ព័ត៌មានជាតិ

រដ្ឋបាលខេត្តស្វាយរៀង បើកវិញ្ញាសាប្រឡងជ្រើសរើសបេក្ខជនចូលបម្រើការងារ ក្របខ័ណ្ឌរដ្ឋបាលក្រុងបាវិត នៅមណ្ឌលប្រឡងវិទ្យាល័យស្វាយរៀង

បានផុស

២ years មុន

នៅ

ថ្ងៃអាទិត្យ ២១ ឧសភា ២០២៣

ដោយ

នាព្រឹកទី ២១ ខែឧសភា ឆ្នាំ ២០២៣ នេះ លោក ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីបើកវិញ្ញាសាប្រឡងជ្រើសរើសបេក្ខជនឲ្យចូលបម្រើការងារនៅក្នុងក្របខ័ណ្ឌរដ្ឋបាលក្រុងបាវិត ស្ថិតនៅមណ្ឌលប្រឡងវិទ្យាល័យស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អញ្ជើញចូលរួមក្នុងឱកាសនោះ រួមមាន លោកអភិបាលរងខេត្ត លោកនាយករដ្ឋបាលសាលាខេត្ត លោកនាយកទីចាត់ការធនធានមនុស្សសាលាខេត្ត លោកនាយកទីចាត់ការរដ្ឋបាលសាលាខេត្ត លោកប្រធានមន្ទីរមុខងារសាធារណៈខេត្ត លោកអភិបាលក្រុងបាវិត ព្រមទាំងគណៈកម្មការប្រឡង និងមន្ត្រីរាជការពាក់ព័ន្ធមួយចំនួនទៀត។

មានប្រសាសន៍ក្នុងឱកាសនោះ លោកអភិបាលខេត្ត បានលើកទឹកចិត្តដល់បេក្ខជនទាំងអស់ ត្រូវខិតខំប្រឹងប្រែងឲ្យអស់ពីសមត្ថភាព ធ្វើឲ្យបានរួចរាល់លើគ្រប់វិញ្ញាសាដែលបានដាក់ក្នុងការប្រឡង ដោយគោរពឲ្យបានខ្ជាប់ខ្ជួននូវបទប្បញ្ញត្តិ និងបទបញ្ជាផ្ទៃក្នុង នៃការប្រឡង ហើយលោកក៏បានជូនពរឲ្យបេក្ខជនទទួលបានជោគជ័យក្នុងការប្រឡងផងដែរ។

សូមបញ្ជាក់ជូនផងដែរថា វិញ្ញាសាប្រឡងក្របខ័ណ្ឌមន្ត្រីរដ្ឋបាលជាន់ខ្ពស់ រដ្ឋបាលក្រុងបាវិត មានរយៈពេលមួយព្រឹកនេះ រួមមាន ៖ វិញ្ញាសាជំនាញឯកទេស (កំណែទម្រង់រដ្ឋបាលសាធារណៈ កំណែទម្រង់វិមជ្ឈការ និងវិសហមជ្ឈការនៅកម្ពុជា) និងវិញ្ញាសាភាសាអង់គ្លេស៕

អត្ថបទ ៖ ភក្ដី