សម្ដេចតេជោ ហ៊ុន សែន ៖ និស្សិតពេទ្យដែលបញ្ចប់ការសិក្សានាពេលនេះ នឹងរក្សាកិត្តិនាម កេរ្តិ៍ឈ្មោះជាកងទ័ពអាវស

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បង្ហាញក្ដីសង្ឃឹមថា និស្សិតពេទ្យដែលបញ្ចប់ការសិក្សា ហើយក្លាយជាគ្រូពេទ្យនាពេលនេះ នឹងរក្សាកិត្តិនាម កេរ្តិ៍ឈ្មោះ ជាកងទ័ពអាវស តាមរយៈការពង្រឹងក្រមសីលធម៌​ វិជ្ជាជីវៈឲ្យបានល្អ។

ការបង្ហាញក្ដីសង្ឃឹមបែបនេះ នៅគ្រាដែលសម្ដេចតេជោ ហ៊ុន សែន បានអញ្ជើញជាអធិបតីក្នុងពិធីប្រគល់សញ្ញាបត្រដល់​និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល ចំនួន ១,៣៩៦នាក់ នៅព្រឹកថ្ងៃទី ១៨ ខែឧសភា ឆ្នាំ ២០២៣នេះ។

សម្ដេចតេជោ ហ៊ុន សែន ថ្លែងបែបនេះថា «ធ្វើម៉េចអ្វីក៏ដោយ វិទ្យាសាស្រ្ដបច្ចេកទេស បើគ្មានក្រមសីលធម៌គ្រប់គ្រងវាទេ អាវិទ្យាសាស្រ្ដបច្ចេកទេស គឺវានាំទៅដល់គ្រោះថ្នាក់ថែមទៀត ដូចដែលខ្ញុំធ្លាប់និយាយ»៕