ព័ត៌មានជាតិ

កសិកររីករាយ ដោយសារឆ្នាំនេះ ទុរេន មានទីផ្សារល្អ

បានផុស

២ years មុន

នៅ

ថ្ងៃអង្គារ ២ ឧសភា ២០២៣

ដោយ

ឆ្នាំនេះ កសិករនៅស្រុកសំឡូត មានអារម្មណ៍សប្បាយរីករាយ ដោយសារទុរេនហុចផលមុនរដូវ ដូច្នេះហើយទើបអាចធ្វើឲ្យ ផ្លែទុរេន មានទីផ្សារយ៉ាងល្អប្រសើរជាងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ វិបុល ប្រជាកសិកររស់នៅក្នុងឃុំស៊ុង ស្រុកសំឡូត ខេត្តបាត់ដំបង និងជាម្ចាស់ចម្ការទុរេនមួយរូប បានលើកឡើងថា ឆ្នាំកន្លងមក ទុរេន តែងហុចផលភាគច្រើននៅពាក់កណ្ដាលខែឧសភា។ ដោយឡែកឆ្នាំនេះ ហាក់ដូចជាមានអំណោយផលល្អ ដែលទុរេនបានចាប់ផ្ដើមទុំតាំងពីដើមខែមេសា មកម្ល៉េះ ដូច្នេះហើយទើបទុរេនសំឡូតបច្ចុប្បន្នចាប់ផ្ដើមមានទីផ្សារល្អ សម្រាប់ផ្លែដើមដៃនេះ។

លោកបានបន្តថា សព្វថ្ងៃមានភ្ញៀវទេសចរ ក៏ដូចជាអាជីវករ បានចូលទៅទិញដល់ចម្ការ ដោយការលក់ផ្ទាល់ក្នុងចម្ការនាពេលបច្ចុប្បន្ននេះ មានតម្លៃចាប់ពី ២០.០០០ រៀល ដល់ ២៥.០០០ រៀល ក្នុងមួយគីឡូក្រាម ដែលតម្លៃនេះគឺខ្ពស់ជាងឆ្នាំកន្លងទៅ។ ហើយលោកក៏បានផ្ដាំផ្ញើថា អ្នកទិញត្រូវមើលផង ប្រយ័ត្នប៉ះទុរេននាំចូលពីក្រៅ ហើយប្រកាសថា “ទុរេនសំឡូត”៕

អត្ថបទ ៖ សោ និយមរ័ត្ន