ព័ត៌មានជាតិ
ក្រុមហ៊ុនពីរបោះទុនវិនិយោគបង្កើតរោងចក្រជាង ២០លានដុល្លារនៅខេត្តស្វាយរៀង
ខេត្តស្វាយរៀងទទួលបានគម្រោងវិនិយោគបង្កើតរោងចក្រធំពីរ នៅក្នុងតំបន់សេដ្ឋកិច្ចពិសេសតាយសេង បាវិត។ គម្រោងវិនិយោគនេះ ផ្តោតសំខាន់ទៅលើផលិតគ្រឿងសង្ហារឹមគ្រប់ប្រភេទ និងផលិតខ្សែភ្លើង ឧបករណ៍អគ្គិសនី ជាដើម។
យោងតាមក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា ក្រុមហ៊ុនទាំងពីរនេះ រួមមាន៖
១- “LE HOO (CAMBODIA) FURNITURE COMPANY LIMITED.” គម្រោងបង្កើតរោងចក្រផលិតគ្រឿងសង្ហារឹមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្នុងទុនវិនិយោគប្រមាណ ១៣,២ លានដុល្លារអាម៉េរិក និងអាចបង្កើតការងារបានចំនួន ៥៩២ កន្លែង។
២- “XINKAIDA LIGHTING CO., LTD.” គម្រោងបង្កើតរោងចក្រផលិតខ្សែភ្លើង ឧបករណ៍អគ្គិសនី អំពូលលម្អ គ្រឿងឧបករណ៍អគ្គិសនី និងគ្រឿងបង្គុំអំពូលលម្អគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្នុងទុនវិនិយោគប្រមាណ ៨លានដុល្លារអាម៉េរិក និងអាចបង្កើតការងារបានចំនួន ១.២៤១កន្លែង។
តាមរយៈគម្រោងបង្កើតរោងចក្រនេះ សរុបទុនវិនិយោគប្រមាណជាង ២០លានដុល្លារ ដោយផ្តល់ការងារជិត ២០០០នាក់ នៅក្នុងខេត្តស្វាយរៀង។
ក្នុងជំនួបពិភាក្សាការងារជាមួយគណៈប្រតិភូក្រុងឈីចូវ ខេត្តជឺជាំង ប្រទេសចិន កាលពីទី ២៧ ខែឧសភា ឆ្នាំ ២០២៣ លោក ម៉ែន វិបុល អភិបាលខេត្តស្វាយរៀង បានលើកឡើងថា ក្នុងនាមរដ្ឋបាលខេត្ត លោកគាំទ្រទាំងស្រុង និងស្វាគមន៍ជានិច្ចចំពោះដៃគូវិនិយោគមកពីក្រុងឈីចូវ ប្រទេសចិន ដែលមានចំណាប់អារម្មណ៍មកបណ្តាក់ទុននៅតំបន់សេដ្ឋកិច្ចពិសេសតាយសេង ក្រុងបាវិត។
លោក ម៉ែន វិបុល បានឱ្យដឹងថា ខេត្តស្វាយរៀង មានទីតាំងភូមិសាស្ត្រ ដែលមានសក្ដានុពលសម្រាប់ការវិនិយោគ ជាពិសេសការបើករោងចក្រសហគ្រាស ដោយសារខេត្តមានតំបន់សេដ្ឋកិច្ចដ៏ទាក់ទាញ។ ការវិនិយោគបើករោងចក្រថ្មីៗនេះ នឹងនាំមកនូវផលប្រយោជន៍ជាច្រើនតាមរយៈការផ្តល់ឱកាសការងារដល់ពលរដ្ឋក្នុងខេត្ត និងក្រៅខេត្ត»។
លោកបន្តថា នេះជាកិច្ចការសំខាន់ដែលរដ្ឋបាលខេត្តតែងយកចិត្តទុកដាក់ រួមទាំងការរក្សាសន្តិសុខ សុវត្ថិភាពជូនទៅដល់ក្រុមហ៊ុនទាំងអស់នៅក្នុងតំបន់សេដ្ឋកិច្ចពិសេសផងដែរ។
សូមបញ្ជាក់ថា ខេត្តស្វាយរៀង គឺជាខេត្តដែលស្ថិតនៅភាគខាងកើតនៃប្រទេសកម្ពុជា មានព្រំប្រទល់ជាប់ប្រទេសវៀតណាម។ គិតត្រឹមឆ្នាំ ២០២២ ខេត្តស្វាយរៀង មានតំបន់សេដ្ឋកិច្ចពិសេសទាំងអស់ចំនួន ១២កន្លែង ប៉ុន្តែដំណើរការតែ ៩កន្លែងប៉ុណ្ណោះ៕
តំណាងអង្គភាពប្រដាល់៤នៅកម្ពុជាសុទ្ធតែមិនបានចរចាជាមួយ WKN
ចិន ប្រកាសប្ដេជ្ញា«ប្រយុទ្ធដល់ទីបញ្ចប់» ជុំវិញការគំរាមពន្ធគយរបស់ ដូណាល់ ត្រាំ
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
អ៊ុយក្រែន បើកការវាយលុកនៅតំបន់ព្រំដែន រុស្ស៊ី
កម្ពុជាដាក់ឱ្យដំណើរការកម្មវិធី «ជំនាញបង្កើនផលិតភាពសហគ្រាស» ដើម្បីការប្រកួតប្រជែងរបស់ SMEs
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ២៤ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា