ព័ត៌មានជាតិ

ថ្មីទៀតហើយ! ជនឆបោកបន្លំ ជាផ្ញើសារពីធនាគារអេស៊ីលីដា

បានផុស

៣ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

Sorn Phanith

នៅពេលនេះ ជនខិលខូចបានចេញល្បិចឆបោកថ្មីមួយទៀត ដោយធ្វើដូចជាធនាគារអេស៊ីលីដាផ្ញើសារទៅទូរសព្ទ ដើម្បីបោកយកប្រាក់។

ល្បិចថ្មីមួយនេះ ត្រូវបានធនាគារអេស៊ីលីដាបានឲ្យដឹងថា មានជនខិលខូចបានផ្ញើសារដែលបន្លំធ្វើជាសារមកពីធនាគារអេស៊ីលីដា ដែលមានតំណភ្ជាប់ទៅគេហទំព័រក្លែងក្លាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការស្រាវជ្រាវរបស់នាយកដ្ឋានបានរកឃើញថា គេហទំព័រក្លែងក្លាយដែលជនខិលខូចបានបង្កើតនេះ គឺវាដូចគ្នានឹងគេហទំព័រក្លែងក្លាយដែលពួកគេបង្កើតសម្រាប់ធនាគារកាណាឌីយ៉ា ដែលនាយកដ្ឋានបានផ្សព្វផ្សាយកាលពីចុងសប្តាហ៍កន្លងទៅ។ នាយកដ្ឋានបទល្មើសបច្ចេកវិទ្យាបានឲ្យដឹងថា គេហទំព័រទាំងនេះបង្កើតឡើងដើម្បីបោកបញ្ឆោតយកព័ត៌មាន មានដូចជា ឈ្មោះ ថ្ងៃខែឆ្នាំកំណើត លេខអត្តសញ្ញាណប័ណ្ណ លេខទូរសព្ទ ឈ្មោះសម្រាប់ចូលទៅក្នុងគណនី និងលេខសម្ងាត់ ដែលអាចឲ្យពួកគេចូលទៅក្នុងគណនីធនាគារ ក្នុងគោលបំណងលួចយកប្រាក់កាសរបស់លោកអ្នកតែប៉ុណ្ណោះ។

នាយកដ្ឋានប្រឆាំងបទល្មើសបច្ចេកវិទ្យា សូមធ្វើការណែនាំជាថ្មីម្ដងទៀតដល់អ្នកប្រើប្រាស់ទាំងអស់ឲ្យមានការប្រុងប្រយ័ត្ននៅពេល ដែលទទួលបានសារណាមួយ ដែលទាមទារឲ្យផ្ដល់ព័ត៌មានផ្ទាល់ខ្លួន ហើយដើម្បីចៀសវាងពីការបោកបញ្ឆោតនេះ លោកអ្នកគួរតែធ្វើការទំនាក់ទំនងទៅក្រុមហ៊ុនផ្ទាល់តាមរយៈលេខទូរសព្ទ ដើម្បីទទួលបានព័ត៌មានបន្ថែម៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

សូមចុចអាន៖ ចំណាំទុក ទីតាំងបន្ទប់ទឹកសាធារណៈទាំង ១២ កន្លែងនៅរាជធានីភ្នំពេញ ចូលមិនតម្រូវឲ្យបង់ប្រាក់ទេ

Related Topics:ករណីឆបោក