ព័ត៌មានជាតិ

រដ្ឋបាលខណ្ឌដង្កោបន្តដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរណ៍

បានផុស

៤ years មុន

នៅ

ថ្ងៃពុធ ២០ មករា ២០២១

ដោយ

គណៈបញ្ជាការឯកភាពរដ្ឋបាលខណ្ឌដង្កោ បន្តចុះដាក់គោលដៅដើម្បីត្រួតពិនិត្យអាវុធជាតិផ្ទុះ ក៏ដូចជាបទល្មើសផ្សេងៗ និងពង្រឹងច្បាប់ចរាចរផ្លូវគោក នៃព្រះរាជាណាចក្រកម្ពុជា។

លោក ម៉ុក ពុទ្ធា នាយករដ្ឋបាលខណ្ឌដង្កោ ប្រាប់ឲ្យដឹងថា បន្ទាប់ពីទទួលបានបទបញ្ជាពីលោកស្រី គឹម ញឹប អភិបាលខណ្ឌដង្កោ រូបលោកផ្ទាល់រួមជាមួយលោក ប៊ុន ណារុំ អភិបាល រងខណ្ឌដង្កោ បានដឹកនាំកម្លាំងចម្រុះជាច្រើននាក់រួមមាន នគរបាលខណ្ឌ អាវុធហត្ថមូលដ្ឋានខណ្ឌ មន្ត្រីសាលាខណ្ឌ និងកម្លាំងសណ្តាប់ធ្នាប់ខណ្ឌ បន្តចុះដាក់គោលដៅដើម្បីត្រួតពិនិត្យអាវុធជាតិផ្ទុះ បទលើ្មសផ្សេងៗ ក៏ដូចជាអនុវត្តរឹតបន្តឹងច្បាប់ចរាចរផ្លូវគោក នៃព្រះរាជាណាចក្រកម្ពុជា ដើម្បីចូលរួមការទប់ស្កាត់បង្ការ រាល់បទល្មើសផ្សេងៗ បង្កើនសន្តិសុខសុវត្ថិភាពសណ្ដាប់ធ្នាប់ ក៏ដូច ជាកាត់បន្ថយអត្រាគ្រោះថ្នាក់ចរាចរណ៍ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ុក ពុទ្ធា បានបន្តឲ្យដឹងថា ការដាក់គោលដៅឆែកអាវុធជាតិផ្ទុះ របស់អាជ្ញាធរខណ្ឌដង្កោ គឺធ្វើឡើងយ៉ាងយកចិត្តទុកដាក់ និងប្រុងប្រយ័ត្ន ជាលទ្ធផលមិនមានអ្វីគួរឱ្យចាប់អារម្មណ៍ និងមិនមានរកឃើញបទល្មើសអ្វីដែលគួរឲ្យសង្ស័យនោះទេ៕

អត្ថបទ ៖ រ៉ាវុទ្ធ