ព័ត៌មានជាតិ

មន្រ្តីក្រសួងសាធារណការ រៀបចំកិច្ចប្រជុំត្រៀមបើកការដ្ឋានសាងសង់ផ្លូវល្បឿនលឿនទៅបាវិត

បានផុស

២ years មុន

នៅ

ថ្ងៃអង្គារ ១៦ ឧសភា ២០២៣

ដោយ

មន្រ្តីក្រសួងសាធារណការនិងដឹកជញ្ជូន បានរៀបចំកិច្ចប្រជុំក្រុមការងារ ដើម្បីត្រៀមរៀបចំពិធីបើកការដ្ឋានសាងសង់ហេដ្ឋារចនាសម្ព័ន្ធផ្លូវល្បឿនលឿនពីរាជធានីភ្នំពេញទៅក្រុងបាវិតនៅក្នុងពេលឆាប់ៗនេះ។ កិច្ចប្រជុំនេះមានការចូលរួមពីថ្នាក់ដឹកនាំក្រសួង និងមន្រ្តីជំនាញបច្ចេកទេសជាច្រើនរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះរៀបចំឡើងក្នុងគោលបំណងបែងចែកតួនាទី ភារកិច្ចជូនដល់ក្រុមការងារទទួលខុសត្រូវ។

ថ្លែងនៅក្នុងពិធីសម្ពោធបើកឱ្យប្រើប្រាស់ជាផ្លូវការមណ្ឌលត្រួតពិនិត្យលក្ខណៈបច្ចេកទេស(ឆៀក) យានយន្តសាខាសំរោងអណ្តែត កាលពីថ្ងៃទី២១ ខែមេសា ២០២៣ លោក ស៊ុន ចាន់ថុល រដ្ឋមន្ត្រីក្រសួងសារធារណការនិងដឹកជញ្ជូនបានឱ្យដឹងថា ផ្លូវល្បឿនលឿនភ្នំពេញ-បាវិត នឹងបើកការដ្ឋានសាងសង់នៅថ្ងៃទី៧ ខែមិថុនា ដែលគ្រោងចំណាយទឹកប្រាក់ ១ ៤០០ លានដុល្លារអាមេរិក។

ផ្លូវល្បឿនលឿនទីពីរនេះមានប្រវែង ១៣៥ គីឡូម៉ែត្រ ត្រូវស្ថាបនាជាផ្លូវថ្មីទាំងស្រុងមាន ៤ គន្លង និងមានទទឹងផ្លូវ ២៥,៥ ម៉ែត្រ។ ផ្លូវនេះស្ថាបនាចាប់ចេញពីភ្នំពេញនៅចំណុចផ្លូវក្រវាត់ក្រុងទី៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិតព្រំដែនកម្ពុជា-វៀតណាម៕