Connect with us

ព័ត៌មានជាតិ

សម្ដេចតេជោ ហ៊ុន សែន គ្រោងចំណាយពេលមួយថ្ងៃ ដើម្បីមើលទិដ្ឋភាពអភិវឌ្ឍន៍រាជធានីភ្នំពេញ

បានផុស

នៅ

ពីវេទិកាសម្ពោធដាក់ឲ្យប្រើប្រាស់ជាផ្លូវការស្ពានបេតុងខ្សែកាបឆ្លងកាត់ទន្លេសាប និងស្ពានអាកាសឫស្សីកែវ នាព្រឹកថ្ងៃពុធនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា សម្ដេច គ្រោងចំណាយពេលពេញមួយថ្ងៃ ដើម្បីមើលទិដ្ឋភាពនៃការអភិវឌ្ឍរាជធានីភ្នំពេញ នៅក្នុងសម័យសន្តិភាពនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានថ្លែងបន្តថា សម្ដេច តែងតែទទួលបាននូវរូបភាពអំពីទិដ្ឋភាពអគារខ្ពស់ៗ ក្នុងរាជធានីភ្នំពេញពីអ្នកប្រើប្រាស់បណ្ដាញសង្គម។ ដូច្នេះសម្ដេច នឹងចំណាយពេលទំនេរថ្ងៃណាមួយ ដើម្បីទស្សនាទិដ្ឋភាពនៃការអភិវឌ្ឍទាំងនោះ។

សម្ដេចតេជោ ហ៊ុន សែន ថ្លែងបែបនេះថា «ថ្ងៃណាមួយគិតថា យកមួយថ្ងៃតែម្ដង ដើរគិតតែសុំឡើងទៅអាលើកំពូលៗ មួយថ្ងៃដើរពីព្រឹកទៅស៊ីបាយកំពូលណាមួយទៅ រួចហើយបើគេឲ្យសម្រាកនៅហ្នឹង សម្រាកទៅ រួចហើយភ្ញាក់ពីដេកឡើងទៅទៀត រួចដល់ទៅយប់ទៅកន្លែងណាមួយទៀត ដើម្បីមើលទីក្រុងក្នុងពេលយប់ម្ដងមើល ឃើញតែគេថតឲ្យមើល ឯខ្លួនឯងអត់បានមើល»។

សម្ដេចតេជោ ហ៊ុន សែន ថ្លែងបន្តទៀតថា រាជរដ្ឋាភិបាល បានខិតខំប្រឹងប្រែងជំរុញការអភិវឌ្ឍរីកចម្រើន នៅក្នុងរាជ ធានីភ្នំពេញរហូតមកដល់ពេលនេះ។ «ប៉ុនថ្ងៃណាមួយ គិតថា យកមួយថ្ងៃម៉ង ដើរទៅមើលត្រង់ណា ទេសភាពត្រង់ណាឲ្យវាស្អាត ហើយយើងថតខ្លួន​ឯងអីខ្លួនឯង ដាក់ម៉ាស៊ីនថតទៅខ្លួនឯងម៉ង ប៉ុនមិនបាច់ម៉ាស៊ីនថតអីទេ ទូរស័ព្ទថត យកម៉ង ដើម្បីឲ្យឃើញថា ទីក្រុងភ្នំពេញបន្ទាប់ពីការអភិវឌ្ឍរប​ស់យើងវាយ៉ាងមេចៗ? នេះជាការថ្លែងបន្ថែមរបស់សម្ដេចតេជោ ហ៊ុន សែន។

ជាថ្មីម្ដងទៀត សម្ដេចតេជោ ហ៊ុន សែន បានអំពាវនាវដល់បងប្អូនជនរួមជាតិ បន្តរួមគ្នាថែរក្សាការពារសន្តិភាពឲ្យបានគង់វង្ស ព្រោះសន្តិភាពជាគ្រឹះនៃការអភិវឌ្ឍ ហើយបើគ្មានសន្តិភាពទេ ក៏មិនមានការអភិវឌ្ឍរីកចម្រើនដូចសព្វថ្ងៃនេះដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៤ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម