ព័ត៌មានជាតិ

លោកនាយប៉ុស្តិ៍ស្ទឹងមានជ័យទី១ បានទទួលមរណភាពដោយរោគាពាធ

បានផុស

៣ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

ភ្នំពេញ ៖ លោកវរសេនីយ៍ត្រី ម៉ៅ សាវឿន អតីតនាយនគរបាលប៉ុស្តិ៍ស្ទឹងមានជ័យទី១នៃអធិការនគរបាលខណ្ឌមានជ័យស្នងការដ្ឋាននគរបាលរាជធានីភ្នំពេញបានទទួលមរណភាពកាលពីរសៀលថ្ងៃទី២១ ខែមករា ឆ្នាំ២០២១នេះ ដោយរោគាពាធក្នុងជន្មាយុ៥២ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីមន្ត្រីនគរបាលបាននិយាយថា លោកវរសេនីយ៍ត្រី ម៉ៅ សាវឿន នាយនគរបាលប៉ុស្តិ៍ស្ទឹងមានជ័យទី១មានជំងឺកៀបសរសៃខួរក្បាលអស់រយៈពេលជាងមួយឆ្នាំមកហើយ។អ្វីដែលធ្វើឲ្យក្រុមគ្រួសារ និងមិត្តរួមការងារក៏ដូចជាប្រជាពលរដ្ឋក្នុងមូលដ្ឋានមានការសោកស្តាយរូបលោកជាពន់ពេក។

ព្រោះលោកជាប្តីនិងជាឪពុកដ៏ល្អសម្រាប់ក្រុមគ្រួសារ។ ចំពោះមិត្តរួមការងារវិញគឺនឹកស្តាយស្រណោះរូបលោកដែលជាមនុស្សស្លូតបូតសុភាពរាបសាហើយតែងតែជួយយកអាសាដល់មិត្តរួមការងារពេលមានទុក្ខលំបាក។

នេះជាដំណឹងដ៏គួរឲ្យរន្ធត់និងសោកសង្រេងចំពោះការបាត់បង់មនុស្សដ៏ល្អហើយក៏ជាការជូនដំណឹងដល់ក្រុមគ្រួសារញាតិមិត្តជិតឆ្ងាយឲ្យមកចូលរួមបុណ្យសពឲ្យបានគ្រប់ៗគ្នានាគេហដ្ឋាននៃសពក្នុងសង្កាត់ស្ទឹងមានជ័យទី១ខណ្ឌមានជ័យរាជធានីភ្នំពេញ៕

ដោយ ៖ នរា