ព័ត៌មានជាតិ

ក្រុមអ្នកសារព័ត៌មានជាង ២០ ស្ថាប័ន ចុះទស្សនកិច្ចស្វែងយល់ពីសេវាកម្ចីធនាគារនៅតាមជនបទ

បានផុស

២ years មុន

នៅ

ថ្ងៃសុក្រ ២ មិថុនា ២០២៣

ដោយ

ដោយមានការសហការពីសមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា សមាគមធានារ៉ាប់រងកម្ពុជា និងក្លិបអ្នកកាសែតកម្ពុជា បានរៀបចំដំណើរទស្សន:កិច្ចសម្រាប់ក្រុមការីនិពន្ធ និងក្រុមអ្នកសរសេរព័ត៌មានទៅខេត្តកំពង់ចាមរយ:ពេល ២ ថ្ងៃ គឺថ្ងៃទី១-២ ខែមិថុនា ឆ្នាំ២០២៣ ដើម្បីស្វែងយល់ពីវិស័យធនាគារ វិស័យមីក្រូហិរញ្ញវត្ថុកម្ពុជា និងវិស័យធានារ៉ាប់រងកម្ពុជា។

ក្នុងដំណើរទស្សនកិច្ចនេះ ក្រៅពីចុះស្វែងយល់ពីវឌ្ឍនភាពដំណើរការស្ថាប័នផ្តល់សេវាហិរញ្ញវត្ថុក្នុងខេត្តកំពង់ចាមគឺការបានចុះជួបជាមួយពលរដ្ឋដើម្បីទទួលបានព័ត៌មានពីការប្រើប្រាស់សេវាកម្ចីពីគ្រឹះស្ថានហិរញ្ញវត្ថុ ក៏ដូចជាស្វែងយល់ពីបញ្ហាប្រឈមនានា។

បើតាមកាលវិភាគនៅថ្ងៃទីមួយ ក្រុមការងារនឹងចុះទៅគ្រឹះស្ថានមីក្រូហិរញ្ញវត្ថុចម្រើនដែលស្ថិតនៅភូមិស្លែង ឃុំជ្រៃវៀន ស្រុកព្រៃឈរ ខេត្តកំពង់ចាម។ នៅថ្ងៃដដែល ក្រុមអ្នកសារព័ត៌មាននឹងបន្តចុះទៅគ្រឹះស្ថានមីក្រូហិរញ្ញវត្តុ អេ អឹម ខេ (AMK) ដែលមានទីតាំងនៅទីរួមខេត្តកំពង់ចាម និងពេលរសៀលនឹងទៅជួបអតិថជនដែលបានប្រើប្រាស់សេវាកម្ចីរបស់ AMK នៅស្រុកកំពង់សៀម។

នៅថ្ងៃទីពីរ ក្រុមអ្នកព័ត៌មាននឹងបន្តចុះទស្សនកិច្ចនៅក្រុមហ៊ុនផ្តល់សេវាធានារ៉ាប់រ៉ង AIA និងធនាគារប្រៃសណីយ៍កម្ពុជា។ ក្នុងដំណើរបេសកកម្មរយៈពេលពីរថ្ងៃ ក្រុមអ្នកសារព័ត៌មានក៏គ្រោងទៅស្វែងយល់ពីដំណើរការរបស់ធនាគរវីងសាខានៅក្រុងកំពង់ចាម និងចុះទៅជួបអតិថិជនដែលប្រើប្រាស់សេវាកម្ចីពង្រីកអាជីវកម្មពីធនាគារប្រៃសណីយនៅស្រុកមេមត់ខេត្តត្បូងឃ្មុំផងដែរ៕