ព័ត៌មានជាតិ
ត្រីប៉ាសេអ៊ី អាចបាត់បង់ពូជ ប្រសិនបើនៅតែបែបនេះ
ទាំងថ្នាក់ដឹកនាំខេត្តទាំងប្រជាពលរដ្ឋខេត្តស្ទឹងត្រែងបានសំដែងការបារម្ភថា ត្រី ប៉ាសេអ៊ី ដែលជាពូជត្រីដ៏កម្រ ហើយជានិមិត្តរូបរបស់ខេត្តស្ទឹងត្រែងអាចនឹងបាត់បង់ ដោយសារតែកត្តានៃការប្រែប្រួលអាកាសធាតុ។ ម្យ៉ាងទៀតត្រី ប៉ាសេអ៊ី ពិបាកក្នុងការចិញ្ចឹម ព្រោះវាស៊ាំនិងការរស់នៅបែបធម្មជាតិតែប៉ុណ្ណោះ។
នៅក្នុងសន្និសីទសារព័ត៌មានស្ដីពី«វឌ្ឍនភាពមូលដ្ឋានឃុំសង្កាត់និងទិសដៅការងារបន្ដខេត្ដស្ទឹងត្រែង» នាព្រឹកថ្ងៃទី២១ ខែមករា ឆ្នាំ២០២១ លោក ឈាង ឡាក់ ប្រធានក្រុមប្រឹក្សា ខេត្តស្ទឹងត្រែងបានថ្លែងការបារម្ភថា នាពេលខាងមុខត្រីប៉ាសេអ៊ី ដែលមានតម្លៃរបស់ខេត្តស្ទឹងត្រែង និង ជានិមិត្តរូបរបស់ខេត្តផងនោះ អាចប្រឈមនឹងការបាត់បង់។
បើតាមលោក ឈាង ឡាក់ លើកឡើងថា ក្នុងឆ្នាំ២០២០នេះ បរិមាណផលនេសាទពីធម្មជាតិ គឺមានការថយចុះ ដោយកត្តានៃការប្រែប្រួលអាកាសធាតុ។ លោកក៏បានបញ្ជាក់ថា ត្រីប៉ាសេអ៊ីនេះ មិនមែនពងកូននៅក្នុងទន្លេនៃខេត្តស្ទឹងត្រែងទេ គឺវាពងកូននៅឡាវតាមអ្នកជំនាញជលផលសិក្សាស្រាវជ្រាវហើយជាក្ដីកង្វល់មួយរបស់ប្រជាពលរដ្ឋ ខេត្តស្ទឹងត្រែងដែរ គឺទៅមុខទៀតអាចនឹងបាត់បង់នូវប្រភេទត្រី ដែលជាតំណាងអត្តសញ្ញាណរបស់ខេត្ត។ ក្នុងឆ្នាំ២០២០ បរិមាណផលត្រីប៉ាសេអ៊ី នេសាទបានមានការធ្លាក់ចុះខ្លាំង បើប្រៀបធៀបជា មួយឆ្នាំ២០១៩ ហើយនៅពេលដែលត្រីខ្សត់ខ្សោយតម្លៃត្រី គឺឡើងថ្លៃចាប់ពី១គីឡូក្រាមឡើងទៅមានតម្លៃ៤០ម៉ឺនរៀល ហើយបើទម្ងន់ ២គីឡូក្រាមឡើង គឺមានតម្លៃសឹងតែស្មើ តម្លៃគោមួយទៅហើយ។
ពាក់ព័ន្ធនឹងវិធានការទប់ស្កាត់កុំឲ្យប្រភេទត្រីប៉ាសេអ៊ី ដែលអាចបាត់បង់ លោក ឈាង ឡាក់ គូសបញ្ជាក់ថា ទោះបីមានអ្នកឯកទេសមកពីប្រទេសវៀតណាមមកធ្វើពិសោធ ដោយការចិញ្ចឹមក៏ដោយ ក៏នៅតែមិនបាន ព្រោះប្រភេទត្រីនេះធនក្នុងការរស់នៅតាមបែបលក្ខណៈធម្មជាតិរបស់វាតែប៉ុណ្ណោះ ។
នៅក្នុងទន្លេសេកុងស្ទឹងត្រែងត្រី ដែលមានរស់ជាតិឆ្ងាញ់និងល្បីជាងគេប្រចាំប្រទេសខ្មែរយើងមានចំនួនពីរប្រភេទ គឺត្រីប៉ាសេអ៊ី និង ត្រីប៉ាវ៉ាមុខពីរ ហើយត្រីទាំងពីរនេះ មានតម្លៃថ្លៃនិងឆ្ងាញ់ជាពិសេសដែលមិនអាចកាត់ថ្លៃបាន។ ត្រីទាំងពីរប្រភេទនេះ រដូវកាលដែលសម្បូរជាងគេ គឺនៅក្នុងខែវិច្ឆិកាដល់ខែកុម្ភៈ។ តម្លៃត្រីប៉ាសេអ៊ីប្រភេទតូចៗថ្លៃ ជាង ១០ម៉ឺនរៀលក្នុងមួយគីឡូនិងប្រភេទត្រីធំថ្លៃក្នុងមួយគីឡូជាង ៤០ម៉ឺនរៀល។ ដោយឡែក ចំពោះត្រីប៉ាវ៉ាមុខពីរវិញ មានតម្លៃក្នុង១គីឡូជាង១០ម៉ឺនរៀល។ ត្រីប៉ាសេអ៊ី មានទម្ងន់មិនលើសពីរ២គីឡូក្រាមនោះទេ ប៉ុន្តែត្រីប៉ាវ៉ាមុខពីរអាចធំ និង មានទម្ងន់រហូតដល់៦ គីឡូក្រាមឯណោះ។
អ្នកប្រកបរបរលក់ត្រីនៅផ្សារស្ទឹងត្រែងបានឲ្យដឹងថា ប្រភេទត្រីនេះមិនសូវជាមានអ្នកទិញច្រើននោះទេ ក្នុង១ថ្ងៃអាចលក់បានតែ ២ ឬ ៣ត្រីប៉ុណ្ណោះព្រោះជាត្រីប្រភេទ ដែលមានតម្លៃខ្ពស់ អ្នកដែលហានទទួលទានត្រីនេះ ភាគច្រើនជាមន្ត្រីថ្នាក់ខ្ពស់ និង អ្នកមានធនធានទើបមានលទ្ធភាពទិញត្រីនេះបាន៕
អត្ថបទ៖ ណារី
សូមចុចអាន៖ គម្រោងសាងសង់ព្រលានយន្តហោះថ្មីនៅស្ទឹងត្រែងបង្ហាញពន្លឺកាន់តែច្បាស់
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»