ព័ត៌មានជាតិ
ជនជាតិចិនម្នាក់ត្រូវខ្មាន់កាំភ្លើងបាញ់សម្លាប់នៅមុនកាស៊ីណូផ្អើលក្រុងព្រះសីហនុ
បុរសជនជាតិម្នាក់ត្រូវបានជនមិនស្គាល់មិនស្គាល់អត្តសញ្ញាណប្រើប្រាស់កាំភ្លើងខ្លីបាញ់សម្លាប់នៅ ខាងមុខកាស៊ីណូ(ជីយវនីសិន)បណ្តាលឲ្យជនរងគ្រោះស្លាប់ភ្លាមៗនៅនិងកន្លែងកើតហេតុតែម្តង។ហេតុការណ៍ដ៏គួរឲ្យរន្ធត់នេះ បានកើតឡើងនៅវេលាម៉ោងប្រមាណ៨ព្រឹកថ្ងៃទី២១ ខែមករា ឆ្នាំ២០២១ ស្ថិតក្នុងភូមិលេខ១ សង្កាត់លេខ៣ ក្រុងព្រះសីហនុ។
ពាក់ព័ន្ធទៅករណីខាងលើនេះ បើតាមប្រភពព័ត៌មាននៅកន្លែងកើតហេតុបានឲ្យដឹងថានៅមុនពេល កើតហេតុគេឃើញជនរងគ្រោះបានស្ពាយការបូបធំមួយដើរចេញពីកាស៊ីណូ(ជីយវនីសិន) ខាងលើក៏ស្រាប់តែមានក្រុមជនសង្ស័យជិះរថយន្ត FordRanger Rapter ពណ៌ខ្មៅមួយគ្រឿង ពាក់ផ្លាកលេខ កម្ពុជា (១៤១៣) បានចុះមកបាញ់ជនរងគ្រោះឆៅៗបណ្តាលឲ្យជនរងគ្រោះស្លាប់នៅនឹងកន្លែងតែម្តង ហើយភ្លាមៗនោះ ត្រូវបានអ្នកបើករថយន្តរបស់ជនរងគ្រោះលើកជនរងគ្រោះដាក់លើរថយន្ត ម៉ាក (LAND ROVER )ពាក់លេខស្លាកភ្នំពេញ2AL.9459 ពណ៍ខ្មៅក្នុងគោលបំណងនាំទៅកាន់មន្ទីរ ពេទ្យ ប៉ុន្តែរត្រូវបានក្រុមជនសង្ស័យជិះរថយន្តតាមបាញ់ចំនួន៤គ្រាប់បន្ថែមទៀត(សរុបបាញ់មុននិងក្រោយចំនួន៥គ្រាប់) បណ្តាលឲ្យធ្លុះរថយន្តចំនួន៤កន្លែងគឺកញ្ចក់ចំហៀងនិងទ្វារ ខាងតៃកុងចំនួន២គ្រាប់ និងទ្វារក្រោយចំនួន២គ្រាប់ ប៉ុន្តែសំណាងល្អគ្រាប់កាំភ្លើងចុងក្រោយនេះ មិនបានបង្ករឲ្យរងគ្រោះថ្នាក់ដល់អាយុជីវិតមនុស្សទេ គឺរងការខូចខាតតែរថយន្តតែប៉ុណ្ណោះ។
ក្រុមជនដៃដល់ក្រោយពីធ្វើសកម្មភាពបាញ់ប្រហារជនរងគ្រោះរួចក៏បានបើករថយន្តរត់គេចខ្លួនបាត់ស្រមោលតែម្តង ចំណែកសពជនរងគ្រោះត្រូវបានគេដឹកបន្តទៅកាន់មន្ទីរពេទ្យឯកជនមួយកន្លែងស្ថិតក្នុងសង្កាត់លេខ២ ក្រុងព្រះសីហនុ(មន្ទីរពេទ្យចិន)ប៉ុន្តែមិនត្រូវបានគេទទួលនោះទេ ដោយសារ ជនរងគ្រោះបានស្លាប់មុនពេលបញ្ជូនមកមន្ទីរពេទ្យ។
លោកឧត្តមសេនីយ៍ទោ ជួន ណារិន្ទ មានប្រសាសន៍ប្រាប់បណ្ដាញផ្សព្វផ្សាយឲ្យដឹងជាបឋមថាក្រោយកើតហេតុលោកបានបញ្ជាកម្លាំងជំនាញដោយមានកិច្ចសហការពីសមត្ថកិច្ចចម្រុះក្នុងគណៈបញ្ជាការឯកភាពរដ្ឋបាលខេត្តឡោមព័ទ្ធទីតាំងកើតហេតុនិងស្រាវជ្រាវតាមចាប់ខ្លួនជនបង្ក ក្នុងនោះរបាយការណ៍បឋមបញ្ជាក់ថា ជនរងគ្រោះជាជនជាតិចិន ជិះរថយន្ដមួយគ្រឿងម៉ាកRang Roverពណ៌ខ្មៅ ពាក់ផ្លាកលេខភ្នំពេញ2AL-9459។
បើតាមលោកឧត្តមសេនីយ៍ទោ ជួន ណារិន្ទ បន្ថែមថា ជនសង្ស័យដែលធ្វើសកម្មភាពបាញ់ប្រហារនេះ ជិះរថយន្ដមួយគ្រឿងដែលក្រោយមក យករថយន្តនោះទៅទុកផ្លុងចោលនៅជិតផ្សារដំរី៥ហើយចុះរត់គេចខ្លួន ក្នុងនោះខ្មាន់កាំភ្លើងជិះរថយន្ដម៉ាក Ford Ranger Rapter ពណ៌ខ្មៅ ពាក់ផ្លាកលេខភ្នំពេញ2BI-1413។ យ៉ាងណាមិញលោកឧត្តមសេនីយ៍ស្នងការបានអះអាងថា កម្លាំងជំនាញកំពុងតាមប្រមាញ់ខ្មាន់កាំភ្លើងយ៉ាងយកចិត្ដទុកដាក់ ដើម្បីចាប់ខ្លួនមកផ្ដន្ទាទោសតាមច្បាប់។ ទោះបីជាយ៉ាងណា លោកឧត្តមសេនីយ៍ទោ ជួន ណារិន្ទ មិនទាន់អាចបញ្ជាក់ថាដើមចមដែលនាំឲ្យមានអំពើបាញ់ប្រហារទាំងព្រឹកព្រលឹមនេះ បណ្ដាលមកពីមូលហេតុអ្វីនៅឡើយទេ សមត្ថកិច្ចកំពុងធ្វើការស្រាវជ្រាវបន្ត។
គួរបញ្ជាក់ផងដែរថា ករណីបាញ់ប្រហារបែបនេះសំរាប់ខេត្តព្រះសីហនុមិនមែនទើបកើតឡើងជាលើកទី១ទេ គឺកើតមានច្រើនករណីមកហើយ ដោយកន្លងមកជនដៃដល់ភាគច្រើន ជាជនជាតិចិនបាញ់សម្លាប់ជនជាតិចិនដូចគ្នា ៕
អត្ថបទ ៖ កោះពស់
យន្តហោះបុកគ្នានៅអាមេរិក អ្នកដំណើរជាង៦០នាក់ មិនទាន់ដឹងស្លាប់ឬរស់
ក្រសួងវប្បធម៌បំភ្លឺជុំវិញការចេញប្រកាសអំពីការសុំសិទ្ធិគ្រប់គ្រងចម្រៀង ៤២បទ របស់កវី កែវ ឯម
មន្ត្រីសាធារណៈចូលនិវត្តន៍ មានប័ណ្ណ ប.ស.ស នៅតែអាចបន្តប្រើប្រាស់ សេវាតាមមូលដ្ឋានសុខាភិបាលដៃគូ ប.ស.ស បានជាធម្មតា
រដ្ឋមន្ត្រីចុះអន្តរាគមន៍ បញ្ហាកង្វះកម្លាំងពលកម្មប្រមូលផលមៀនប៉ៃលិន ដែលកំពុងកកស្ទះ
គម្រោងសាង់សង់ស្ថានីយបូមទឹកឆៅ ក្នុងខេត្តកំពង់ចាម សម្រេចការសាងសង់បានប្រមាណ ៨៦%
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
ថ្ងៃសែនចូលឆ្នាំចិន វៀតណាម អគ្គិភ័យកើតឡើង៤លើកក្នុងភូមិសាស្ត្ររាជធានីភ្នំពេញ
ស្ត្រីសម្រស់ស្អាតជាមេខ្លោងក្នុងអំពើឆបោកលុយ៤០លានដុល្លារនៅវៀតណាមត្រូវចាប់ខ្លួន
អ្នកវិទ្យាសាស្រ្តរកឃើញភពថ្មី អាចឲ្យមនុស្សរស់នៅបាន ហើយក៏អាចមានពួក Alien នៅទីនោះដែរ
ផ្អើលហ្វេនតារា Kpop នាំគ្នាប្រើ AI បង្កើតវីដេអូអាសអាភាសជាមួយអាយដលខ្លួន
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង