ព័ត៌មានជាតិ

ស្នងការនគរបាលខេត្តត្បូងឃ្មុំ ជូនដំណឹងស្តីពីការបញ្ចៀសចរាចរណ៍កំណាត់ផ្លូវជាតិមួយចំនួន នាថ្ងៃទី៤-៥ ខែឧសភា ខាងមុខនេះ

បានផុស

២ years មុន

នៅ

ថ្ងៃអង្គារ ២ ឧសភា ២០២៣

ដោយ

កំពង់ចាម ៖ អគ្គស្នងការនគរបាលខេត្តត្បូងឃ្មុំ បានចេញសេចក្តីជូនដំណឹងស្តីពីការបញ្ចៀសចរាចរណ៍យានយន្តគ្រប់ប្រភេទជាបណ្តោះអាសន្ន ក្នុងពិធីបុណ្យគម្រប់ខួប១ឆ្នាំ និងឆ្លងប្រាង្គព្រះចេតិយឧទ្ទិសកុសលជូនដួងវិញ្ញាណក្ខន្ធ សម្ដេចឧត្ដមទេពញាណ ហ៊ុន ណេង ស្ថិតក្នុងភូមិអណ្ដូងច្រុះ ឃុំអំពិល ស្រុកកំពង់សៀម ខេត្តកំពង់ចាមដែលនឹងប្រព្រឹត្តទៅនាថ្ងៃទី៤-៥ ខែមេសា ឆ្នាំ២០២៣ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីជូនដំណឹងបានជម្រាបជូនតម្រាយផ្លូវដូចខាងក្រោមនេះ ៖

ទី១- ផ្លូវធ្វើដំណើរពីរាជធានីភ្នំពេញ ទៅមកខេត្តត្បូងឃ្មុំ ខេត្តក្រចេះ ខេត្តមណ្ឌលគិរី ខេត្តរតនៈគិរី និងខេត្តព្រៃវែង អាចប្រើប្រាស់ផ្លូវជាតិលេខ៨ ឆ្លងកាត់ស្រុកខ្សាច់កណ្ដាល ស្រុកល្វាឯម ខេត្តកណ្ដាល ស្រុកពារាំង ស្រុកស្វាយអន្ទរ ស្រុកកំចាយមារ និងស្រុកពញាក្រែក ខេត្តត្បូងឃ្មុំ និងផ្លូវជាតិលេខ១១ ស្រុកស្វាយអន្ទរ ស្រុកកញ្ជ្រៀច ខេត្តព្រៃវែង និងស្រុកអូររាំងឪ ខេត្តត្បូងឃ្មុំ។

ទី២- ចំពោះផ្លូវជាតិលេខ៧ ខេត្តត្បូងឃ្មុំ ឆ្ពោះទៅខេត្តកំពង់ធំ ខេត្តសៀមរាប ទៅតាមផ្លូវបេតុងស្របតាមដងទន្លេ កាត់ស្រុកត្បូងឃ្មុំ និងស្រុកក្រូចឆ្មារ ឆ្លងស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ។

អាស្រ័យហេតុនេះ សូមសាធារណជន និងអ្នកធ្វើដំណើរឆ្លងកាត់ទាំងអស់ មេត្តាជ្រាប យោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់តាមកំណាត់ផ្លូវខាងលើ ដោយក្តីអនុគ្រោះ៕