ព័ត៌មានជាតិ
សម្ដេចតេជោ ហ៊ុន សែន ៖ រាជធានីភ្នំពេញ ត្រូវការស្ពានឆ្លងទន្លេចំនួន ៣បន្ថែមទៀត
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ថា រាជធានីភ្នំពេញ ត្រូវការស្ពានឆ្លងកាត់ទន្លេចំនួន ៣បន្ថែមទៀត ដើម្បីសម្រួលដល់ការធ្វើចរាចរណ៍របស់ប្រជាពលរដ្ឋ។

ការគូសបញ្ជាក់របស់សម្ដេចតេជោ ហ៊ុន សែន បានធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការស្ពានបេតុងខ្សែកាប ឆ្លងកាត់ទន្លេសាប និងស្ពានអាកាសឫស្សីកែវ ស្ថិតក្នុងរាជធានីភ្នំពេញ នាព្រឹកថ្ងៃទី ៣១ ខែឧសភា ឆ្នាំ ២០២៣នេះ។
នៅក្នុងពិធីនេះ សម្ដេចតេជោ ហ៊ុន សែន បានថ្លែងថា ស្ពានឆ្លងទន្លេទាំងនោះ រួមមាន៖ ស្ពានមិត្តភាពកម្ពុជា-កូរ៉េ, ស្ពានឆ្លងទន្លេបាសាក់នៅតំបន់ចាក់អង្រែ, និងស្ពានសម្រាប់ផ្លូវល្បឿនលឿនភ្នំពេញ-បាវិត។
សម្ដេចតេជោ ហ៊ុន សែន ថ្លែងបែបនេះថា «ហើយក៏សុំបញ្ជាក់ជូនបន្តិចថា យើងឥឡូវនេះសម្រាប់តំបន់របស់យើង ទីក្រុងភ្នំពេញនេះ ត្រូវការស្ពាន ៣បន្ថែមទៀត ហើយស្ពាន ២អាចចេញជារូបរាង ក្នុងរយៈពេលឆាប់ មួយគឺស្ពានមិត្តភាពកម្ពុជា-កូរ៉េ និងមួយទៀតគឺស្ពានសម្រាប់ផ្លូវល្បឿនលឿននៅផ្នែកខាងក្រោម ដែលយើងត្រូវចំណាយ»។
សម្ដេចតេជោ ហ៊ុន សែន បានថ្លែងបន្តថា សម្ដេច មិនចង់ឲ្យប្រជាពលរដ្ឋឆ្លងស្ពានពេលណា ត្រូវបង់ប្រាក់ពេលនោះ នោះទេ។ ដូច្នេះហើយ ទើបនាពេលកន្លងមក រាជរដ្ឋាភិបាល បានទិញយកស្ពានព្រែកព្នៅមកគ្រប់គ្រង ដោយប្រជាពលរដ្ឋអាចឆ្លងទៅមក មិនបាច់បង់ប្រាក់ទៀតដែរ។
សម្ដេចតេជោ ហ៊ុន សែន ក៏បានបញ្ជាក់ដែរថា សម្រាប់អ្នកវិនិយោគ គឺវិនិយោគតែផ្លូវល្បឿនលឿនភ្នំពេញ-បាវិតបានហើយ តែសម្រាប់ការសាងសង់ស្ពានឆ្លងកាត់ទន្លេ គឺរាជរដ្ឋាភិបាល នឹងចំណាយថវិកាសាងសង់ដោយខ្លួនឯង៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ