ព័ត៌មានជាតិ

ខេត្តកែបបញ្ចប់ផ្លូវដីស មូលដ្ឋានពីក្រុងដល់ជនបទ ផ្លូវក្រាលដោយកៅស៊ូ និងគ្រួសក្រហម

បានផុស

១ year មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

ផ្លូវដីសលែងមានទៀតហើយនៅក្នុងភូមិសាស្រ្តខេត្តកែប ខណៈតាមមូលដ្ឋានពីប្រជុំជនដល់ជនបទភូមិឃុំ មានការសាងសង់ផ្លូវក្រាលដោយកៅស៊ូ គ្រួសក្រហម និងបេតុង។

ថ្លែងបង្ហាញពីវឌ្ឍនភាពរបស់រដ្ឋបាលខេត្តកែបក្នុងរយៈពេល ៥ ឆ្នាំនៅក្នុងសន្និសីទនៅព្រឹកនេះ លោក សោម ពិសិដ្ឋ អភិបាលនៃគណៈអភិបាលខេត្តកែបបានបញ្ជាក់ថា ខេត្តកែបបានបញ្ចប់ផ្លូវក្រាលដោយដីស ដោយវិវឌ្ឍជាផ្លូវកៅស៊ូ ផ្លូវបេតុង និងយ៉ាងហោចណាស់ក៏ផ្លូវគ្រួសក្រហមដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ខេត្តកែបមានផ្ទៃដីតូចទំហំត្រឹម ១៨៧,២៤ គីឡូម៉ែត្រការ៉េ ដោយបែងចែកជាក្រុង ០១ ស្រុក ០១ មាន ០២ ឃុំ ០៣ សង្កាត់ និង១៨ ភូមិ និងមានពលរដ្ឋជាង ៤ ម៉ឺននាក់។

បើតាមលោក សោម ពិសិដ្ឋ នៅប៉ុន្មានឆ្នាំចុងក្រោយ ខេត្តកែបមានការអភិវឌ្ឍជាពិសេសលើហេដ្ឋារចនាសម្ព័ន្ធ តាមតំបន់ជនបទពីផ្លូវដីសត្រូវបានស្ថាបនាកែប្រែជាផ្លូវដីក្រហម បេតុង និងកៅស៊ូ ដោយបញ្ចប់ផ្លូវដីសទាំងស្រុង។ ជាមួយគ្នានេះ រដ្ឋបាលខេត្តក៏បាហសាងសង់កែលម្អនូវសមិទ្ធផលសំខាន់ៗ ការសាងសង់អគាររដ្ឋបាល សួនច្បារ ដាក់បង្គោលភ្លើងបំភ្លឺតាមផ្លូវសាធារណៈ និងទីប្រជុំជន ដាក់រូបសំណាកថ្មីៗ ការបង្កើតកន្លែងហាត់ប្រាណ និងបំផុសប្រជាពលរដ្ឋធ្វើអនាម័យបរិស្ថាន ការដាំដើមឈើ ស័ក្តិសមជាទីក្រុងទេសចរណ៍ធម្មជាតិ ដែលមានបរិស្ថានបៃតងគ្រប់ទីកន្លែងនិងគ្រប់រដូវកាល៕