ព័ត៌មានជាតិ

ផ្សោតអ៊ីរ៉ាវ៉ាឌីជាង ៥០ ក្បាល កំពុងមានវត្តមាននៅសមុទ្រខេត្តកែប

បានផុស

២ years មុន

នៅ

ថ្ងៃអង្គារ ៣០ ឧសភា ២០២៣

ដោយ

សត្វផ្សោតអ៊ីរ៉ាវ៉ាឌី ប្រមាណជាង ៥០ក្បាល ត្រូវបានគេដឹងកំពុងមានវត្តមាននៅសមុទ្រខេត្តកែប។ ការដឹងឱ្យបែបនេះ តាមរយៈការបង្ហាញនៅលើផេកជាផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃទី២៦ ខែឧសភា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ផ្សោតអ៊ីរ៉ាវ៉ាឌីទឹកប្រៃ (ដូហ្វីន) ឬហៅថាផ្សោតក្បាលត្រឡោក ជាង ៥០ក្បាល ត្រូវបានរកឃើញ ក្នុងដែនសមុទ្រខេត្តកែប នៃប្រទេសកម្ពុជា។

ផ្សោតប្រភេទនេះ ពួកវាទាក់ទងគ្នាដោយបញ្ចេញសម្លេងផ្សេងៗគ្នា នៅហ្វ្រេក្រង់ទំហំ ៦០មេហ្គាហឺត (60Mhz)។ ផ្សោតនេះហែលទឹកមិនលឿនទេ ប៉ុន្តែនៅពេលដែលមានអារម្មណ៍ថា ទទួលគ្រោះថ្នាក់ វាអាចហែលបានដល់ទៅ ២០ទៅ២៥ គ.ម/១ម៉ោង។ ចំណែកអាហារជាប្រចាំរបស់វាគឺ ត្រីល្អិតៗ បង្គា បង្កង និង មឹកជាដើម។

ទន្ទឹមនេះ ក្រសួងកសិកម្ម ក៏បានដឹងទៀតថា សត្វផ្សោតអ៊ីរ៉ាវ៉ាឌីទឹកប្រៃ (ដូហ្វីន)ប្រភេទនេះ ក៏ត្រូវបានប្រទះ ឃើញមាននៅតំបន់ប្រជុំកោះរុង ខេត្តព្រះសីហនុ និងតំបន់ពាមក្រសោប ខេត្តកោះកុងផងដែរ៕

ប្រភព៖ ក្រសួងកសិកម្ម រុក្ខាប្រមាញ់ និងនេសាទ