ព័ត៌មានជាតិ

ពលរដ្ឋក្នុងភូមិវត្តតាមិម រីករាយ ក្រោយទទួលបានផ្លូវបេតុងមួយខ្សែ

បានផុស

២ years មុន

នៅ

ថ្ងៃសុក្រ ២៦ ឧសភា ២០២៣

ដោយ

ផ្លូវបេតុងមួយខ្សែ ប្រវែងប្រមាណជិត ២.០០០ ម៉ែត្រ ត្រូវបានស្ថាបនាឡើងដោយរដ្ឋបាលខេត្ត និងមន្ទីរសាធារណការ និងដឹកជញ្ជូនខេត្ត ដើម្បីឲ្យប្រជាពលរដ្ឋបានធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ មន្ទីរសាធារណការ និងដឹកជញ្ជូនខេត្ត បានដាក់កម្លាំងចុះរៀបចំចាក់បេតុងលើផ្លូវមួយខ្សែ ចាប់ពីក្បាលស្ពានរថភ្លើង រហូតដល់ស្ពានផ្សារខ្វែង ស្ថិតក្នុងភូមិវត្តតាមិម ឃុំអូរដំបង ១ ស្រុកសង្កែ ដែលមានទទឹង ៧ ម៉ែត្រ និងបណ្ដោយជិត ២.០០០ ម៉ែត្រ។ កន្លងមក ផ្លូវនេះ មានការលំបាកខ្លាំងក្នុងការធ្វើដំណើរ ដោយសារតែជង្ហុក និងដីភក់ច្រើន។

បច្ចុប្បន្នគេសង្កេតឃើញថា នៅក្នុងក្រុងបាត់ដំបងទាំងមូល ក៏មានការជួសជុល ស្ថាបនាផ្លូវជាច្រើនខ្សែផងដែរ និងដាក់បង្កប់លូខ្នាតធំបន្ថែម ដោយសារតែផ្លូវចាស់ៗ មានសភាពទ្រុឌទ្រោម។

រាល់ទង្វើរបស់អាជ្ញាធរខេត្ត ធ្វើឲ្យប្រជាពលរដ្ឋក្នុងភូមិវត្តតាមិម មានការរំភើបរីករាយ ក្រោយពីពួកគាត់ទទួលបានផ្លូវមួយខ្សែនេះ ងាយស្រួលក្នុងការធ្វើដំណើរប្រចាំថ្ងៃ៕

អត្ថបទ ៖ សោ និយមរ័ត្ន