ព័ត៌មានជាតិ
ខេត្តស្ទឹងត្រែងមានបញ្ហាប្រឈមច្រើន ដោយសារតែស្ថានភាពព្រំដែនមានសភាពស្មុគស្មាញ និងមិនទាន់បោះបង្គោលព្រំដែន
នេះជាការលើកឡើងរបស់មន្ត្រីជាន់ខ្ពស់ខេត្តស្តឹងត្រែង នៅក្នុងសន្និសីទសារព័ត៌មានមួយ ស្ដីពីវឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្តរបស់ខេត្តស្ទឹងត្រែង ដែលរៀបចំឡើង ដោយអង្គភាពអ្នកនាំពាក្យរាជរដ្ឋាភិបាលកម្ពុជា នៅទីស្ដីការគណៈរដ្ឋមន្ត្រី កាលពីព្រឹកថ្ងៃទី២១ ខែមករា ឆ្នាំ២០២១។
លោក ម៉ែន គុង អ្នកនាំពាក្យសាលាខេត្តស្ទឹងត្រែងបានបញ្ជាក់ថា ខេត្តស្ទឹងត្រែងមានព្រំប្រទល់ជាប់ជាមួយខេត្តចំនួនពីររបស់ប្រទេសឡាវ គឺខេត្តចំប៉ាសាក់ និងខេត្តអត្តពើ (មានស្រុកចំនួនពីរជាប់ប្រទេសឡាវ គឺស្រុកបុរីអូរស្វាយសែនជ័យ និងស្រុកសៀមប៉ាង) ហើយមានច្រកអន្តរជាតិត្រពាំងក្រៀល (កម្ពុជា) ជាប់ជាមួយច្រកណងណុខៀន (ប្រទេសឡាវ) ហើយមានបញ្ហាប្រឈមមួយចំនួនផងដែរ ដោយសារតែស្ថានភាពព្រំដែនមានសភាពស្មុគស្មាញ ពីព្រោះនៅមិនទាន់បានបោះបង្គោលព្រំដែនរួចនៅឡើយ។ លោកថា ស្ថានភាពនេះ មិនមែនសម្រាប់តែប្រទេសកម្ពុជានោះទេ នៅបណ្ដាប្រទេសផ្សេងៗក៏បែបនេះដែរ កាលណាបើយើងមិនទាន់បានរៀបចំបោះបង្គោលព្រំដែន ឬខណ្ឌសីមាបានចប់សព្វគ្រប់នោះទេ បញ្ហាគឺតែងតែកើតមានឡើង។
បើតាមលោក ម៉ែន គុង ថ្មីៗនេះមានបញ្ហាប្រឈមមួយចំនួនបានកើតមានឡើងនៅតាមបណ្ដោយព្រំដែនកម្ពុជា-ឡាវ ដោយកម្លាំងសមត្ថកិច្ចខាងភាគីឡាវ បានឈូសឆាយផ្លូវនៅក្នុងភូមិមួយជាប់នឹងព្រំដែន ចូលមកតំបន់មួយ ជាតំបន់ដែលរាជរដ្ឋាភិបាលកម្ពុជាបានកំណត់ឲ្យរក្សាស្ថានភាពដើម គឺនៅចំណុចបង្គោលព្រំដែនលេខសូន្យ033/1 និង033/2 តែបញ្ហានេះត្រូវបានដោះស្រាយតាមរយៈការចរចា។
លោក ម៉ែន គុង អះអាងថា ទាក់ទងបញ្ហាខាងលើនេះ នៅពេលមានហេតុការណ៍ភ្លាម ក៏ទទួលបានព័ត៌មានភ្លាម ហើយលោកអភិបាលខេត្តបានទំនាក់ទំនងជាបន្ទាន់ទៅអភិបាលខេត្តចំប៉ាសាក់ខាងប្រទេសឡាវ។ ក្រោយពីធ្វើការទំនាក់ទំនងកម្លាំងរបស់យើង ក៏បានចុះទៅកន្លែងកើតហេតុ ដែលកម្លាំងភាគីឡាវ បានធ្វើការឈូសឆាយផងដែរ ប៉ុន្តែទោះជាយ៉ាងណាយើងនៅមានបញ្ហាប្រឈមខ្លះ ដោយសារតែភាគីឡាវ នៅតែធ្វើសកម្មភាព ហើយស្ដាប់តែបញ្ជាថ្នាក់លើរបស់ខ្លួនប៉ុណ្ណោះ។ លោកថា សកម្មភាពនេះលោកអភិបាលខេត្តក៏បានរាយការណ៍មកក្រសួងមហាផ្ទៃផងដែរ។
លោក ម៉ែន គុង ឲ្យដឹងដែរថា ក្រោយពីកើតមានករណីនេះ លោកអភិបាលខេត្តបានធ្វើរបាយការណ៍ ដោយភ្ជាប់ជាមួយកំណត់ទូត ទៅខេត្តចំប៉ាសាក់ ដើម្បីបញ្ឈប់សកម្មភាពនេះ ដោយសម្អាងទៅលើសេចក្តីថ្លែងការណ៍ ក៏ដូចជាគោលការណ៍រួមរវាងរដ្ឋាភិបាល នៃប្រទេសទាំងពីរ ដែលបានកំណត់ថា តំបន់ណាដែលមិនទាន់បោះបង្គោលព្រំដែន គឺត្រូវរក្សាស្ថានភាពដើម ដោយប្រើពាក្យថា “រក្សាបរិស្ថានដើម”។ លោកបញ្ជាក់ដែរថា មកដល់ពេលនេះសកម្មភាពនោះបានបញ្ឈប់ហើយ មិនមានសកម្មភាពឈូសឆាយអ្វីបន្តទៀតនោះទេ។
ដោយឡែកទាក់ទងបញ្ហាគ្រឿងញឿនឆ្លងដែន លោក ឈាង ឡាក់ ប្រធានក្រុមប្រឹក្សាខេត្តបានអះអាងថា ខេត្តមានយន្តការទប់ស្កាត់គ្រឿងញៀន ដោយមានអភិបាលខេត្ត ជាប្រធានគណៈកម្មាធិការប្រយុទ្ធប្រឆាំងគ្រឿងញៀនថ្នាក់ខេត្ត។ លោកថា ដោយសារខេត្តស្ទឹងត្រែងមានព្រំដែនព្រំប្រទល់ដែនជាប់ជាមួយប្រទេសឡាវវែង រហូត២៥៧ គីឡូម៉ែត្រ ធ្វើឲ្យភូមិសាស្ត្រមានលក្ខណៈស្មុគស្មាញ គួបផ្សំជាមួយសម្ភារៈប្រើប្រាស់របស់សមត្ថកិច្ចនៅមានកម្រិតធ្វើឲ្យមានការលំបាកខ្លះ ប៉ុន្តែទោះជាយ៉ាងណាក៏ដោយ ក្រោមការគ្រប់គ្រងរបស់លោកអភិបាលខេត្ត ដែលជាប្រធានគណៈបញ្ជាការឯកភាពខេត្ត លោកតែងតែជំរុញកម្លាំង ដែលឈរជើងនៅតាមព្រំដែនដើម្បីធ្វើការទំនាក់ទំនងជាមួយប្រទេសឡាវផងដែរ។
បើតាមលោក ឈាង ឡាក់ ដើម្បីប្រយុទ្ធប្រឆាំងបញ្ហានេះ ខេត្តក៏មានកម្លាំងវរៈការពារព្រំដែនរបស់ស្នងការនគរបាលខេត្ត និងវីរៈសេនាតូចលេខ២ របស់សឹករងខេត្ត និងកងកម្លាំងរាជអាវុធហត្ថ ក៏បានឈរជើងនៅក្បែរព្រំដែននោះផងដែរ ហើយកម្លាំងទាំងនោះតែងតែឈរ ជើងបង្ក្រាបបទល្មើសគ្រប់ប្រភេទ មិនត្រឹមតែគ្រឿងញៀននោះទេ៕
ដោយ ៖ កោះកែវ
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
រដ្ឋមន្ត្រីការពារជាតិអាមេរិកច្រានចោលការរិះគន់ដែលថា រដ្ឋបាលត្រាំក្បត់សម្ព័ន្ធមិត្ត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៧ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត