ព័ត៌មានជាតិ
អ្នកនាំពាក្យ ៖ សេរីភាពសារព័ត៌មាន និងសេរីភាពខាងការបោះពុម្ពផ្សាយនៅកម្ពុជា ត្រូវបានធានាការពារយ៉ាងពេញលេញ
មន្ត្រីជាន់ខ្ពស់ក្រសួងព័ត៌មាន អះអាងថា សេរីភាពសារព័ត៌មាន និងសេរីភាពខាងការបោះពុម្ពផ្សាយនៅក្នុងប្រទេស កម្ពុជា ត្រូវបានធានាការពារយ៉ាងពេញលេញដោយច្បាប់ ស្ដីពី របបសារព័ត៌មាន និងស្របតាមរដ្ឋធម្មនុញ្ញ។
ការអះអាងនេះ គឺដើម្បីឆ្លើយតបទៅនឹងក្រុមអង្គការសមាគមសារព័ត៌មាន និងអង្គការសមាគមមិនមែនរដ្ឋាភិបាលជាង ១០ ដែលបានចេញសេចក្ដីថ្លែងការណ៍រួមគ្នា ពាក់ព័ន្ធនឹងការប្រារព្ធខួបលើកទី ៣០ នៃទិវាសេរីភាពសារព័ត៌មាននៅឆ្នាំ ២០២៣នេះ កាលពីថ្ងៃទី ២ ខែឧសភា។
នៅក្នុងសេចក្ដីថ្លែងការណ៍នេះ អង្គការសមាគមទាំងនោះ បានស្នើដល់រាជរដ្ឋាភិបាល និងដៃគូពាក់ព័ន្ធទាំងអស់ ធានាឲ្យបាននូវបរិយាកាសប្រកបដោយសេរីភាព សន្តិសុខ និងសុវត្ថិភាព សម្រាប់អ្នកសារព័ត៌មាន និងស្ថាប័នព័ត៌មាន ក្នុងការបំពេញការងារវិជ្ជាជីវៈដោយមិនមានការរឹតត្បិត និងភ័យខ្លាច ជាពិសេសនៅមុន អំឡុងពេល និងក្រោយការបោះឆ្នោតជ្រើសតាំង តំណាងរាស្រ្ដ នៅខែកក្កដាខាងមុខនេះ។
លោក មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន មានប្រសាសន៍ប្រាប់កម្ពុជាថ្មី នៅព្រឹកថ្ងៃទី ៣ ខែឧសភានេះថា ការចេញសេចក្តីថ្លែងការណ៍នេះ គឺគ្រាន់តែជាចេតនាក្នុងការទាក់ទាញការចាប់អារម្មណ៍ពីសាធារណជន និងគ្រាន់តែដើម្បីកៀរគរនូវការគាំទ្រហិរញ្ញវត្ថុពីបណ្តាប្រទេសមួយចំនួន ដើម្បីបម្រើផលប្រយោជន៍ផ្ទាល់ខ្លួន ឬក្រុមរបស់ពួកគេ និងជាចេតនាបំភាន់សាធារណជនតែប៉ុណ្ណោះ។
លោក មាស សុភ័ណ្ឌ បានបញ្ជាក់ថា សេរីភាពសារព័ត៌មាន និងសេរីភាពខាងការបោះពុម្ពផ្សាយ ត្រូវបានធានាការពារយ៉ាងពេញលេញដោយច្បាប់ ស្ដីព របបសារព័ត៌មាន និងស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។ ផ្អែកលើស្មារតីនេះ អង្គភាពសារព័ត៌មាន និងអ្នកសារព័ត៌មានប្រកបដោយភាពចម្រុះ និងមានទស្សនៈគ្រប់និន្នាការ មានចំនួនកើនឡើងជាលំដាប់ ព្រមទាំងបាននិងកំពុងបំពេញតួនាទី ភារកិច្ច និងអនុវត្តសិទ្ធិសេរីភាពរបស់ខ្លួនយ៉ាងសកម្មក្នុងផ្សព្វផ្សាយ ឬរាយការណ៍ព័ត៌មាន ដោយសេរី គ្មានការរើសអើង ការរឹតត្បិត និងគ្មានគំរាមកំហែង គ្រប់ច្រកល្ហកនៅទូទាំងប្រទេសកម្ពុជា។
បន្ថែមពីនេះ បរិយាកាស និងលំហសេរីភាពសារព័ត៌មាននៅកម្ពុជា ត្រូវបានធានាការពារយ៉ាងគត់មុត និងនៅតែរក្សាភាពល្អប្រសើរ ស្របពេលដែលប្រទេសមួយចំនួន បានហាមប្រាមមន្រ្ដីសាធារណៈ បុគ្គលិកតាមស្ថាប័ន ឬអង្គភាពផ្សេងៗមិនឲ្យប្រើប្រាស់បណ្តាញសង្គមមួយចំនួនដូចជា Tik Tok ជាដើម ហើយក៏បានបិទប្រព័ន្ធផ្សព្វផ្សាយរបស់រុស្ស៊ីផងដែរ។
អ្នកនាំពាក្យក្រសួងព័ត៌មាន បានបញ្ជាក់ទៀតថា អង្គភាពសារព័ត៌មាន និងអ្នកសារព័ត៌មាន គឺជាអ្នកប្រកបវិជ្ជាជីវៈមួយ ដែលត្រូវមានកាតព្វកិច្ច និងការទទួលខុសត្រូវដូចអ្នកប្រកបវិជ្ជាជីវៈដទៃទៀតដែរ។ ក្នុងន័យនេះ ប្រសិនបើអង្គភាពសារព័ត៌មាន ឬអ្នកសារព័ត៌មានណាមួយ ដែលប្រព្រឹត្តខុសក្រមសីលធម៌វិជ្ជាជីវៈ ខុសច្បាប់ គឺត្រូវទទួលខុសត្រូវចំពោះមុខច្បាប់នូវទង្វើ ឬសកម្មភាពដែលខ្លួនបានប្រព្រឹត្តខុស។
ដូច្នេះការអនុវត្តនីតិវិធីតាមផ្លូវច្បាប់ ពុំមែនជាការធ្វើទុក្ខបុកម្និញដល់អ្នកសារព័ត៌មាន ឬអង្គភាពសារព័ត៌មាន ដូចការលើកលើងក្នុងសេចក្ដីថ្លែងការណ៍ របស់អង្គការសមាគមខាងលើនោះទេ។ ការអនុវត្តទោសទណ្ឌ រួមទាំងទោសព្រហ្មទណ្ឌចំពោះអ្នកសារព័ត៌មាន ឬអង្គភាពសារព័ត៌មានដែលប្រព្រឹត្តខុសច្បាប់ មិនមែនជាមានតែនៅកម្ពុជានោះទេ ប្រទេសដទៃទៀតក៏អនុវត្តដូចគ្នាដែរ។ ម្យ៉ាងវិញទៀត ការប្រើឈ្មោះសារព័ត៌មាន ឬអ្នកសារព័ត៌មាន គឺមិនអាចការពារ ឬគេចវេសពីការទទួលខុសត្រូវតាមច្បាប់ នូវអំពើល្មើសច្បាប់របស់ខ្លួនបានឡើយ៕
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី