ព័ត៌មានជាតិ

វិទ្យាស្ថានតេជោសាធារណការ អាចបណ្តុះវិស្វករ ៣០០ នាក់ ចំណាយជាង ២ លានដុល្លារលើការសាងសង់

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

អគារវិទ្យាស្ថានតេជោសាធារណការនិងដឹកជញ្ជូនបានបញ្ចប់ការស្ថាបនាដាក់ឲ្យដំណើរការ ដែលប្រើប្រាស់ថវិកាសាងសង់ជាង ២,៥ លានដុល្លារជាជំនួយរបស់ប្រទេសចិន។

ស្របពេលការសម្ពោធអគារទីស្តីការថ្មីរបស់ក្រសួងសាធារណការនិងដឹកជញ្ជូន សម្តេចតេជោ ហ៊ុន សែនបានលើកឡើងពីសារសំខាន់នៃការបង្កើតវិទ្យាស្ថានតេជោសាធារណការនិងដឹកជញ្ជូន ដែលនឹងរួមចំណែកបណ្តុះធនធានវិស្វករប្រកបដោយសមត្ថភាព ស្របពេលដែលរដ្ឋាភិបាលបានជំរុញការស្ថាបនាថ្នល់ស្ពានទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោបន្តថា សាលាថ្មីនេះនឹងមានសមត្ថភាពបណ្តុះធនធានមនុស្សបានជាង ៣០០ នាក់ក្នុងមួយឆ្នាំ។

អគារវិទ្យាស្ថាន «តេជោសែន សាធារណការ និងដឹកជញ្ជូន» មានទីតាំងនៅក្នុងទីស្តីក្រសួងសាធារណការនិងដឹកជញ្ជូន។ អគារ ១ខ្នង កម្ពស់ ៤ជាន់ មានបន្ទប់សិក្សាចំនួន ២៤ បន្ទប់ ការិយាល័យរដ្ឋបាលចំនួន ៣ បន្ទប់ មន្ទីរពិសោធន៍ចំនួន ១ បន្ទប់ បណ្ណាល័យចំនួន ១ បន្ទប់ និងបានបំពាក់ទៅដោយសម្ភារសិក្សា និងឧបករណ៍បច្ចេកទេសពិសោធន៍ទំនើបៗ ដោយបានចំណាយថវិកា ២.៥លានដុល្លារអាមេរិកជាជំនួយរបស់ប្រទេសចិន៕