Connect with us

ព័ត៌មានជាតិ

ឯកឧត្តម ហ៊ុន ម៉ានី​​​៖​​ ផ្ទាំងទស្សនីយភាពពិធី​បើក-បិទ ស៊ីហ្គេម ជាចលករសំខាន់ធ្វើឲ្យកម្ពុជាល្បីល្បាញពេញពិភពលោក

បានផុស

នៅ

ឯកឧត្តម ហ៊ុន ម៉ានី​​​ ប្រធានសហភាពសហព័ន្ធយុវជនកម្ពុជា នៅព្រឹកថ្ងៃទី១៨ ខែឧសភានេះ តាមរយ:ការបង្ហោះនៅលើបណ្តាញសង្គមហ្វេសប៊ុកបានបញ្ជាក់ថា ផ្ទាំងទស្សនីយភាពនៃពិធីបើក និងពិធីបិទ នៃព្រឹត្តិការណ៍កីឡាអាស៊ីអាគ្នេយ៍ ជាចលករសំខាន់មួយ ធ្វើឲ្យកម្ពុជាទទួលបានល្បីល្បាញឮសាយខ្ទរខ្ទារពេញពិភពលោក ដែលមិនអាចកាត់ផ្តាច់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ហ៊ុន​ ម៉ានី បានសង្កត់ធ្ងន់ថា កម្ពុជាពិតជាមានមោទនភាពចំពោះការបង្ហាញទស្សនីយភាពដ៏ស្រស់បំព្រងអស្ចារ្យ និងរស់រវើកប្រកបដោយអត្ថន័យដ៏ជ្រាលជ្រៅ ហើយទទួលបានការកោតសរសើរ និងទទួលបានកិត្តិនាមល្បីរន្ទឺខ្ទរខ្ទារពាសពេញពិភពលោក។ ឯក្ឧត្តម មានប្រសាសន៍ថា៖ «ក្នុងនាមជាប្រជាជនកម្ពុជាមួយរូប ខ្ញុំពិតជាសូមកោតសរសើរក្រុមការងារ លោកគ្រូ អ្នកគ្រូ ក្រុមសម្តែង សិល្បករ សិល្បការិនី អត្តពលិក កងកម្លាំង សិស្ស និស្សិត យុវជន យុវនារី កុមារា កុមារី​ ក្រុមការងារបច្ចេកទេស និងអ្នកដែលបានចូលរួមប្រឹងប្រែងទាំងអស់គ្នាអស់ពីកម្លាំងកាយចិត្ត»។ ចំពោះឯកឧត្តម ហ៊ុន ម៉ានី ការចូលរួមចំណែកទាំងអស់នេះ គឺបានបង្ហាញពីការលះបង់ជូនដល់ជាតិ មាតុភូមិ ទាំងក្នុងពិធីបើក ទាំងក្នុងពិធីបិទ រួមជាមួយព្រឹត្តិការណ៍អមនានានៃព្រឹត្តិការណ៍កីឡាអាស៊ីអាគ្នេយ៍លើកទី៣២នេះ។

ម្យ៉ាងវិញទៀត ទិដ្ឋភាពទាំងអស់នេះ ក៏ជាកត្តាលីករដ៏សំខាន់មួយដែលមិនអាចកាត់ផ្តាច់បាន ក៏ដូចជាជាកត្តាចម្បងមួយដែលនាំឲ្យព្រឹត្តិការណ៍កីឡាកម្រិតអន្តរជាតិនេះ ទទួលបានជោគជ័យយ៉ាងគាប់ប្រសើរក្រៃលែង។ ទន្ទឹមនឹងនោះ ប្រជាជនកម្ពុជា និងនៅទូទាំងពិភពលោក ក៏បានទទួលស្គាល់ថា ក្រុមសិល្បៈ និងទស្សនីយភាពនៃព្រឹត្តិការណ៍កីឡាអាស៊ីអាគ្នេយ៍ ទាំងពិធីបើក និងទាំងពិធីបិទ បានធ្វើឲ្យបេះដូងរបស់ប្រជាជនកម្ពុជាលោតក្នុងចង្វាក់តែមួយ ពោរពេញទៅដោយក្តីស្រឡាញ់ ក្តីរំភើប ស្នាមញញឹម ជាមួយមោទនភាពស្របពេលជាមួយគ្នា។ នេះបើតាមឯកឧត្តម ហ៊ុន​ ម៉ានី ដដែល។

គួរបញ្ជាក់ថា ព្រឹត្តិការណ៍កីឡាអាស៊ីអាគ្នេយ៍លើកទី៣២ ដែលកម្ពុជាធ្វើជាម្ចាស់ផ្ទះបានបិទបញ្ចប់ហើយ​កាលពី​យប់​ថ្ងៃទី១៧ ខែឧសភានេះ។ ក្នុងនាមជាម្ចាស់ផ្ទះ កម្ពុជាបានបង្កើតប្រវត្តិសាស្ត្រថ្មីនៃសម័កាលដ៏រុងរឿងមួយ ជាមួយការបង្ហាញនូវសក្តានុពល និងថាមពលដ៌អង់អាចរបស់ប្រជាជាតិកម្ពុជា៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៧ នាទីutes មុន

ក្រសួង​បរិស្ថាន​ ចាត់​មន្ត្រី​ជំនាញ​ចុះ​ពិនិត្យ​​បន្ទាន់ ខណៈមានវិដេអូទឹក​កខ្វក់​ហូរចូល​ទន្លេ​ក្បែរ​ស្ថានីយ​ទឹកស្អាតជ្រោយចង្វារ

ព័ត៌មានជាតិ៤១ នាទីutes មុន

សមាគម​ទី​ភ្នាក់ងារ​ជ្រើសរើសពលករកម្ពុជា បោះឆ្នោត​ជ្រើសរើស​ក្រុម​ប្រឹក្សាភិបាលថ្មី សម្រាប់អាណត្តិទី៦

សេដ្ឋកិច្ច២ ម៉ោង មុន

រដ្ឋមន្ត្រីពាណិជ្ជកម្មបដិសេធ កម្ពុជាដាក់ពន្ធអាមេរិក ៩៧%

សន្តិសុខសង្គម២ ម៉ោង មុន

តុលាការ​សម្រេច​ឃុំ​ខ្លួន​ជនជាតិ​កាមេរ៉ូន​ម្នាក់ ​ជំរិត​ទារ​ប្រាក់​ពី​ស្រ្តីជនជាតិឡាវ​ជិត​២០​ម៉ឺន​ដុល្លារ

ព័ត៌មានជាតិ៣ ម៉ោង មុន

អាជ្ញាធរជាតិ​គ្រឿងញៀន និង​សមាគម​សិល្បករ​ខ្មែរ​រួម​គ្នា​ពង្រីក​ការ​ផ្សព្វផ្សាយ​អប់រំ​ពី​គ្រឿងញៀន

ខ្យល់កន្ត្រាក់
ព័ត៌មានជាតិ១៦ ម៉ោង មុន

កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា

ព័ត៌មានអន្ដរជាតិ១៤ ម៉ោង មុន

សភាពាណិជ្ជកម្មអាមេរិកនៅកម្ពុជា ស្នើឱ្យ​ដោះស្រាយបញ្ហា​ពន្ធអាមេរិកថ្មី ​ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»

ព័ត៌មានជាតិ១២ ម៉ោង មុន

អាមេរិកថាកម្ពុជាយកពន្ធខ្លួន ៩៧ ភាគរយ​ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ

ព័ត៌មានអន្ដរជាតិ១៦ ម៉ោង មុន

ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង

សេដ្ឋកិច្ច៨ ម៉ោង មុន

រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ

Sokha Hotels

ព័ត៌មានពេញនិយម