ព័ត៌មានជាតិ
អាជីវករផ្សារច្បារអំពៅ ទទួលបានដំបូលចល័តថ្មី
អាជីវករលក់បន្លែនៅផ្សារច្បារអំពៅបានសម្តែងនូវក្តីរីករាយពេលបានទទួលដំបូលកៅស៊ូចល័តថ្មីដើម្បីជាម្លប់សម្រាប់ពួកគាត់ជ្រកការពារកម្តៅថ្ងៃពិសេសក្រោមដំណក់ទឹកភ្លៀង។

តាមប្រភពពីអាជីវករឈ្មោះ លី ផេន ភេទស្រីអាយុ៦០ឆ្នាំ លក់បន្លែក្រោមឆ័ត្រនៅផ្សារច្បារអំពៅរយៈពេល ២០ឆ្នាំមកហើយ។ អ្នកស្រី ត្រេកអរ ក្រោយពីអាជ្ញាធរផ្សារ បានយកចិត្តទុកដាក់ដោយបានរៀបចំ ដំបូលកៅស៊ូចល័តសម្រាប់អាជីវករជ្រកការពារកម្តៅថ្ងៃ និងភ្លៀង។ អ្នកស្រីលើកឡើងថា បើទោះជាមេឃក្តៅខ្លាំង ឬមានភ្លៀងធ្លាក់ ក៏អាចបន្តលក់បានដូចធម្មតា ក្រោយពីមានដំបូលនេះហើយ។

ដូចគ្នានេះដែរ អ្នកស្រី សុខ ចន្ធី អាជីវករលក់បន្លែរយៈពេល ១៥ឆ្នាំមកហើយ បានលើកឡើងថា មុនអាជ្ញាធរផ្សារធ្វើដំបូលជូន អ្នកស្រី ជួលឆ័ត្រគេក្នុងតម្លៃ ១៥០០រៀល ក្នុងមួយថ្ងៃ ដើម្បីជ្រកការពារថ្ងៃ និងភ្លៀង។ តែក្រោយអាជ្ញាធរផ្សារដាក់ប្រកដំបូលកៅស៊ូចល័តរួចហើយ មានបរិយាកាសល្អប្រសើរច្រើន និងមានខ្យល់ចេញចូលងាយស្រួល។
លោក សាន់ ប៊ុនណា ប្រធានគណៈកម្មការផ្សារបន្លែច្បារអំពៅ បានឲ្យដឹងថា ដោយសារតែឃើញការលំបាករបស់បងប្អូនអាជីវករផ្សារបន្លែច្បារអំពៅនេះហើយ ទើបលោកសម្រេចចិត្តសាងសង់ជារោងកៅស៊ូចល័តក្នុងមួយផ្ទាំង៧ម៉ែត្រ បួនជ្រុង ដាក់ពង្រាយពេញផ្សារ ដើម្បីការពារកម្តៅថ្ងៃ និងទឹកភ្លៀងផង។ លោក សាន់ ប៊ុន ណា បានបញ្ជាក់ថា ចំពោះរូបលោកផ្ទាល់គឺទុកបងប្អូនអាជីវករដូចជាបងប្អូនបង្កើតចេញពីផ្ទៃម្តាយតែមួយ។ ដូច្នេះហើយទើបលោកប្រឹងប្រែងសាងសង់រោងដំបូលកៅស៊ូចល័តជូនបងប្អូនអាជីវករបានជ្រក និងលក់ដូរបានធំទូលាយ។ ក្នុងនោះបងប្អូនអាជីវករបាននាំគ្នាផ្តឹតមេដៃគាំទ្រនូវការសាងសង់រោងដំបូលកៅស៊ូចល័តនេះខ្លាំងណាស់ ព្រោះពួកគេលែងលក់ដូរក្រោមឆ័ត្ររហែករដូចពីមុនទៀតហើយ៕
អត្ថបទ៖ នរា


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ