ព័ត៌មានជាតិ
ជាង៣ឆ្នាំនេះ មានស្រី្តជាកម្មការិនីសម្រាលកូនភ្លោះ៣ ចំនួន១៣នាក់
បេឡាជាតិសន្តិសុខសង្គម(ប.ស.ស.)បានឲ្យដឹងថា រយៈពេលជាង៣ឆ្នាំមកនេះ មានស្រី្តជាកម្មការិនីសម្រាលបានកូនភ្លោះ៣ ជាសមាជិក ប.ស.ស.ចំនួន១៣នាក់ និងទទួលបានប្រាក់ឧបត្ថម្ភបន្ថែម១លាន២សែនរៀល ពីរដ្ឋាភិបាល និងប្រាក់អត្ថប្រយោជន៍ផ្សេងៗជាច្រើនទៀត។
គិតចាប់តាំងពីថ្ងៃទី០១ ខែមករា ឆ្នាំ២០១៨ រហូតមកទល់ពេលនេះ គឺមានរយៈពេលជាង៣ឆ្នាំមកហើយ ដែលរាជរដ្ឋាភិបាលកម្ពុជា បានដាក់ចេញជាសាធារណៈសម្រេចផ្តល់ប្រាក់ឧបត្ថម្ភបន្ថែមដល់កម្មការិនីសមាជិកប.ស.ស. ដែលបានសម្រាលកូនទាំងក្នុង និងក្រៅប្រព័ន្ធ ដែលទី១ សម្រាលបានកូន១នាក់ ទទួលបាន៤០ម៉ឺនរៀល ២.សម្រាលបានកូនភ្លោះពីរទទួលបាន៨០ម៉ឺនរៀល ៣. សម្រាលបានកូនភ្លោះបី ទទួលបាន១លាន២សែនរៀល ។
បើតាម ប.ស.ស.បានឲ្យដឹងថា គ្រាន់តែក្នុងខែដំបូង នៃឆ្នាំ២០២១នេះ ស្ត្រីសម្រាលកូនជាសមាជិក ប.ស.ស. ចំនួន២នាក់ហើយដែលសម្រាលបានកូនភ្លោះ៣ និងទទួលបានប្រាក់ឧបត្ថម្ភបន្ថែមរបស់រាជ រដ្ឋាភិបាលកម្ពុជា រួមទាំងអត្ថប្រយោជន៍របបសន្តិសុខសង្គមផ្សេងៗជាច្រើនទៀត ដែល ប.ស.ស.បានផ្តល់ជូន។
ជាក់ស្តែងនៅថ្ងៃទី២០ ខែមករា ឆ្នាំ២០២១នេះ មានស្ត្រីសម្រាលបានកូនភ្លោះ៣ ម្នាក់ឈ្មោះ ហង្ស ចាន់ថា កំពុងសម្រាកព្យាបាលក្រោយបានសម្រាលរួចនៅមន្ទីរពេទ្យកាល់ម៉ែត្រ។ លោកស្រី ហង្ស ចាន់ថា បានប្រាប់ ប.ស.ស ឲ្យដឹងថា រូបគាត់ពិតជាអរគុណបំផុតចំពោះថ្នាក់ដឹកនាំកម្ពុជាដែលតែង តែគិតគូរយកដាក់ខ្ពស់បំផុត ពីសុខទុក្ខ សុខុមាលភាព និងជីវភាពរស់នៅរបស់បងប្អូនប្រជាពលរដ្ឋពិសេសបងប្អូនកម្មករនិយោជិត។ ក្នុងនោះក៏មានស្ត្រីជាសមាជិក ប.ស.ស.ដូចរូបគាត់ សម្រាលបានកូនភ្លោះ៣ ហើយថែមទាំងទទួលបានប្រាក់ឧបត្ថមបន្ថែមពីរាជរដ្ឋាភិបាល ចំនួន១លាន២សែនរៀលភ្លាមៗ ព្រមទាំងប្រាក់បំណាច់ប្រចាំថ្ងៃ៧០% រួមនឹងអត្ថប្រយោជន៍ ប.ស.ស.ជាច្រើនទៀតផងដែរ។
តាមរបាយការណ៍របស់បេឡាជាតិសន្តិសុខសង្គម នៃក្រសួងការងារ និងបណ្ដុះបណ្តាលវិជ្ជាជីវៈ ប្រចាំឆ្នាំ២០២០ បានឲ្យដឹងថា ចាប់តាំងពីថ្ងៃទី០១ ខែមករា ឆ្នាំ២០២០ រហូតមកដល់ត្រឹមថ្ងៃទី៣១ ខែធ្នូ ឆ្នាំ២០២០កន្លងទៅនេះ ប.ស.ស បានបើកប្រាក់ឧបត្ថម្ភបន្ថែមរបស់រាជរដ្ឋាភិបាល ដល់កម្មករនិយោជិតជាស្ត្រីសម្រាលកូនចំនួន៨០ ៤៩៩នាក់ ក្នុងនោះចំនួនកូនមាន៨១ ០៣១ នាក់ ដោយចំណាយទឹកប្រាក់អស់ប្រមាណជាង៣២ពាន់លានរៀល ។
ចំនួននេះ បើប្រៀបធៀបទៅនឹងឆ្នាំ២០១៩កន្លងទៅ ឃើញថា ស្ដ្រីសម្រាលកូនមានការកើនឡើងជាបន្តបន្ទាប់ ដែលក្នុងឆ្នាំ២០១៩ ស្ដ្រីសម្រាលកូនមានចំនួន៧៧ ៤៤៩នាក់ មានចំនួនកូនសរុប ៧៧៩៦៦នាក់ និងឆ្នាំ២០១៨ មានស្ដ្រីសម្រាលកូនចំនួន ៦៥ ០៥៤នាក់ មានចំនួនកូនសរុប៦៥ ៥៣៤នាក់។
សូមបញ្ជាក់ថា សម្រាប់កម្មការិនីទាំងអស់ដែលបម្រើការនៅតាមរោងចក្រសហគ្រាស គ្រឹះស្ថាន ដែលបានប្រកាសបង់ភាគទាន ប.ស.ស. យ៉ាងតិច៩ខែ ក្នុងរយៈពេល១២ខែ គិតមកដល់ខែសម្រាលកូន នឹងទទួលបានការឈប់សម្រាកពីការងាររយៈពេល៩០ថ្ងៃ រួមជាមួយប្រាក់បំណាច់ប្រចាំថ្ងៃ៧០% បន្ថែមទៀត ពីបេឡាជាតិសន្តិសុខសង្គម(ប.ស.ស.) ព្រមទាំងអត្ថប្រយោជន៍ផ្សេងៗជាច្រើនទៀត ៕
អត្ថបទ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ