ព័ត៌មានជាតិ

ក្បួនដង្ហែព្រះអគ្គិជ័យកីឡាស៊ីហ្គេមបានមកដល់ខេត្តកំពង់ឆ្នាំងមានប្រជាពលរដ្ឋមន្ត្រីរាជការជាង២០ ម៉ឺននាក់បានចូលរួមអបអរសាទរ

បានផុស

២ years មុន

នៅ

ថ្ងៃសៅរ៍ ២៩ មេសា ២០២៣

ដោយ

កំពង់ឆ្នាំង ៖ គណៈប្រតិភូដង្ហែព្រះអគ្គិជ័យកីឡាស៊ីហ្គេមលើកទី ៣២ និងអាស៊ីប៉ារ៉ាហ្គេមលើកទី ១២ បានមកដល់ខេត្តកំពង់ឆ្នាំងចំណុចព្រះគោព្រះកែវស្ថិតក្នុងភូមិជន្លត់ដៃ ឃុំស្វាយ ស្រុកសាមគ្គីមានជ័យខេត្តកំពង់ឆ្នាំង ជាប់ព្រំប្រទល់ខេត្តកំពង់ស្ពឺនៅវេលាម៉ោង ៩និង ៣០នាទីព្រឹកថ្ងៃទី២៩ ខែមេសាឆ្នាំ២០២៣ ដោយមានប្រជាពលរដ្ឋនៅក្នុងខេត្តកំពង់ឆ្នាំងចូលរួមអបអរសាទរទទួលនិងចូលរួមដង្ហែដង្ហែជាង២០ ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការទទួលគណៈរដ្ឋប្រតិភូថ្នាក់ជាតិដង្ហែព្រះអគ្គិកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី ១២ឆ្នាំ២០២៣យើងសង្កេតឃើញវត្តមាន លោកឡុង ឈុនឡៃ ប្រធានក្រុមប្រឹក្សាខេត្ត លោក ស៊ុនសុវណ្ណារិទ្ធិ អភិបាលខេត្តកំពង់ឆ្នាំង លោកនី ផល្លី រដ្ឋលេខាធិការក្រសួងទេសចរណ៍ លោកជំទាវ កែ ច័ន្ទមុន្នី អ្នកតំណាងរាស្ត្រមណ្ឌលខេត្តកំពង់ឆ្នាំង កងកម្លាំងទាំង៣សិស្សានុសិស្សលោកគ្រូអ្នកគ្រូបងប្អូនប្រជាពលរដ្ឋនៅឈតាមបណ្តោយផ្លូវជាតិ៥រង់ចាំក្រវីទង់ជាតិទង់សាសនា អបអសារទព្រះអគ្គិជ័យកីឡាដែលមានចម្ងាយផ្លូវប្រវែង៥១គីឡូម៉ែត្រពីព្រំប្រទល់ស្រុកឧត្តុង្គខេត្តកំពង់ស្ពឺ មកកាន់ទីក្រុងកំពង់ឆ្នាំង។

លោក ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំងបានមានប្រសាសន៍ថា រយៈពេល១ ថ្ងៃនេះសង្កេតឃើញប្រជាពលរដ្ឋយើងបានអញ្ជើញចូលរួមបង្ហាញអោយឃើញពីទឹកចិត្តក្លៀវក្លាអស់ពីបេះដូងដើម្បីចូលរួមស្វាគមន៍ការដង្ហែក្បួនព្រះអគ្គិជ័យកីឡាសបញ្ជាក់ថា បងប្អូនប្រជាពលរដ្ឋគាំទ្រនូវសន្តិភាព។

កម្ពុជាយើងបានទទួលនូវសុខសន្តិភាពមកដល់ពេលនេះ ដោយសារគោលនយោបាយឈ្នះៗរបស់សម្តេចតេជោហ៊ុនសែន ដោយសារតែគោលនយោបាយឈ្នះៗទើបមានសន្តិភាពទើបមានព្រឹត្តិការណ៍កីឡាអន្តរជាតិកើត ឡើងដូចថ្ងៃនេះ ទើបយើងដាក់ចេញនៅកីឡាក្នុងសន្តិភាព ក្នុងឱកាសនេះបងប្អូនប្រជាពលរដ្ឋសូមស្វាគមន៍នៅភាសាកីឡារស់នៅក្នុងសន្តិភាព។

សូមបញ្ជាក់ផងដែរថា នៅល្ងាចថ្ងៃ២៩នេះក្បួនព្រះអគ្គីជ័យកីឡាត្រូវបានដង្ហែទៅតម្កល់នៅវត្តអារញ្ញកា រាម ដើម្បីរៀបចំតាមបែបសាសនាហើយនៅព្រឹកស្អែកនិងបន្តទៅកាន់ខេត្តពោធិ៍សាត់ ។

ចំពោះការដង្ហែព្រះអគ្គិជ័យកីឡាឆ្លងកាត់ខេត្តកំពង់ឆ្នាំង លោកអភិបាលខេត្តកំពង់ឆ្នាំងបានឱ្យដឹងថា ថ្ងៃនេះនិងថ្ងៃស្អែកមានព្រះសង្ឃប្រជាពលរដ្ឋ មន្ត្រីរាជការ កងកម្លាំងប្រដាប់អាវុធទាំង៣ប្រភេទសិស្សានុសិស្សលោកគ្រូអ្នកគ្រូចូលរួមសរុបប្រមាណជា២០ម៉ឺននាក់ ៕

ដោយ ៖ ឈៀង ថារិទ្ធ