ព័ត៌មានជាតិ

រដ្ឋលេខាធិការម្នាក់ នឹងចាក់វ៉ាក់សាំងកូវីដដូសដំបូង ដល់សម្តេច ហ៊ុន សែន

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

ដោយមិនលើកចំឈ្មោះ សម្តេចតេជោ ហ៊ុន សែន បានប្រកាសថា រដ្ឋលេខាធិការក្រសួងសុខាភិបាលម្នាក់ នឹងចាក់វ៉ាក់សាំងកូវីដដូសដំបូងដល់សម្តេច ពេលដឹកមកដល់អំឡុងខែកុម្ភៈ។

សម្តេចក៏បង្ហាញពីទីតាំងសម្រាប់ការចាក់វ៉ាក់សាំងកូវីដ នៅក្នុងមន្ទីរពេទ្យកាល់ម៉ែត្រ។ សម្តេចបន្តថា ក្រោយចាក់វ៉ាក់សាំងរួច សម្តេចនឹងធ្វើសន្និសីទដល់អ្នកសារព័ត៌មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជានឹងទទួលបានវ៉ាក់សាំង ១ លានដូសពីសាធារណរដ្ឋប្រជាមានិតចិន។ ប៉ុន្តែក្នុងដំណាក់កាលដំបូង រដ្ឋាភិបាលចិននឹងផ្តល់វ៉ាក់សាំងរបស់ក្រុមហ៊ុនស៊ីណូហ្វាម ចំនួន៣០ម៉ឺនដូសជាមុនសិន។

សម្តេចតេជោ ហ៊ុន សែន ដែលតែងតែស្ថិតនៅខ្សែត្រៀមជួរមុខជាទម្លាប់ធម្មតារាប់សិបឆ្នាំ ក៏ប្រកាសស្ម័គ្រចិត្តចាក់វ៉ាក់សាំងលើកទីមួយនិងមុនគេ ដើម្បីបង្កើតជំនឿទុកចិត្តលើវ៉ាក់សាំង និងជំរុញចលនាប្រយុទ្ធប្រឆាំងកូវីដ១៩។

វ៉ាក់សាំងរបស់ក្រុមហ៊ុនចិន ស៉ីណូហ្វាមមានប្រសិទ្ធភាពរហូតដល់៧៩,៣៤ភាគរយ ហើយបច្ចុប្បន្ន វ៉ាក់សាំងនេះត្រូវបានប្រើប្រាស់ជាង២២០លានដូស នៅក្នុងប្រទេសមួយចំនួនលើពិភពលោក៕

Related Topics:Featured