ព័ត៌មានជាតិ

គណៈកម្មាធិការគណបក្សប្រជាជនកម្ពុជាស្រុកស្ទោង ប្រកាសទទួលស្គាល់ជាផ្លូវការសមាជិកថ្មីចំនួន ៩០៤នាក់

បានផុស

២ years មុន

នៅ

ថ្ងៃសៅរ៍ ៦ ឧសភា ២០២៣

ដោយ

គណៈកម្មាធិការគណបក្សប្រជាជនកម្ពុជាស្រុកស្ទោង បានប្រកាសទទួលស្គាល់ជាផ្លូវការសមាជិកថ្មីចំនួន ៩០៤នាក់ ដែលសុំចូលរួមជីវភាពនយោបាយជាមួយគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីប្រកាសទទួលស្គាល់សមាជិកថ្មីចំនួន៩០៤នាក់ នៅព្រឹកថ្ងៃទី៦ឧសភានេះ លោក ថា យ៉ាវ ប្រធានក្រុមការងារចុះជួយខេត្តកំពង់ធំនិងក្រុមការងារចុះជួយស្រុកស្ទោងបានមានប្រសាសន៍ថា សមាជិកថ្មីចំនួន៩០៤នាក់មកពីឃុំ២របស់ស្រុកស្ទោង គឺឃុំចំណារក្រោមនិងឃុំសំព្រោជដោយលោកចាត់ទុកថាការចូលមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជារបស់បងប្អូនទាំង៩០៤នាក់នៅពេលនេះថា ជាការសម្រេចចិត្តដ៏ត្រឹមត្រូវបំផុត ព្រោះបច្ចុប្បន្ននេះមិនមានគណបក្សនយោបាយណាមួយ ដែលមានគោលនយោបាយច្បាស់លាស់ក្នុងការដឹកនាំប្រទេសជាតិឲ្យមានការរីកចម្រើនដូចគណបក្សប្រជាជនកម្ពុជានោះទេ។

ជាងនេះទៀត ថ្នាក់ដឹកនាំគណបក្សប្រជាជនកម្ពុជាគ្រប់លំដាប់ថ្នាក់ ពិសេស សម្ដេច តេជោហ៊ុនសែនប្រធានគណបក្សតែងតែរស់នៅរួមសុខរួមទុក្ខជាមួយប្រជាជនកម្ពុជាគ្រប់ពេលវេលានិងគ្រប់កាលៈទេសៈទាំងអស់ហើយក៏មិនដែលរត់ចោលប្រជាជនយើយនោះដែរ។ មិនតែប៉ុណ្ណោះនៅពេលប្រជាជនជួបការលំបាកខ្វះខាតក៏ដូចជួបគ្រោះធម្មជាតិផ្សេងៗគណបក្សប្រជាជនកម្ពុជា តែងចុះជួយសង្គ្រោះបានទាន់ពេលវេលាថែមទៀតផងនិយាយរួមគឺមិនដែលបោះបង់នឹងបានមិនគិតដល់សុខទុក្ខរបស់ប្រជាជនយើងម្ដងនោះទេ។

ដូចនេះយើងត្រូវតែបន្តរួមសុខរួមទុក្ខ ជាមួយគ្នាជាបន្តទៀតដើម្បីភាពសុខសាន្តរបស់ប្រជាជន និង ការនាំមកនូវការអភិវឌ្ឍន៍លើកគ្រប់វិស័យដល់ជាតិមាតុភូមិរបស់យើងនិងដើម្បីកូនចៅជំនាន់ក្រោយៗទៀត។

លោកប្រធានក្រុមការងាររូបនេះក៏បានចាត់ទុកការចូលរួមរបស់សមាជិក សមាជិកាថ្មីទាំង៩០៤នាក់នាពេលនេះគឺជាបង្ហាញឲ្យឃើញយ៉ាងច្បាស់ការជឿជាក់និង ការគាំទ្រចំពោះការដឹកនាំដ៏ត្រឹមត្រូវរបស់គណបក្សប្រជាជនកម្ពុជា។ ហើយតាមរយៈសមាជិកថ្មីនេះដែរ ក៏បានបង្កើនកម្លាំងគណបក្សប្រជាជនកម្ពុជាកាន់តែមានកម្លាំងកាន់តែខ្លាំងក្លាថែមទៀតនៅក្នុងការបំពេញភារកិច្ចបម្រើជាតិ ប្រជាជននិងការអភិវឌ្ឍន៍ប្រទេស។

លោកបានបន្តថា គណបក្សប្រជាជនកម្ពុជានៅតែទទួលស្វាគមន៍ជានិច្ចចំពោះបងប្អូនដែលស្ម័គ្រចិត្តដោយស្មោះចូលមករួមរស់ជាមួយគណបក្សប្រជាជនកម្ពុជា។

ទន្ទឹងនឹងនេះដែរ លោក ថា យ៉ាវ នូវបង្ហាញឲ្យសមាជិកយើងបានដឹងពីភាពរីកចម្រើនរបស់ប្រទេសនារយះពេល៥ឆ្នាំចុងក្រោយផងដែរ ក្រោមការដឹកនាំដោយគណបក្សប្រជាជនកម្ពុជា ពិសេស តម្លៃនៃសន្តិភាពក្រោមនយោបាយឈ្នះ ឈ្នះ របស់សម្ដេចតេជោហ៊ុនសែន៕

ដោយ ៖ សំអឿន