ឋាគារ ប្រហែលជាគេអាចដល់សណ្ឋាគារហើយ»
អ្នកនាំពាក្យក្រសួងការបរទេសកម្ពុជា បានឲ្យដឹងថា មាននិស្សិតខ្មែរចំនួន ៦នាក់ (ស្រី ២នាក់) បានចេញទៅសិក្សានៅក្នុងសាកលវិទ្យាល័យមួយ នៅក្នុងទីក្រុងខាទុំ ប្រទេសស៊ូដង់។ បន្ទាប់ពីការផ្ទុះឡើងនូវការប្រយុទ្ធបង្ហូរឈាម នៅក្នុងទីក្រុងខាតូម កាលពីថ្ងៃទី ១៥ ខែមេសា ឆ្នាំ ២០២៣មក សាកលវិទ្យាល័យខាងលើបានប្រមូលផ្តុំនិស្សិតទាំងអស់ (ចម្រុះជាតិសាសន៍) ឲ្យមកស្នាក់នៅក្នុងទីតាំងមួយ ក្នុងសាកលវិទ្យាល័យ៕
អត្ថបទ៖ ឃួន សុភ័ក្រ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ