ព័ត៌មានជាតិ
កម្ពុជាមានអ្នកឆ្លងជំងឺរលាកថ្លើមរ៉ាំរ៉ៃ ប្រភេទបេនិងសេជាង៧សែននាក់
លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បានមានប្រសាសន៍ថា តាមការប៉ាន់ស្មានរបស់អង្គការសុខភាពពិភពលោក នៅប្រទេសកម្ពុជា មានអ្នកឆ្លងជំងឺរលាកថ្លើមរ៉ាំរ៉ៃប្រភេទវីរុស បេនិងអ្នកកំពុងរស់នៅជាមួយជំងឺរលាកថ្លើមរ៉ាំរ៉ៃប្រភេទវីរុស សេប្រមាណជាង៧សែននាក់។
ថ្លែងក្នុងសិក្ខាសាលាពិគ្រោះយោបល់ ស្តីអំពីការអនុវត្តផែនការយុទ្ធសាស្ត្រជាតនិងហិរញ្ញប្បទានសម្រាប់កម្មវិធី ឆ្លើយតបជំងឺរលាកថ្លើមដោយសារវីរុសបេ និងសេឆ្នាំ២០២០-២០២៤ នៅភោជនីយដ្ឋានទន្លេបាសាក់២ នៅព្រឹកថ្ងៃទី២២មករានេះ លោកជំទាវ បានបន្តថាតាមការប៉ាន់ស្មាននៅឆ្នាំ២០១៧ របស់អង្គការសុខភាពពិភពលោកនៅប្រទេសកម្ពុជា ចំនួនអ្នកដែលមានជំងឺរលាកថ្លើមរ៉ាំរ៉ៃប្រភេទវីរុសបេ គឺមាន៣%ស្មើនឹង៤៧៥០០០នាក់ និងអ្នកកំពុងរស់នៅជាមួយជំងឺរលាកថ្លើមរ៉ាំរ៉ៃប្រភេទវីរុសសេមាន១,៦%ស្មើនឹង២៥៧ ០០០នាក់។
លោកជំទាវ បានបន្តទៀតថា ជំងឺរលាកថ្លើមបេនិងសេនេះ ប្រសិនបើយើងមិនបានព្យាបាលឲ្យបានត្រឹមត្រូវនិងទាន់ពេលវេលាទេ វាអាចមានផលប៉ះពាល់ធ្ងន់ធ្ងរ ដោយធ្វើឲ្យអ្នកជំងឺទៅជាក្រិនថ្លើមនិងឈានដល់ជំងឺមហារីកថ្លើមទៀតផង។
លោកជំទាវបានបន្ថែមថា ជំងឺមហារីកថ្លើមមានប្រមាណ ១៦%ក្នុងចំណោម ជំងឺមហារីកទាំងអស់ ហើយមូលហេតុចម្បងបណ្តាលមក ពីជំងឺរលាកថ្លើមប្រភេទបេចំនួន៤៤,៣%និងប្រភេទសេចំនួន៤៣%។ លោកជំទាវ បានបញ្ជាក់ថា មូលហេតុដែលនាំឲ្យមានការឆ្លងជំងឺរលាកថ្លើមប្រភេទបេនិងសេ គឺបណ្តាលមកពីការការបរិភោគម្ហូបអាហារមិនមានអនាម័យពិសេសអ្នកចូលចិត្តពិសាស្រាច្រើននិងបារី។ បច្ចុប្បន្ននេះ ប្រជាពលរដ្ឋមិនសូវមានការចាប់អារម្មណ៍ពីជំងឺថ្លើមប្រភេទសេនិងបេនោះទេ ដោយមិនបានទៅពិនិត្យសុខភាពឲ្យបានទៀតទាត់ឡើយលុះដល់ពេលមានចេញជារោគសញ្ញា ហើយទើបទៅរកគ្រូពេទ្យពិនិត្យទើបដឹងថា ខ្លួនមានកើតជំងឺថ្លើមប្រភេទបេឬសេ។
រដ្ឋលេខាធិការក្រសួងសុខាភិបាល ក៏បានណែនាំថា ប្រជាពលរដ្ឋ ដែលមានជំងឺទាំងនេះ គួរតែទៅជួបគ្រូពេទ្យ ដើម្បីពិនិត្យនិងព្យាបាលឲ្យបានទាន់ពេលវេលាចៀសវាងមានការធ្ងន់ធ្ងរវិវត្តន៍ទៅជាក្រិនថ្លើមឬមហារីកថ្លើម ដែលត្រូវចំណាយថវិកាច្រើននិងគ្រោះថ្នាក់ដល់អាយុជីវិតទៀតផង។ លោកជំទាវ បានបញ្ជាក់ថា សព្វថ្ងៃនេះ ឱសថព្យាបាលជំងឺរលាកថ្លើមប្រភេទសេនិងបេបានបន្តធ្លាក់ចុះពីរាប់ពាន់ដុល្លារ មកប្រមាណ៦៨ដុល្លារសម្រាប់ព្យាបាលរលាកថ្លើមសេ រយៈពេលបីខែ អាចជាសះស្បើយ៩៥% និងប្រមាណ៤២ដុល្លារក្នុងមួយឆ្នាំ សម្រាប់ព្យាបាលរលាកថ្លើម បេ។ លើសពីនេះ ក្រសួងសុខាភិបាលបានប្តេជ្ញានិងធ្វើការជាមួយដៃគូនានា ដើម្បីដោះស្រាយបញ្ហាប្រឈមទាក់ទងនឹងជំងឺរលាកថ្លើម បង្កដោយសារវីរុស បេ និងសេ ដោយផ្ដោតលើចក្ខុវិស័យ “គ្មានការឆ្លងមេរោគរលាកថ្លើមថ្មីនៅកម្ពុជា ដែលប្រជាជន ដែលមានមេរោគរលាកថ្លើមរ៉ាំរ៉ៃ អាចទទួលបានសេវា ធ្វើរោគវិនិច្ឆ័យ ការព្យាបាល និងថែទាំ ដោយមានប្រសិទ្ធភាព មានតម្លៃសមរម្យ និងមានគុណភាពល្អ។
គួរបញ្ជាក់ថា តាមរយៈផែនការយុទ្ធសាស្ត្រជាតិ ប្រទេសកម្ពុជាបេ្តជ្ញាចូលរួម ដើម្បីសម្រេចឲ្យបាននូវការលុបបំបាត់ជំងឺរលាកថ្លើមប្រភេទ បេ និង សេ នៅឆ្នាំ២០៣០ ដោយអនុលោមតាម គោលដៅរបស់អង្គការសុខភាពពិភពលោក ក្នុងការកាត់បន្ថយ អត្រាឆ្លងថ្មី៩០% និង អត្រាមរណភាព ៦៥% នៅឆ្នាំ២០៣០៕
អត្ថបទ៖ សំអឿន
សូមចុចអាន៖ ច្រកទាំង៣ ដែលកម្ពុជា អាចទទួលវ៉ាក់សាំងកូវីដ ១៩ មកចាក់ជូនពលរដ្ឋ
ក្រុមស្រឡាញ់ភេទដូចគ្នារាប់រយគូនៅថៃ កំពុងចាំចុះសំបុត្រអាពាហ៌ពិពាហ៌ ក្រោយច្បាប់ថ្មីអនុម័ត
ផលិតករភាពយន្ត ថា វិបត្តិច្បាប់អាជ្ញាសឹកបានបំផ្លាញកេរ្តិ៍ឈ្មោះប្រទេសកូរ៉េខាងត្បូង
ត្រៀម CV ! ឱកាសការងារសម្រាប់សិស្សនិស្សិត រយៈពេល ២ថ្ងៃ ចាប់ផ្តើមពីស្អែកនេះ
អាជ្ញាធរខណ្ឌពោធិ៍សែនជ័យ បន្តដាក់គ្រឿងចក្រឈូសកាយពង្រីកផ្លូវ នៅផ្សារត្រពាំងពោធិ៍
ប្រព័ន្ធគ្រប់គ្រងភាពជឿជាក់លើធុរជនជំនាន់ថ្មីរបស់គយនឹងដាក់ឱ្យប្រើប្រាស់ជាផ្លូវការនៅដើមខែកុម្ភៈ
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់