ព័ត៌មានជាតិ
ឌីជេ ណាណា និង វី យ៉ារ៉ូ ចូលរួមស្វែងរកពលរដ្ឋគំរូ
បុគ្គលដែលមានឈ្មោះបោះសំឡេងនៅកម្ពុជាពីររូប គឺឌីជេ ណាណា និងពិធីករទូរទស្សន៍ គឺលោក វី យ៉ារ៉ូ កំពុងចូលរួមស្វែងបេក្ខជន ដែលមានសក្តានុពល ដើម្បីក្លាយជាជយលាភីពានរង្វាន់ពលរដ្ឋគំរូ Smart។
បុគ្គលដែលមានឈ្មោះបោះសំឡេងទាំងពីររូបនេះ បានជ្រើសតាំងរួចហើយអ្នក ដែលពួកគាត់គិតថា ពួកគេបានធ្វើអំពើល្អសម្រាប់ប្រទេសជាតិ អ្នកជិតខាង ភូមិ និងខេត្តរបស់ខ្លួន ដែលអំពើល្អទាំងនោះ ឆ្លើយតបទៅនឹងលក្ខខណ្ឌពានរង្វាន់ពលរដ្ឋគំរូ Smart ដែលបានចាប់ផ្តល់កាលពីខែមុន។ ជយលាភីពានរង្វាន់នេះ នឹងទទួលបានប្រាក់រង្វាន់ចំនួន១ម៉ឺនដុល្លារ។
ឌីជេ ណាណា និងលោក វី យ៉ារ៉ូ គ្រាន់តែជាមនុស្សពីរនាក់ប៉ុណ្ណោះ ក្នុងចំណោមប្រជាពលរដ្ឋកម្ពុជាជាច្រើន ដែលបានជ្រើសតាំងបុគ្គលនានា ដែលបានធ្វើទង្វើល្អចំពោះជនរួមជាតិកម្ពុជារបស់ពួកគាត់។ ដោយគិតថា ការបង្កើតពានរង្វាន់នេះ គឺជាគំនិតល្អនោះ ឌីជេ ណាណា បានជ្រើសតាំងលោក អួន បឋម ហៅ សាយ។ សាយ បានរត់ជាង២ពាន់គីឡូម៉ែត្រ នៅជុំវិញប្រទេសកម្ពុជា ដើម្បីរៃអង្គាសប្រាក់ សម្រាប់មន្ទីរពេទ្យកុមារអង្គរ។
ឌីជេ ណាណា បានថ្លែងថា “ខ្ញុំបានជ្រើសតាំង សាយ បន្ទាប់ពីគិតចុះឡើងៗច្រើនដង ហើយខ្ញុំគិតថា មិនចម្លែកទេ ភាគច្រើនដឹងហើយ ហេតុអ្វីបានជាខ្ញុំជ្រើសតាំង សាយ។ ខ្ញុំសរសើរគាត់ខ្លាំង មិនមែនតែទៅលើទឹកចិត្តរបស់គាត់ទេ ព្រោះការដែលគាត់មានចិត្តល្អ នៅសុខៗចង់ទៅរត់ ធ្វើបាបខ្លួនឯង ដើម្បីប្រមូលលុយ ដើម្បីឲ្យកុមារ ខ្ញុំគិតថា អាហ្នឹងជារឿងមួយហើយណា។ តែរឿងមួយទៀត គឺគាត់ធ្វើបានមែន!”។
សាយ បានប្រមូលមូលនិធិជាង៤៨០.០០០ ដុល្លារបន្ទាប់ពីគាត់បានរត់ជាង ២.៤០០ គីឡូម៉ែត្រជុំវិញ២១ខេត្ត ក្នុងរយៈពេល៩៧ថ្ងៃ។ ក្រុមហ៊ុន Smart Axiata បានបរិច្ចាគទឹកប្រាក់ចំនួន ១ម៉ឺនដុល្លារទៅឲ្យយុទ្ធនាការរបស់សាយ ដែលបានបញ្ចប់កាលពីថ្ងៃទី១០ ខែមករា។ បុគ្គលដែលមានឈ្មោះបោះសំឡេងម្នាក់ទៀត ដែលបានជ្រើសតាំងពលរដ្ឋគំរូ ក្នុងចិត្តរបស់គាត់នោះ គឺលោក វី យ៉ារ៉ូ។ លោក យ៉ារ៉ូ បានជ្រើសតាំងយុវជនកម្ពុជាម្នាក់ ដែលបានបង្កើតយុទ្ធនាការមួយ ដើម្បីរៃអង្គាសប្រាក់ សម្រាប់ជួយដល់ក្រុមអ្នកធាក់ស៊ីក្លូ ដែលកំពុងជួបការលំបាក។
លោក យ៉ារ៉ូ បាននិយាយថា “កាលពីចុងឆ្នាំមុន ខ្ញុំបានឃើញកម្មវិធីមួយ ដែលមានឈ្មោះថា Christmas for Cyclo ដែលរៀបចំឡើងដោយយុវជនម្នាក់ ដែលមានឈ្មោះថា តាំង ហួងហាវ ដែលគាត់បានរៃអង្គាសប្រាក់ជាង ៥ ពាន់ដុល្លារឯណោះ ដើម្បីជួយដល់អ៊ំៗអ្នករត់ស៊ីក្លូ និងសមាគមស៊ីក្លូទាំងមូល”។ លោកបានបន្ថែមថា “ហើយមិនត្រឹមតែប៉ុណ្ណឹងទេ ដើម្បីជួយអ៊ំៗអ្នករត់ស៊ីក្លូរយៈពេលវែង គាត់បានស្នើសុំការដាក់ស៊ីក្លូក្នុងក្រុមហ៊ុនកក់សេវាធ្វើដំណើរមួយ។ ឥឡូវហ្នឹង ក្រុមហ៊ុនហ្នឹងកំពុងតែពិចារណាលើសំណើរបស់គាត់ហើយ។ ពិតជាអស្ចារ្យខ្លាំងមែនទែនតែម្ដង។ អញ្ចឹង ខ្ញុំជ្រើសទាំងគាត់សម្រាប់កម្មវិធីពានរង្វាន់ពលរដ្ឋគំរូស្មាត”។
អ្នករៀបចំកម្មវិធី គ្រោងនឹងជ្រើសរើស និងប្រកាសបេក្ខជនបេក្ខនារី ១០នាក់សម្រាប់វគ្គផ្ដាច់ព្រ័ត្រនៅខែកុម្ភៈ ឆ្នាំ២០២១ ដែលក្រោយមកពួកគេនឹងមានវត្តមាននៅក្នុងពិធីប្រគល់ពានរង្វាន់។ ជយលាភី នឹងត្រូវបានជ្រើសរើសដោយគណៈកម្មការ ឈ្មោះសមាសភាពរបស់គណៈកម្មការនឹងត្រូវបានប្រកាស ក្នុងពេលឆាប់ៗនេះ។
កម្មវិធីពានរង្វាន់ពលរដ្ឋគំរូនេះ មានបំណងបង្ហាញឲ្យឃើញនូវអំពើចេះជួយយកអាសា រគ្នារបស់ប្រជាពលរដ្ឋកម្ពុជា នៅក្នុងការប្រាស្រ័យទាក់ទងជាមួយមិត្តភក្តិ អ្នកជិតខាង និងអ្នកផ្សេងទៀតនៅក្នុងសហគមន៍របស់ពួកគេ។ កាលបរិច្ឆេទឈប់ទទួលការជ្រើសតាំងរបស់ពានរង្វាន់នេះ ត្រូវបានពន្យារពេលដល់ថ្ងៃទី៣១ ខែមករា ឆ្នាំ២០២១ ពីថ្ងៃទី២២ ខែមករា ឆ្នាំ២០២១៕
អត្ថបទពាណិជ្ជកម្ម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ