Connect with us

ព័ត៌មានជាតិ

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

បានផុស

នៅ

ភ្នំពេញ​ ៖​ នៅ​ថ្ងៃ​ទី​២០​ ខែមករា​ ឆ្នាំ​២០២១​នេះ​ ឯកឧត្តម​ ឧត្តមសេនីយ៍ឯក​ ឌី​ វិជ្ជា​ អគ្គស្នងការ​រង​នគរបាល​ជាតិ​ និង​ជា​ប្រធាន​នាយកដ្ឋាន​កណ្តាល​សន្តិសុខ​ បាន​ជួប​សំណេះសំណាល​ជាមួយ​សិក្ខាកាម​នគរបាល​នារី​ក្នុង​ផែន​ការងារ​សន្តិសុខ​ ចំនួន​៣៧​នាក់​ មក​ពី​ស្នងការ​ដ្ឋា​ន​ខេត្ត​ចំនួន​៧​ មាន​ រាជធានី​ភ្នំពេញ​,​ ខេត្តកណ្តាល​,​ ខេត្តកំពត​,​ ខេត្ត​ត្បូងឃ្មុំ​,​ ខេត្តកំពង់ចាម​,​ ខេត្តកំពង់ធំ​,​ ខេត្តក្រចេះ​ ដែល​ចូលរួម​វគ្គ​បណ្តុះបណ្តាល​ ស្តី​ពី​ “​ ការ​ពង្រឹងសមត្ថភាព​នគរបាល​ស្ត្រី​”​លើក​ទី​៦​ នៅ​អគ្គស្នងការដ្ឋាន​នគរបាល​ជាតិ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុង​ឱកាស​ជួប​សំណេះសំណាល​នោះ​ ឯកឧត្តម​ ឧត្តមសេនីយ៍ឯក​ ឌី​ វិជ្ជា​ បាន​មាន​ ប្រសាសន៍​ណែនាំ​ ក៏​ដូច​ជា​ចង្អុលបង្ហាញ​ដល់​សិក្ខាកាម​ ទាំងអស់​ឲ្យ​ខិតខំ​ប្រឹងប្រែង​ ត្រងត្រាប់​ស្តាប់​គ្រូ​ឧទ្ទេសនាម​ ដើម្បី​ទទួលយក​ចំណេះដឹង​ និង​បទ​ពិសោធន៍​ថ្មីៗ​ទៅ​ បង្កើន​សមត្ថភាព​ក្នុង​ការ​អនុវត្តន៍​ការងារ​ប្រចាំ​ថ្ងៃ​ និង​សម្រាប់​ការងារ​ទៅ​ថ្ងៃ​អនាគត​។

ឯកឧត្តម​អគ្គស្នងការ​រង​នគរបាល​ជាតិ​ បាន​គូសបញ្ជាក់​ថា​ ថ្នាក់ដឹកនាំ​ អគ្គស្នងការដ្ឋាន​នគរបាល​ជាតិ​ ជា​និច្ចកាល​តែងតែបាន​គិតគូរ​អំពី​ការ​ផ្តល់​ការ​ បណ្តុះបណ្តាល​ចំណេះដឹង​ ក៏​ដូច​ជា​ជំនាញ​ដល់​នគរបាល​នារី​ ដើម្បី​មាន​សមត្ថភាព​ ចូលរួម​ដឹកនាំ​អង្គភាព​ ជា​ពិសេស​អគ្គស្នងការដ្ឋាន​នគរបាល​ជាតិ​បាន​ដំឡើង​ឋានៈ​ និង​ ឋានន្តរសក្តិ​ដល់​នគរបាល​នារី​ជា​បន្តបន្ទាប់​ផង​ដែរ​។

សូម​ជម្រាប​ជូន​ថា​ វគ្គ​បណ្តុះបណ្តាល​នេះ​ជា​វគ្គ​លើក​ទី​៦​ ដែល​ធ្វើ​ឡើង​រយៈពេល​២​ថ្ងៃ​ ចាប់ពី​ថ្ងៃ​ទី​១៩-២០​ ខែមករា​ ឆ្នាំ​២០២១​ ហើយ​វគ្គ​នេះ​នឹង​បន្ត​រៀបចំ​ចំនួន​០១​វគ្គ​បន្ត​ ទៀត​ដល់​មន្ត្រី​នគរបាល​នារី​ទាំងអស់​ នៃ​ផែន​ការងារ​សន្តិសុខ​តាម​បណ្តា​រាជធានី​-​ខេត្ត​ទូ​ទាំង​ប្រទេស​៕

ប្រភព ៖ អគ្គ​ស្នងការ​​ដ្ឋាន​នគរបាល​ជាតិ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ៣ ម៉ោង មុន

លោក ហេង សួរ ៖ កិច្ច​ប្រជុំកំពូលវាយនភណ្ឌសកល នឹង​ធ្វើ​ឱ្យ​កម្ពុជា​ក្លាយ​ជាគោលដៅ​ទាក់ទាញទាំងអាជីវកម្មនិងវិនិយោគទុន 

ព័ត៌មានជាតិ៥ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ៦ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៧ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

Sokha Hotels

ព័ត៌មានពេញនិយម