ព័ត៌មានជាតិ
អាជ្ញាធរក្រុងដូនកែវ ឃាត់រថយន្តដឹកដីទៅចាក់រំលោភយកដីចំណីបឹងរបស់រដ្ឋ ៣គ្រឿង
លោក កង អាណាន់ អភិបាលក្រុងដូនកែវ ខេត្តតាកែវ បានប្រើវិធានការក្តៅដោយឃាត់រថយន្តដឹកដីទៅចាក់រំលោភយកដីចំណីបឹងរបស់រដ្ឋជាបន្តបន្ទាប់ ហើយបានឲ្យម្ចាស់ដីចូលខ្លួនដោះស្រាយ និងកាយដីដែលចាក់រំលោភលើដីបឹងនោះចេញវិញជាបន្ទាន់ បើមិនចង់ប្រឈមមុខនឹងបញ្ហាផ្លូវច្បាប់។

មកដល់ថ្ងៃទី ២៤ ខែឧសភា ឆ្នាំ ២០២៣នេះ អាជ្ញាធរក្រុងដូនកែវ បានឃាត់រថយន្តដឹកដីបាន ៣គ្រឿង មកពីកន្លែងកាយដី និងចាក់ដីគ្មានច្បាប់ពីរកន្លែងផ្សេងគ្នា ដោយនៅថ្ងៃទី ២២ ខែឧសភា ឃាត់បានរថយន្ត ២គ្រឿង ដែលកំពុងដឹកដីនៅម្ដុំជ្រោយសំរោង សង្កាត់បារាយណ៍ ក្រុងដូនកែវ ហើយនៅរសៀលថ្ងៃទី ២៣ ខែឧសភា បានឃាត់រថយន្តដឹកដីទៅចាក់រំលោភយកចំណីបឹងតុំ ១គ្រឿងទៀត។

លោក កង អាណាន់ អភិបាលក្រុងដូនកែវ បានបញ្ជាក់ថា ក្រោយមានដំណឹងករណីកាយដីចាក់ដីគ្មានច្បាប់ទម្លាប់ក្នុងក្រុងដូនកែវ លោកបានចាត់ឲ្យមន្ត្រីជំនាញចុះពិនិត្យជាបន្ទាន់ ដោយប៉ុន្មានថ្ងៃមុនចាប់រថយន្តដឹកដីបាន ២គ្រឿង មកពីសង្កាត់បារាយណ៍ និងករណីចុងក្រោយកាលពីថ្ងៃទី ២៣ ខែឧសភា ឃាត់បានរថយន្ត ១គ្រឿងទៀត ដែលចាក់ដីរំលោភយកដីចំណីបឹងតុំ ស្ថិតនៅក្នុងភូមិតុំ សង្កាត់រកាក្រៅ ក្រុងដូនកែវ ខេត្តតាកែវ។

បច្ចុប្បន្នរថយន្តដឹកដីទាំងនោះ ត្រូវបានយកទៅរក្សាទុកនៅសាលាក្រុងដូនកែវ និងឲ្យម្ចាស់ដែលជាអ្នកកាយដី និងចាក់ដីរំលោភយកដីចំណីបឹងតុំនោះ ចូលខ្លួនមកដោះស្រាយ និងតម្រូវឲ្យកាយដីចេញវិញជាបន្ទាន់លើចំណីបឹង បើសិនជាមិនចង់ប្រឈមមុខនឹងផ្លូវច្បាប់។ លោកអភិបាលក្រុងដូនកែវសង្កត់ធ្ងន់ថា មកដល់ពេលនេះហើយ មិនអាចឲ្យអ្នកណាមករំលោភយកដីចំណីបឹង ឬចំណីផ្លូវតទៅទៀតឡើយ និងកុំចេះតែចង់បានខុសទំនងពេក៕
អត្ថបទ៖ វីរៈ



-
ព័ត៌មានអន្ដរជាតិ៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៨ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?