ព័ត៌មានជាតិ
រដ្ឋមន្ត្រីក្រសួងកសិកម្ម ដាក់វិធានការម៉ឺងម៉ាត់ចំពោះអ្នកនេសាទណាប្រើឧបករណ៍ឆក់ នឹងត្រូវនាំខ្លួនមកអនុវត្តច្បាប់
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដាក់វិធានការយ៉ាងម៉ឺងម៉ាត់ឲ្យមន្ត្រីជំនាញជលផល ធ្វើការស្រាវជ្រាវ និងបង្ក្រាបរាល់បទល្មើស ត្រូវឃាត់ខ្លួនជនសង្ស័យអ្នកនេសាទណាប្រើឧបករណ៍ឆក់ត្រីខុសច្បាប់ បង្កវិនាសកម្មបំផ្លាញធនធានមច្ឆជាតិ និងត្រីផ្សោត ត្រូវតែនាំខ្លួនមកចាត់វិធានការផ្លូវច្បាប់។
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ក្នុងពិធីប្រគល់សម្ភារៈបង្ក្រាបបទល្មើសនេសាទទូកម៉ាស៊ីនចំនួន ៥ គ្រឿង នេះថា ត្រីមេពូជធំៗ និងសត្វផ្សោតនៅទន្លេមេគង្គលើ ជាសម្បត្តិធនធានរបស់ជាតិ ដូចនេះមន្ត្រីជំនាញ ត្រូវបង្កើនបន្ថែមប្រយុទ្ធប្រឆាំងការនេសាទល្មើសច្បាប់ អនុវត្តឲ្យមានភាពប្រទាក់ក្រឡាគ្នាជាមួយអន្តរស្ថាប័នស្របតាមនីតិវិធីជាធរមាន។
លោករដ្ឋមន្ត្រីមានប្រសាសន៍បន្តថា ជំនាញត្រូវកំណត់មុខសញ្ញាឆក់ និងលើគោកក៏ខុសច្បាប់ដែរ។ ឆក់ឲ្យតែមានម៉ាស៊ីនឆក់ ដឹងតែខុសច្បាប់ហើយ។ មិនចាំបាច់តែទៅឃើញចេញមកឆក់ទេ រកបានប្រដាប់ឆក់នៅកន្លែងណា កន្លែងហ្នឹងហើយបទល្មើស។ មនុស្សកាន់ប្រដាប់ឆក់មកពីណាស្រាវមួយខ្សែមក នេះជាការងារជលផលនៅខេត្តស្ទឹងត្រែងដែលត្រូវធ្វើជាមួយសមត្ថកិច្ច។
លោកថា ជនសង្ស័យលួចប្រើឧបករណ៍ឆក់គឺខុសច្បាប់ទាំងស្រុងតែម្ដង។ ត្រូវតែកម្ទេចចោល មិនចាំបាច់ទាល់តែចាប់បានកំពុងតែធ្វើសកម្មភាពឆក់នោះទេ។ ភូមិ-ឃុំមានប្រជាការពារ នៅតាមដងទន្លេមានឆ្មាំ មានអ្នកស្ម័គ្រចិត្ត សហគមន៍នេសាទ ដែលត្រូវធ្វើការជាមួយមន្ត្រីជលផល ជាមួយប៉ូលិស និងជាមួយព្រះរាជអាជ្ញាផងដែរ។
លោក ស្រី សមវិចិត្រ នាយខណ្ឌជលផលស្ទឹងត្រែង បានបញ្ជាក់ដែរថា កិច្ចការងារនេះ មន្ត្រីជំនាញកំពុងសហការជាមួយសមត្ថកិច្ចពាក់ព័ន្ធធ្វើល្បាត និងធ្វើការផ្សព្វផ្សាយច្បាប់ជលផល ដើម្បីឲ្យប្រជាអ្នកនេសាទកុំប្រើឧបករណ៍ខុសច្បាប់សម្រាប់ធ្វើនេសាទ។
លោកបន្តថា នៅក្នុងខែឧសភា រដូវបិទនេសាទនេះ មន្ត្រីជលផលធ្វើការបង្ក្រាបបទល្មើសនេសាទបានចំនួន ២០ លើក ,អប់រំអ្នកនេសាទ ៥២ នាក់ ,ធ្វើកិច្ចសន្យា ២០ នាក់ ,ដកហូតឧបករណ៍ល្មើសតាមអន្លង់អភិរក្សត្រីមេពូជ និងនៅតាមអន្លងអភិរក្សសត្វផ្សោត បានមង ៩.៤៥០ ម៉ែត្រ ,សន្ទូចរនង ២.០៦៤ ផ្លែ ,របាំងស្បៃមុងប្រវែង ២៥០ ម៉ែត្រ ,និងសម្ភារៈផ្សេងៗមួយចំនួនទៀត ក្នុងរដូវបិទនេសាទនេះ។
សូមបញ្ជាក់ថា ដើម្បីបង្កើនដល់ការអភិរក្សត្រីផ្សោត និងត្រីមេពូជ លោករដ្ឋមន្ត្រី បានប្រគល់ទូកម៉ាស៊ីន ២៥ សេះបន្ថែម ចំនួន ៥ គ្រឿង ,ពិលបំភ្លឺខ្នាតធំ ៥ ,ហ្សីលម៉ែលមើលឆ្ងាយ ៥ គ្រឿង ,និងឧបត្ថម្ភថវិកា ៥ លានរៀល ដល់មន្ត្រីជំនាញជលផល ដើម្បីបន្តការងារអភិរក្សត្រីផ្សោត និងត្រីមេពូជ ឲ្យមានប្រសិទ្ធភាព៕
អត្ថបទ ៖ ងិន លីម
អាមេរិក៖ ចោរលួចស៊ុត១ម៉ឺនគ្រាប់ពីកសិដ្ឋានមួយ ចំពេលតម្លៃស៊ុតហក់ឡើង
កំណាត់ចុងក្រោយផ្លូវជាតិលេខ ៥ សិរីសោភ័ណ-ប៉ោយប៉ែត ប្រវែង ៣៥ គីឡូម៉ែត្រ សម្រចបានប្រមាណ ២៩%
អនុប្រធានសភាហុងគ្រី៖ ហុងគ្រីផ្ដល់អាហារូបករណ៍ប្រមាណ៣០កន្លែង តែនិស្សិតកម្ពុជាមិនសូវដាក់ពាក្យយក
ហ្សេលេនស្គី៖ អាមេរិកមិនទាន់កាត់ជំនួយអ៊ុយក្រែនទេ គ្រាន់តែមិនទាន់ចរចាពីកញ្ចប់ជំនួយថ្មី
មេដឹកនាំចិននិងថៃជួបគ្នា ចំពេល លោក ត្រាំ ក្រឡុកនយោបាយនិងសេដ្ឋកិច្ចសកល
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
តើអ៊ុយក្រែន មានធនធានរ៉ែកម្រអ្វីខ្លះនិងសំខាន់ប៉ុនណា ទើបលោក ត្រាំ ចង់បាន?
យន្តហោះ២គ្រឿងទៀត បុកគ្នានៅ អាមេរិក
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
-
សន្តិសុខសង្គម១ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?