ព័ត៌មានជាតិ
អភិបាលរងខេត្ត ៖ ការប្រឡងជ្រើសរើសមន្ត្រីក្របខណ្ឌសម្រាប់ក្រុងបាវិត ត្រូវតែសុក្រឹត និងយុត្តិធម៌
លោក ម៉ែន អេង អភិបាលរងខេត្តស្វាយរៀង បានជំរុញដល់គណៈកម្មការពាក់ព័ន្ធ ត្រូវផ្តល់សុក្រឹត តម្លាភាព និងយុត្តិធម៌សម្រាប់ការប្រឡងជ្រើសរើសមន្រ្តីក្របខណ្ឌ នៅក្នុងក្រុងបាវិត។

លោកអភិបាលរងខេត្ត លើកឡើងបែបនេះ នៅក្នុងកិច្ចប្រជុំលើសេចក្តីសម្រេចស្ដីអំពីការបង្កើតអនុគណៈកម្មការមេប្រយោគ អនុគណៈកម្មការកណ្ដាល អនុគណៈកម្មការអនុរក្ស អនុគណ:កម្មការអប្បមា និងអនុគណៈកម្មការសន្តិសុខនៃគណៈកម្មការរៀបចំការប្រឡងប្រជែងជ្រើសរើសបេក្ខជនឲ្យចូលបម្រើការងារក្នុងក្របខណ្ឌរដ្ឋបាលក្រុងបាវិត ខេត្តស្វាយរៀងសម្រាប់ឆ្នាំ ២០២៣ដែលបានប្រព្រឹត្តទៅនៅសាលប្រជុំសាលាខេត្តស្វាយរៀង កាលពីថ្ងៃទី ១៨ ឧសភា។

លោក ម៉ែន អេង បានលើកឡើងថា សម្រាប់ឆ្នាំ២០២៣នេះ ការប្រឡងជ្រើសរើសឲ្យចូលក្របខណ្ឌមន្ត្រីបម្រើការងារនៅក្រុងបាវិត មានចំនួនពីរនាក់ ក្នុងនោះ ក៏មានជាប់បម្រុងពីរនាក់ផងដែរ ដោយមានបេក្ខជនចូលរួមប្រលងចំនួន ៣បន្ទប់ នៅវិទ្យាល័យស្វាយរៀង មានរយៈពេល ២ ម៉ោង។ ចំពោះលក្ខខណ្ឌនៃការប្រឡងបេក្ខជន ត្រូវចេះភាសាអង់គ្លេស និងឆ្លើយសំណួរ QGM ទូទៅពាក់ព័ន្ធទៅនឹងរដ្ឋបាលសាធារណៈ។
លោកអភិបាលរងខេត្តបានមានប្រសាសន៍បន្ថែមទៀតថា បាវិតគឺជាក្រុងប៉ូលមួយដែលរកចំណូលសេដ្ឋកិច្ចឲ្យរាជរដ្ឋាភិបាលបានច្រើនដូច្នេះត្រូវរៀបចំដោយឆន្ទៈយុត្តិធម៌មន្ត្រីត្រូវមានចំណេះដឹងពិតប្រាកដ។ ដូច្នេះហើយការប្រឡងនាពេលខាងមុខនេះ គ្រប់អនុគណៈកម្មការដែលបានរៀបចំរួចត្រូវខិតខំប្រឹងប្រែងឲ្យអស់ពីលទ្ធភាព និងសមត្ថភាព ដើម្បីឲ្យមានភាពយុត្តិធម៌ អ្នកចេះគឺជាប់ ដើម្បីកុំឲ្យមានពាក្យចរចាមអារាមថា អ្នកនេះជាខ្សែអ្នកនោះ ធ្វើឲ្យមានការថ្នាំងថ្នាក់ពីមជ្ឈដ្ឋានផ្សេងៗ ជាហេតុធ្វើឲ្យប៉ះពាល់ដល់ថ្នាក់ដឹកនាំ។ បញ្ហាចម្បងរបស់អនុគណៈកម្មការនីមួយៗ ត្រូវដកហូតទូរសព្ទទាំងអស់ ទាំងបេក្ខជន និងអនុរក្ស មិនអនុញ្ញាតឲ្យប្រើប្រាស់នាពេលកំពុងប្រឡងនោះឡើយ។
សូមបញ្ជាក់ថា ការប្រឡងមន្រ្តីក្របខណ្ឌនេះ នឹងប្រព្រឹត្តិទៅនៅថ្ងៃទី ២១ ខែ ឧសភា ឆ្នាំ ២០២៣ នៅវិទ្យាល័យស្វាយរៀង៕
អត្ថបទ៖ ភក្តី


-
សន្តិសុខសង្គម២១ ម៉ោង ago
ឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
ព័ត៌មានជាតិ៦ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
សន្តិសុខសង្គម១ ថ្ងៃ ago
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានអន្ដរជាតិ៦ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៤ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៦ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល