ព័ត៌មានជាតិ

ស្ថានទូតជប៉ុន ប្រគល់អំណោយដល់ជនរងគ្រោះដោយសារទឹកជំនន់

បានផុស

៤ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

អគ្គកុងស៊ុល នៃស្ថានទូតជប៉ុន ប្រចាំកម្ពុជា បាននាំយកអំណោយរបស់ប្រជាជនជប៉ុន ចែកជូនប្រជាពលរដ្ឋខ្មែរ រងផលប៉ះពាល់ដោយជំនន់ទឹកភ្លៀង ដែលបានកំពុងស្នាក់នៅលើទីទួលសុវត្ថិភាព ចំនួន ៥កន្លែង ក្នុងក្រុងសិរីសោភ័ណ ។

ប្រជាពលរដ្ឋដែលទទួលអំណោយមានចំនួនសរុប ៤៧១គ្រួសារ ដោយក្នុងមួយគ្រួសារ ទទួលបាន កម្រាលដេក១ ភួយ ១ និង ធុងទឹកជ័រ ១ ដើម្បីឆ្លើយតបទៅនឹងគ្រោះទឹកជំនន់ ក្នុងខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកថា អំណោយមនុស្សធម៌ របស់ប្រជាជនជប៉ុន តាមរយៈរាជរដ្ឋាភិបាលជប៉ុន និងស្ថានទូតជប៉ុនប្រចាំកម្ពុជា ជូនដល់ខេត្តបន្ទាយមានជ័យ ត្រូវបានប្រគល់ជូនដល់ប្រជាពលរដ្ឋរងគ្រោះដោយទឹកជំនន់នៅថ្ងៃទី១៥ខែតុលាឆ្នាំ២០២០ ។

លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានចូលរួមប្រគល់អំណោយរបស់ជប៉ុន ដល់លោក អ៊ុំ រាត្រី អភិបាលខេត្តបន្ទាយមានជ័យ រួមមានតង់វែង៤៦តង់ តង់ដេក៦៣កេះ គុណ២ ស្មើ២៦តង់ ភួយ១៦ដុំ គុណ៣០ ស្មើ៤៨០ភួយ, កំរាលដេក៥០កេះ គុណ១០ ស្មើ៥០០ កម្រាល ដុំព្រីភ្លើង២ដុំ ម៉ាស៊ីនភ្លើង២គ្រឿង ស្នប់ចម្រោះទឹក១០ធុងទឹក១០លីត្រ ២កេះ គុណ៥០ ស្មើ១០០ធុង។

លោក អ៊ុំ រាត្រី បានមានប្រសាសន៍ថា ក្នុងនាមរដ្ឋបាលខេត្ត ក៏ដូចគណៈកម្មាធិការខេត្តគ្រប់គ្រងគ្រោះមហន្តរាយខេត្តបានគោរពថ្លែងអំណរគុណ ដល់រដ្ឋាភិបាលជប៉ុន និងប្រជាជនជប៉ុន ដែលបានផ្ដល់ជំនួយជួយសង្គ្រោះដល់ប្រជាពលរដ្ឋ ដែលរងគ្រោះដោយទឹកជំនន់ នៅក្នុងខេត្តបន្ទាយមានជ័យ នេះ៕

អត្ថបទ ៖ វ៉ាន់ ណាង