ព័ត៌មានជាតិ

អាជ្ញាធរច្រាលចោលទាំងស្រុង ករណីកសិករវៀតណាមធ្វើស្រែក្នុងស្រុកជាប់ព្រំដែន

បានផុស

៣ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

ក្រោយមានដំណឹងថា មានកសិករវៀតណាមមកជួលដីខ្មែរនៅស្រុកក្បែរៗព្រំដែនធ្វើស្រែនោះពេលនេះរដ្ឋបាលសាលាស្រុកកោះអណ្តែត និងស្រុកបូរីជលសារ បានចេញលិខិតបំភ្លឺព្រមគ្នាដោយច្រានចោលទាំងស្រុងថា ជាព័ត៌មានមិនពិត ព័ត៌មានប្រឌិត ដោយចេតនាមូលបង្កាច់និងបង្ខូចកិត្តិយសអាជ្ញាធរមូលដ្ឋាន ក្នុងគោលបំណងបង្កចលាចលនៅតាមដំបន់ព្រំដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញលិខិតបំភ្លឺភ្លាមៗនេះ ក្រោយពេលមានសារព័ត៌មានក្នុងស្រុកមួយចំនួនបានធ្វើការផ្សាយកាលពីថ្ងៃទី១៧ ខែមករា ឆ្នាំ២០២១ថា មានកសិករវៀតណាមមកជួលដីខ្មែរធ្វើស្រែនារដូវប្រាំងឆ្នាំនេះក្នុងស្រុកជាប់ព្រំដែននៃប្រទេសទាំងពីរ គឺស្រុកបូរីជលសារនិងស្រុកកោះអណ្តែត ខេត្តតាកែវ។ ទោះជាមានលិខិតបំភ្លឺបែបនេះក្តី តាមប្រភពផ្លូវការ នៅតែលើកឡើងថា បើចង់ដឹងច្បាស់ទៅមើលនៅក្រោយសាលាស្រុកបូរីជលសារ និងក្បែរប៉ុស្តិ៍នគរបាលរដ្ឋបាលព្រៃស្លិកទៅដឹងហើយ ថាតើមានកសិករវៀតណាមចូលមកធ្វើស្រែលើទឹកដីខ្មែរឬអត់? ។

ដោយឡែកនៅមានប្រភពមួយផ្សេងទៀតបានលើកឡើងដែរថា ឃុំបូរីជលសារ ឃុំកំពង់ក្រសាំងនិងឃុំជ័យជោគ ក្នុងស្រុកបូរីជលសារ ដីស្រែជាច្រើនរយហិកតាត្រូវបានជួលទៅឲ្យវៀតណាមធ្វើស្រែ៕

អត្ថបទ ៖ វីរៈ