ព័ត៌មានជាតិ
ការបង្កាត់ពូជសត្វកម្រជិតផុតពូជ ៤ប្រភេទលើពិភពលោកទទួលបានជោគជ័យ
សត្វកម្រជិតផុតពូជ៤ប្រភេទរួមមាន អណ្តើកហ្លួង ក្រពើភ្នំ កន្ធាយក្បាលកង្កែប និងសត្វខ្សឹប ដែលជាប្រភេទសត្វកម្រជិតផុតពូជនៅលើពិភពលោក ត្រូវបានអ្នកជំនាញធ្វើការបង្កាត់ពូជ ភ្ញាស់ប្រកបដោយភាពជោគជ័យ និងចិញ្ចឹមថែររក្សាឲ្យធំធាត់ ដើម្បីប្រលែងចូលចូលជម្រកធម្មជាតិ។

អង្គការសមាគមអភិរក្សសត្វព្រៃ (WCS) និងរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានប្រកាសពីភាពជោគជ័យដ៏អស្ចារ្យស្ដីពីការទទួលបានកូនអណ្តើកហ្លួងចំនួន ១២២ក្បាល ដែលទើបបានញាស់ចេញពីសម្បុកនៅលើឆ្នេរខ្សាច់សប្បនិម្មិតក្នុងមជ្ឈមណ្ឌលអភិរក្សសត្វល្មូនកោះកុងកាលពេលថ្មីៗកន្លងទៅនេះ។ អណ្ដើកហ្លួងស្ថិតក្នុងប្រភេទអណ្ដើកគោក និងទឹកសាបចំនួន ២៥ប្រភេទដែលជិតផុតពូជបំផុតនៅលើពិភពលោក។

បើតាមលោក នេត ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានឲ្យដឹងតាមរយ:បណ្តាញសង្គមហ្វេសប៊ុករបស់ខ្លួនកាលពីពេលថ្មីៗនេះ បច្ចុប្បន្ន មជ្ឈមណ្ឌលអភិរក្សសត្វល្មូនខេត្តកោះកុង មានអណ្តើកហ្លួងចំនួន ១៨១ក្បាល ហើយអណ្ដើកហ្លួងដែលមានអាយុចាប់ពីមួយឆ្នាំឡើងមានចំនួន១៦០ក្បាល។ ចាប់តាំងពីឆ្នាំ២០១៥មក ក្រុមការងារបានលែងអណ្តើកហ្លួងជំទង់ចំនួន ១៦៧ក្បាលចូលក្នុងទីជម្រកធម្មជាតិវិញ។

ជាមួយគ្នានោះ ក្រុមអភិរក្សបានលែងក្រពើភ្នំចំនួន១៤៦ក្បាល ចូលទៅក្នុងជម្រកធម្មជាតិ ដើម្បីបង្កើនចំនួនរបាយសត្វក្រពើភ្នំនៅក្នុងធម្មជាតិឡើងវិញ។ កម្ពុជាដែលត្រូវបានទទួលស្គាល់ថាជាប្រទេសដែលមានសត្វក្រពើភ្នំច្រើនជាងគេលើពិភពលោក គឺមានប្រមាណជាង ៣០០ក្បាល ខណៈចំនួនសរុបនៅលើពិភពលោកមានប្រមាណ ១០០០ ក្បាលប៉ុណ្ណោះ។

លោក នេត ភក្ត្រា បានឲ្យដឹងបន្ថែមថា កន្ធាយក្បាលកង្កែប ដែលជាសត្វកម្រត្រូវបានលែងចូលទៅក្នុងជម្រកធម្មជាតិ យ៉ាងហោចណាស់១០០០ក្បាល។ កន្ធាយក្បាលកង្កែប គឺជាប្រភេទមួយ ក្នុងចំណោមប្រភេទកម្រៗ ជាច្រើនទៀត នៅតាមដងទន្លេមេគង្គ ព្រោះ កន្ធាយក្បាលកង្កែប រស់នៅក្នុងអន្លង់ជ្រៅៗ ជាមួយត្រី ដូលហ្វីន និងត្រីបបែលយក្ស ជាដើម។

ចំណែកសត្វខ្សឹបត្រូវបានក្រុមអ្នកជំនាញនៃមជ្ឃមណ្ឌលអភិរក្សជីវ:ចម្រុះអង្គរ ប្រកាសពីភាពជោគជ័យនៃការភ្ញាស់ពង និងការបង្កាត់រវាងសត្វខ្សឹបញី និងឈ្មោលទទួលបានជោគជ័យ។ កាលពីពេលថ្មីៗនេះ ពងខ្សឹបចំនួនពីរគ្រាប់ត្រូវបានប្រមូលចេញពីតំបន់អភិរក្សសត្វខ្សឹបនៅក្នុងតំបន់ទំនាបខាងជើងបឹងទន្លេសាប។ ពងខ្សឹបដែលបានប្រមូលមកត្រូវបានបញ្ជូនទៅកាន់កន្លែងបង្កាត់ពូជសត្វខ្សឹបនៅក្នុងមជ្ឈមណ្ឌលអង្គរសម្រាប់ការអភិរក្សជីវៈចម្រុះ(ACCB) ជាកន្លែងដែលពងទាំងនេះត្រូវបានភ្ញាស់បែបសិប្បនិម្មិតដោយជោគជ័យ៕


-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១៨ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ