ព័ត៌មានជាតិ
ការផ្តល់ឈាមស្ម័គ្រចិត្ត នៅមិនទាន់ឆ្លើយតបគ្រប់គ្រាន់តាមតម្រូវការនៅឡើយ
ឆ្នាំ២០២៣នេះ មជ្ឈមណ្ឌលជាតិផ្តល់ឈាម នៃក្រសួងសុខាភិបាល គ្រោងនឹងរៀបចំព្រឹត្តិការណ៍ ទិវាពិភពលោក នៃអ្នកបរិច្ចាគឈាម ១៤ មិថុនា ឡើងវិញ ក្រោយខកខានប៉ុន្មានឆ្នាំចុងក្រោយ ដោយសារវិបត្តិសាកល នៃជំងឺកូវីដ-១៩ ដោយបានអំពាវនាវដល់សាធារណជន ពិសេស គឺសប្បុរសជនបរិច្ចាគឈាមដោយស្ម័គ្រចិត្តទាំងអស់ ចូលរួមធ្វើការបរិច្ចាគឈាម ដើម្បីជួយជីវិតអ្នកជំងឺដែលត្រូវឈាមសង្គ្រោះជីវិតជារៀងរាល់ថ្ងៃ។
វេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម មានប្រសាសន៍ថា សព្វថ្ងៃនេះ ការផ្តល់ឈាមស្ម័គ្រចិត្ត និងមិនគិតកម្រៃ ក្នុងប្រទេសកម្ពុជា នៅមិនទាន់ឆ្លើយតបគ្រប់គ្រាន់តាមតម្រូវការនៅឡើយទេ។ ដូចនេះ យើងត្រូវការអ្នកផ្តល់ឈាមស្ម័គ្រចិត្តបន្ថែមទៀត ដើម្បីសង្គ្រោះជីវិតមនុស្សបន្ទាន់។ នៅកម្ពុជាបច្ចុប្បន្ន រៀងរាល់ ៦នាទីម្ដង ត្រូវការឈាមមួយប្លោក ដើម្បីជួយសង្គ្រោះជីវិតអ្នកជំងឺ។ ដូច្នេះវត្តមានអ្នកបរិច្ចាគឈាមដោយស្ម័គ្រចិត្តមិនគិតកម្រៃ ពិតជាមានសារៈសំខាន់ខ្លាំងណាស់ ក្នុងជួយសង្គ្រោះអ្នកជំងឺឱ្យទាន់ពេលវេលា។
លោកវេជ្ជបណ្ឌិត សុខ ប៉ូ មានប្រសាសន៍បន្តថា លោកវេជ្ជបណ្ឌិតបានបញ្ជាក់ថា ការបរិច្ឆាគឈាមមិនធ្វើឱ្យប៉ះពាល់ដល់សុខភាពនោះទេ។ ផ្ទុយទៅវិញវាមានអត្ថប្រយោជន៍ផ្នែកសុខភាពជាច្រើនដូចជាឱ្យយើងបានដឹងពីស្ថានភាពជំងឺឆ្លងផ្សេងៗរួមមាន ជំងឺថ្លើមប្រភេទ បេ សេ ស្វាយ អេដស៍។ ហើយក្រុមការងារនៃមជ្ឈមណ្ឌលជាតិផ្តល់ឈាមនឹងរក្សាការសម្ងាត់ជូន។ ជួយកាត់បន្ថយផងដែរនូវហានិភ័យនៃជំងឺមហារីកនានា កាត់បន្ថយកំហាប់ឈាមនិងការលើសជាតិដែកដែលធ្វើឲ្យមានផលប៉ះពាល់ដល់ថ្លើមនិងលំពែង។ ជួយធ្វើឲ្យប្រសើរឡើងនូវសុខភាពបេះដូង បន្ថយការឡើងទម្ងន់ ជំងឺដាច់សរសៃឈាមក្នុងខួរក្បាល។
ទិវាពិភពលោក នៃអ្នកបរិច្ចាគឈាម ១៤ មិថុនា រៀបចំឡើងក្នុងគោលបំណង ដើម្បីឆ្លើយតបនូវកង្វះខាតឈាម និងផ្សព្វផ្សាយលើកកម្ពស់ការផ្តល់ឈាមដោយស្ម័គ្រចិត្ត និងមិនគិតកម្រៃ។ ទិវាពិភពលោក នៃអ្នកបរិច្ចាគឈាម ឆ្នាំ២០២៣នេះ ធ្វើឡើងក្រោមប្រធានបទ “រួមគ្នាបរិច្ចាគឈាម សង្គ្រោះជីវិតអ្នកជំងឺ”។ កម្មវិធីនេះប្រារព្ធរយៈពេលមួយថ្ងៃពេញ នៅទីតាំងមជ្ឈមណ្ឌលជាតិផ្តល់ឈាម ដែលស្ថិតនៅលើមហាវិថីយោធពលខេមរភូមិន្ទ ជាប់របងមន្ទីរពេទ្យមិត្តភាពខ្មែរសូវៀត៕
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៦ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ