ទីតាំង​ល្បែង​ឆ្នោត​គ្រប់​ប្រភេទ កំពុង​តែ​បើក​លក់​យ៉ាង​ចំហ ជ្រក​ក្រោម​ស្លាក​វេរលុយ – Kampuchea Thmey Daily
Connect with us

ព័ត៌មានជាតិ

ទីតាំង​ល្បែង​ឆ្នោត​គ្រប់​ប្រភេទ កំពុង​តែ​បើក​លក់​យ៉ាង​ចំហ ជ្រក​ក្រោម​ស្លាក​វេរលុយ

Published

on

បាត់ដំបង ៖ ទីតាំង​ឆ្នោត​ដ៏​ធំ​មួយ នៅក្នុង​ក្រុង​បាត់ដំបង កំពុង​តែ​បើក​លក់​យ៉ាង​បើក​ចំហ​ដោយ ជ្រក​ក្រោម​ស្លាក​វេរ​លុយ ហើយ​បើក​លក់​ ពី​ព្រឹក​ទល់នឹង​យប់។

គួរ​បញ្ជាក់​ថា ទីតាំង​ដ៏​ធំ​មួយ​នេះ ស្ថិតនៅ​ក្បែរ​ស្តុ​ប​ផ្សារ​លើ ក្នុងភូមិ​កម្មករ សង្កាត់​ស្វាយប៉ោ ក្រុង​បាត់ដំបង ដោយ​ម្ចាស់​ទីតាំង​នេះ គឺ​បាន​ឈរ​លក់​ឆ្នោត​ទាំង​ប្តី​ប្រពន្ធ។

បើ​តាម​មជ្ឈដ្ឋាន​ដែល​នៅក្បែរ​ទីតាំង​នេះ​បាន​និយាយ​ថា ចាប់តាំងពី​ព្រឹក ដល់​យប់ គឺមាន​មនុស្ស​ចេញចូល​ជា​ហូរហែរ គ្មាន​លោះ​ឡើយ ដើម្បី​ចាក់​កន្ទុយលេខ​គ្រប់​ប្រភេទ។

ប្រភព​ដដែល​បាន​បន្ថែម​ថា ប្តី​ប្រពន្ធ​ទាំង ២ នាក់​នេះ សម្តី​កោង​ថែម​ទៀតផង ដោយ​គ្មាន​ខ្លាច​អ្នកណា​នោះទេ។

​នៅ​ក្នុង​រឿង​នេះ លោកស្នងការ សាត គឹម​សាន បាន​លើក​ឡើង​ថា បើ​លោក​ដឹង​ថា ស្នងការ​រង​ណាមួយ​ដែល​ឈរ​នៅ​ពីក្រោយ​ល្បែង​ស៊ីសង លោក​នឹង​មាន​វិធានការ​ទៅតាម​វិន័យ​របស់​កងកម្លាំង៕
ដោយ ៖ សោ និយម​រ័ត្ន

ចុច Like Facebook កម្ពុជាថ្មី

ព័ត៌មានពេញនិយម