ព័ត៌មានជាតិ

ក្រសួងយុត្តិធម៌ បង្កើតគណៈកម្មការរៀបចំដំណើរការតុលាការពាណិជ្ជកម្មជាលើកដំបូង

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

ភ្នំពេញ ៖ ក្រសួងយុត្តិធម៌បានសម្រេចបង្កើតគណៈកម្មការរៀបចំដំណើរការតុលាការពាណិជ្ជកម្មនៅតាមតុលាការជាន់ទាបនិងតុលាការជាន់ខ្ពស់ជាលើកដំបូងដើម្បីចូលរួមដោះស្រាយវិវាទពាណិជ្ជកម្ម។

ប្រទេសកម្ពុជានៅមិនទាន់មានតុលាការពាណិជ្ជកម្មនិងតុលាការងារនៅឡើយទេ ពោលគឺកម្ពុជាមានតែសាលាដំបូងរាជធានី ខេត្ត សាលាឧទ្ធរណ៍រាជធានី ខេត្ត និងតុលាការកំពូល និងតុលាការយោធាប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កើត រិទ្ធរដ្ឋមន្ត្រីក្រសួងយុត្តិធម៌បានឲ្យដឹងនៅក្នុងសេចក្តីសម្រេចមួយចុះថ្ងៃទី២១ ខែមករា ឆ្នាំ២០២១បានឲ្យដឹងថា គណៈកម្មការរៀបចំដំណើរការតុលាការពាណិជ្ជកម្មនេះដែលមានសមាជិកចំនួន ២០រូបមកពីក្រសួងយុត្តិធម៌ដែលមានលោក ជីវ សុងហាក់ រដ្ឋលេខាធិការក្រសួងយុត្តិធម៌ជាប្រធាន លោកឡុងនរិន្ទ អនុរដ្ឋលេខាធិការជាអនុប្រធាន លោកសួរ ចាន់ធី អនុរដ្ឋលេខាធិការជាអនុប្រធាននិងមានសមាជិកចំនួន១៧រូប។

លោកកើត រិទ្ធ បានបន្តថា គណៈកម្មការនេះត្រូវទទួលបន្ទុករៀបចំដំណើរការតុលាការពាណិជ្ជកម្មនេះក្នុងនោះមានមានតួនាទីនិងភារកិច្ច រៀបចំលិខិតបទដ្ឋាននានាពាក់ព័ន្ធនឹងការដាក់ឲ្យដំណើរការតុលាការពាណិជ្ជកម្មនៅតាមសាលាជម្រះក្តីជាន់ទាបនិងសភាពាណិជ្ជកម្មនៃសាលាជ្រំះជាន់ខ្ពស់។សិក្សានិងរៀបចំទីតាំងសម្រាប់តុលាការពាណិជ្ជកម្ម រៀបចំប្បញ្ញត្តិស្តីពីនីតិវិធីពាណិជ្ជកម្ម កំណត់ប្រភេទវិវាទពាណិជ្ជកម្មជាដើម។

លោករដ្ឋមន្ត្រីបានបញ្ជាក់ថា គណៈកម្មការត្រូវសហការជាមួយក្រសួងពាណិជ្ជកម្ម និងសភាពាណិជ្ជកម្មកម្ពុជា ដើម្បីជ្រើសរើសទីប្រឹក្សាជាពាណិជ្ជករឬអ្នកមានចំណេះដឹងផ្នែកពាណិជ្ជកម្មទៅតាមច្បាប់កំណត់៕

ដោយ ៖ សំអឿន