ព័ត៌មានជាតិ
ចំណូលពលរដ្ឋខេត្តស្វាយរៀងកើនឡើង ២៦៧ ដុល្លារ រហូតដល់ ១ ៥៥៩ ដុល្លារអាមេរិក
ក្នុងសន្និសីទសារព័ត៌មានស្តីពី «ភាពជោគជ័យរយៈពេល ៥ ឆ្នាំកន្លងមករបស់រដ្ឋបាលខេត្តស្វាយរៀង» លោក ម៉ែន វិបុល អភិបាលនៃគណៈអភិបាលខេត្តបានគូសបញ្ជាក់ឱ្យដឹងថា GDP របស់ប្រជាពលរដ្ឋនៅក្នុងខេត្តស្វាយរៀងសម្រាប់មនុស្សម្នាក់ទទួលបានចំណូលមធ្យម ១ ៥៥៩ ដុល្លារអាមេរិកគឺកើនឡើង ២៦៧ដុល្លារ បើធៀបឆ្នាំ២០១៨។
នាព្រឹកថ្ងៃទី២៧ ខែមេសា ឆ្នាំ២០២៣នេះ លោក ម៉ែន វិបុល បានមានប្រសាសន៍ថា ខេត្តស្វាយរៀងស្ថិតនៅប៉ែកអាគ្នេយ៍ដែលមានចម្ងាយ ១២៥ គីឡូម៉ែត្រពីរាជធានីភ្នំពេញ។
ខេត្ដស្វាយរៀងមានកំណើនសេដ្ឋកិច្ច ៥,៦% ក្នុងនោះបានចូលរួមចំណែកពីវិស័យកសិកម្មប្រមាណជា ៤៣,៧៦% វិស័យឧស្សាហកម្ម ប្រមាណជា ៣៨,១២% និងវិស័យសេវាកម្មប្រមាណជា ១៨,១២%។
លោកបន្តថា សម្រាប់ចំណូលមធ្យមមនុស្សម្នាក់មានប្រមាណ ១.៥៩៥ដុល្លារអាម៉េរិក កើនឡើង ២៦៧ដុល្លារ បើប្រៀបធៀបនឹងឆ្នាំ២០១៨។ ចំពោះទំហំសេដ្ឋកិច្ច (GDP) ខេត្តស្វាយរៀង មានចំនួន ១.០៩៤.៦១៦.៩២៥ដុល្លារ នៅឆ្នាំ២០២២។
ខេត្តស្វាយរៀងជាខេត្តដែលមានភូមិសាស្រ្តជាប់ប្រទេសវៀតណាម មានផ្ទៃដីសរុប ២.៩៦៦,៤០ គីឡូម៉ែត្រក្រឡា ចែកចេញជា ២ក្រុង ៦ស្រុក ៦៨ឃុំ ១២សង្កាត់ ៦៩០ភូមិ មានប្រជាពលរដ្ឋសរុបចំនួន ៦៧៤.៦៣៥នាក់។ ប្រជាពលរដ្ឋអាយុ ១៨ឆ្នាំឡើងមាន ៤៣៨.០៩៥នាក់ ហើយប្រជាជនអាយុ ១៨ឆ្នាំឡើងដែលមានការងារធ្វើមានចំនួន ៩២,៦%។
ខេត្តមានទំនាក់ទំនងសេដ្ឋកិច្ចជាមួយប្រទេសវៀតណាមតាមច្រកទ្វារព្រំដែនចំនួន ៨ កន្លែង រួមមាន ច្រកទ្វារព្រំដែនអន្តរជាតិ ២កន្លែង ច្រកទ្វារព្រំដែនទ្វេភាគី ២កន្លែង និងច្រកទ្វារតំបន់ព្រំដែន ៤កន្លែង និងមានកំពង់ផែ ០១កន្លែង ដែលកំពុងដើរតួនាទីយ៉ាងសំខាន់ក្នុងការជួយសម្រួលដល់ការដោះដូរពាណិជ្ជកម្ម កសិផលផ្សេងៗ និងការធ្វើដំណើរឆ្លងកាត់ព្រំដែន របស់ប្រជាពលរដ្ឋ ភ្ញៀវជាតិ អន្ដរជាតិ ។ រដ្ឋបាលខេត្តក៏គ្រោងរៀបចំសំណើទៅរាជរដ្ឋាភិបាល ដើម្បីស្នើសុំបង្កើតច្រកទ្វារតំបន់ព្រំដែនមួយកន្លែងទៀត គឺច្រកទ្វារតំបន់ព្រំដែនក្រសាំងជ្រំ ស្ថិតនៅភូមិក្រសាំងជ្រំ ឃុំគ្រួស ស្រុកស្វាយជ្រំ៕
សមត្ថកិច្ចនឹងរៀបចំចំណតយានយន្តសម្រាប់អ្នកមកចូលរួមសង្រ្កាន្តវត្តភ្នំ ពីថ្ងៃទី១៤ ដល់ថ្ងៃទី១៦ខែមេសា
រដ្ឋមន្ត្រីឧស្សាកម្ម៖ សហគ្រាសធុនតូច-មធ្យម រួមចំណែក ៥៨% ផលិតផលក្នុងស្រុកសរុប
អ្នករត់តាក់ស៊ី៖ បច្ចុប្បន្ន របរដឹកអ្នកដំណើរមិនសូវកាក់កប ប៉ុន្ដែជំនួសដោយការផ្ញើអីវ៉ាន់
ធនាគារកណ្ដាលរុស្ស៊ីព្រួយបារម្ភពីហានិភ័យសេដ្ឋកិច្ច ជុំវិញការធ្លាក់ចុះតម្លៃប្រេង
របកគំហើញថ្មី! អ្នកវិទ្យាសាស្ត្រអាចបង្កាត់សត្វមួយប្រភេទដែលផុតពូជជាង ១ម៉ឺនឆ្នាំមុន
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា