ព័ត៌មានជាតិ
មន្ត្រីអន្តោប្រវេសន៍ ៖ កម្ពុជា មានពលករបរទេសមួយចំនួន នៅតែលួចលាក់ប្រព្រឹត្តបទល្មើសផ្សេងៗ តាមគោលដៅអាជីវកម្ម
លោកឧត្ដមសេនីយ៍ទោ ហាស់ សុត្ថា ប្រធាននាយកដ្ឋានជនបរទេសអន្តោប្រវេសន៍ ជាអ្នកវិនិយោគឯកជន នៃអគ្គនាយកដ្ឋានអន្តោប្រវេសន៍ បានមានប្រសាសន៍ថា នៅកម្ពុជាមានពលករបរទេសមួយចំនួននៅតែលួចលាក់ប្រព្រឹត្តបទល្មើសផ្សេងៗ តាមគោលដៅអាជីវកម្មផ្ទុយនឹងច្បាប់ បង្កការរំខានដល់ការងារវិនិយោគ។
នៅក្នុងឱកាសជួបជាមួយលោក គួច ចំរើន អភិបាល នៃគណៈអភិបាលខេត្តព្រះសីហនុ កាលពីរសៀលថ្ងៃទី ២៣ ឧសភា លោកឧត្ដមសេនីយ៍ទោ ហាស់ សុត្ថា បានបន្តថា តាមទិន្នន័យដែលទទួលបានពីក្រសួងការងារ ឆ្នាំ ២០២២ ក្រសួង បានផ្ដល់ប័ណ្ណការងារចំនួន ៧៦ ៩៣០ នាក់ និងនៅឆ្នាំ ២០២៣ អ្នកដែលទទួលប័ណ្ណការងារមានចំនួន ២២ ៥៤៣ នាក់។ ដោយឡែកនៅខេត្តព្រះសីហនុ ជនបរទេសធ្វើប័ណ្ណការងារមានចំនួន ៦ ៥០១ នាក់, ឆ្នាំ ២០២២ និងនៅឆ្នាំ ២០២៣ មានអ្នកធ្វើប័ណ្ណការងារកើនឡើងដល់ចំនួន ១៥ ៧៩៧ នាក់។
លោកឧត្ដមសេនីយ៍ទោ ហាស់ សុត្ថា បានបន្តទៀតថា «ទន្ទឹមនឹងមានការគោរពច្បាប់កាន់តែច្រើនឡើង ក៏នៅមានម្ចាស់ និងពលករបរទេសមួយចំនួន នៅតែលួចលាក់ប្រព្រឹត្តបទល្មើសផ្សេងៗ តាមគោលដៅអាជីវកម្ម ផ្ទុយនឹងច្បាប់ បង្កការរំខានដល់ការងារវិនិយោគ ដែលតម្រូវឲ្យក្រុមការងារហត្ថពលករបរទេស ត្រូវបន្តសកម្មភាពរបស់ខ្លួនយ៉ាងសកម្មភាព និងម៉ឺងម៉ាត់ មិនឲ្យប៉ះពាល់ដល់អ្នកវិនិយោគដែលកំពុងរស់នៅប្រកបរបរនៅព្រះរាជាណាចក្រកម្ពុជា»។
លោកឧត្ដមសេនីយ៍ទោ ហាស់ សុត្ថា បានបន្ថែមថា ការចុះធ្វើអធិការកិច្ចនៅឆ្នាំ ២០២២ កន្លងមក ទទួលបានលទ្ធផលផ្លែផ្កាគួរឲ្យកត់សម្គាល់ ក្នុងការពង្រឹងអនុវត្តច្បាប់ ហើយក្នុងឆ្នាំ ២០២៣ នេះ ក្រុមការងារអធិការកិច្ចអត្តពលកម្មបរទេស នឹងបន្តសកម្មភាពរបស់ខ្លួននៅតាមរាជធានី-ខេត្ត។ ដូច្នេះសុំស្នើឲ្យរដ្ឋបាលខេត្តព្រះសីហនុ ចូលរួមសហការ ដើម្បីឲ្យក្រុមអធិការកិច្ចហត្ថពលករបរទេសទទួលបានលទ្ធផលល្អបន្ថែមទៀតតាមការគ្រោងទុក។
លោក គួច ចំរើន អភិបាលខេត្តព្រះសីហនុ បានឯកភាពការលើកឡើងរបស់លោកឧត្ដមសេនីយ៍ទោ ហាស់ សុត្ថា ដោយលោកបានបញ្ជាក់ថា រដ្ឋបាលខេត្ត នឹងរង់ចាំសហការចុះប្រតិបត្តិការ ព្រមទាំងបានណែនាំឲ្យមន្ទីរការងារ និងបណ្ដុះបណ្ដាលវិជ្ជាជីវៈ ត្រៀមរៀបចំមន្ត្រី ស្នងការដ្ឋាននគរបាលខេត្ត និងកងរាជអាវុធហត្ថ ត្រៀមចូលរួមសហការក្នុងការចុះប្រតិបត្តិការតាមទីតាំងដែលត្រូវចុះត្រួតពិនិត្យឲ្យមានប្រសិទ្ធភាព ដើម្បីជំរុញឲ្យមានសន្តិសុខ សណ្ដាប់ធ្នាប់ល្អ ក្នុងការគ្រប់គ្រងឲ្យគ្រប់ជ្រុងជ្រោយ ទោះបីការចុះប្រតិបត្តិការមានការខ្វះខាត ក៏ប៉ុន្តែត្រូវសហការគ្នាចុះធ្វើប្រតិបត្តិការ និងធ្វើអធិការកិច្ចហត្ថពលកម្មបរទេសនៅក្នុងខេត្ត។
លោកអភិបាលខេត្ត បានបន្តថា ជនបរទេសនៅខេត្តព្រះសីហនុនាពេលបច្ចុប្បន្នមានប័ណ្ណការងារសឹងតែ ១០០ ភាគរយ ហើយការធ្វើសៀវភៅការងារនេះ គឺដើម្បីប្រមូលថវិកាចូលថវិកាជាតិ និងផ្ដល់កិច្ចសហការពេញទំហឹង ដើម្បីឲ្យដំណើរការប្រព្រឹត្តទៅបានល្អ ទន្ទឹមនោះស្នើសុំឲ្យធ្វើផែនការដោយការទទួលខុសត្រូវ និងមានតម្លាភាពឈានទៅការគ្រប់គ្រងភ្ញៀវបរទេសស្នាក់នៅក្នុងការកាត់បន្ថយបទល្មើស ត្រៀមចុះពិនិត្យក្រុមហ៊ុនដែលបានធ្វើស្វ័យប្រកាសរួចហើយក្នុងខេត្តព្រះសីហនុ។
ទន្ទឹមនោះ លោកអភិបាលខេត្ត ក៏បានធ្វើការអំពាវនាវឲ្យម្ចាស់ក្រុមហ៊ុន សណ្ឋាគារ កាស៊ីណូ ដែលកំពុងធ្វើអាជីវកម្មក្នុងភូមិសាស្ត្រខេត្តព្រះសីហនុ ត្រូវធ្វើស្វ័យប្រកាសឲ្យបានត្រឹមត្រូវ មានតម្លាភាព ប្រសិនបើពេលក្រុមការងារចុះត្រួតពិនិត្យរកឃើញមានជនបរទេសស្នាក់នៅមិនមានប័ណ្ណការងារ នឹងតម្រូវឲ្យមានការផាកពិន័យតាមច្បាប់របស់កម្ពុជា៕
អត្ថបទ ៖ សំអឿន
អាជ្ញាធរខេត្តស្ទឹងត្រែង ផ្តើមចលនាសម្អាតបរិស្ថាននៅតាមទីសាធារណៈ
វិទ្យាស្ថានវិទ្យាសាស្ត្រសុខាភិបាល ខ.ភ.ម បានរួមចំណែកព្យាបាលជាង៣ពាន់នាក់ ក្នុងឆ្នាំ២០២៤
រៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
ប្រទេសចំនួន១១ ប្ដេជ្ញាអនុវត្តទណ្ឌកម្មលើកូរ៉េខាងជើងឲ្យបានខ្ជាប់ខ្ជួន
កម្ពុជា-កូរ៉េ បើកពិព័រណ៍សិល្បៈ នៅខេត្ដសៀមរាប ដើម្បីផ្សព្វផ្សាយតំបន់បេតិកភណ្ឌ និងវប្បធម៌ ប្រទេសទាំងពីរ
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រ៉យទ័រ៖ រុស្ស៊ីអាចយល់ព្រមយកលុយដែលបង្កក ៣០០ពាន់លានដុល្លារទៅដោះស្រាយសង្គ្រាមនៅអ៊ុយក្រែន
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម២ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
ព័ត៌មានជាតិ១ សប្តាហ៍ agoអាជ្ញាធរក្រុងសៀមរាបថា កំពុងរៀបចំមើលថែសួនស្មៅ និងផ្កាឡើងវិញហើយ ក្រោយព្រះតេជគុណ គូ សុភាព ស្នើតាមហ្វេសប៊ុក