ព័ត៌មានជាតិ

ក្រសួងសង្គមកិច្ច សាទរសកម្មភាពមនុស្សធម៏របស់អង្គការ UNICEF ផ្តល់ជំនួយ សម្រាប់ឆ្នាំ២០២១

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

ថ្នាក់ដឹកនាំជាន់ខ្ពស់របស់ក្រសួងសង្គមកិច្ច អតីតយុទ្ធជន និងយុវនីតិសម្បទាសម្តែងនូវការអបអរសាទរនូវផែនការ ស្តីពីកិច្ចការពារកុមារ នៅកម្ពុជាដើម្បីលើកកម្ពស់ការថែទាំកុមារនៅតាមគ្រួសារ និងសមាហរណកម្មកុមារពីមណ្ឌលថែទាំ ទៅកាន់គ្រួសារវិញប្រកបដោយសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក សំហេង បុរស រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ដែលបានចូលរួមកិច្ចប្រជុំជាមួយអង្គការ UNICEF ស្ដីពីផែនការសកម្មភាពរបស់គណៈកម្មាធិការជំនួយសង្គម សម្រាប់ឆ្នាំ២០២១ នៅរសៀលថ្ងៃព្រហស្បតិ៍ទី២១ ខែមករា ឆ្នាំ២០២១ ។

ក្នុងនាមក្រសួងសង្គមកិច្ចលោក សំហេង បុរស បានថ្លែងនូវការគាំទ្រទាំងស្រុងចំពោះកិច្ចប្រជុំនេះ ហើយសូមឲ្យមានការចូលរួមពីតំណាងមន្ទីរសង្គមកិច្ច ខេត្តមន្ត្រីបង្គោលទទួលបន្ទុកសុខុមាលភាពកុមារនៃមន្ទីរ ការិយាល័យសង្គមកិច្ច និងសុខុមាលភាពសង្គមក្រុង ស្រុក រួមទាំងអង្គការជាដៃគូ។

លោករដ្ឋលេខាធិការបានបន្ថែមថា ផែនការនេះមានការជួយបច្ចេកទេសពីក្រសួង និងមន្ទីរ សង្គមកិច្ច និងអង្កការUNICEF, រួមគ្នាដើម្បីលើកកម្ពស់ការថែទាំកុមារ នៅតាមគ្រួសារ និងសមាហរណកម្មកុមារពីមណ្ឌលថែទាំ ទៅកាន់គ្រួសារវិញប្រកបដោយសុវត្ថិភាព៕

អត្ថបទ៖ វិមាន

Related Topics:កិច្ចប្រជុំ