ព័ត៌មានជាតិ

សម្ដេច ម៉ែន សំអន សាទរ និងគាំទ្រចំពោះក្រុមហ៊ុន Viettel នាំមុខគេនៅវៀតណាម និងបានពង្រីកទៅបណ្ដាប្រទេសអាស៊ាន

បានផុស

១ year មុន

នៅ

ថ្ងៃសៅរ៍ ២៧ ឧសភា ២០២៣

ដោយ

ទីក្រុងហាណូយ ៖ សម្តេចកិត្តិសង្គហបណ្ឌិត ម៉ែន សំអន បានសម្តែងនូវការសាទរ និងគាំទ្រ ចំពោះក្រុមហ៊ុនViettel គឺជាបណ្តាញទូរគមនាគមន៍នាំមុខគេនៅប្រទេសវៀតណាម និងបានពង្រីកទៅបណ្តាប្រទេសអាស៊ាន ក្នុងនោះក៏មានកម្ពុជាហើយកំពុងទទួលបានការគាំទ្រ និងទទួលបានជោគជ័យផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី បានសម្តែងនូវការអបអរសាទរបែបនេះ ខណៈពេលអញ្ជើញទស្សនកិច្ច នៅក្រុមហ៊ុន Viettel កាលពីថ្ងៃទី ២៦ ខែឧសភា ឆ្នាំ ២០២៣។

បើតាមការឲ្យដឹងពី លោក តាវ ឌឹកថាំង ប្រធានក្រុមប្រឹក្សាភិបាល ក្រុមហ៊ុន Viettel បានមានប្រសាសន៍ថា ក្រុមហ៊ុនViettel គឺជាបណ្តាញទូរគមនាគមន៍នាំមុខគេនៅប្រទេសវៀតណាម និងបានពង្រីកទៅបណ្តាប្រទេសអាស៊ាន ក្នុងនោះក៏មានកម្ពុជាហើយកំពុងទទួលបានការគាំទ្រ និងទទួលបានជោគជ័យផងដែរ។

សម្តេចកិត្តិសង្គហបណ្ឌិត ក៏បានថ្លែងនូវការកោតសរសើរចំពោះក្រុមហ៊ុន Veittel បានអភិវឌ្ឍន៍ខ្លួនយ៉ាងឆាប់រហ័ស ពីមានដើមទុនតិចតួច រហូតក្លាយជាក្រុមហ៊ុននាំមុខផ្នែកបច្ចេកវិជ្ជា ព័ត៌មានវិទ្យា និងសម្ភារៈបរិក្ខារយោធា។

គួររំលឹកថា ទស្សនកិច្ចនេះ បានធ្វើឡើងក្នុងគោលបំណងពង្រឹងពង្រីកចំណងមិត្តភាព សាមគ្គីភាព កិច្ចសហប្រតិបត្តិការរវាងប្រជាជន និងប្រទេសទាំងពីរ ព្រមទាំងចូលរួមអបអរសាទរក្នុងឱកាសខួបអនុស្សាវរីយ៍លើកទី ៥៦ នៃថ្ងៃបង្កើតទំនាក់ទំនងការទូតកម្ពុជា-វៀតណាម និងឆ្នាំមិត្តភាពកម្ពុជា-វៀតណាម៕

អត្ថបទ ៖ វិមាន