ព័ត៌មានជាតិ

៥ ខែ ឆ្នាំ ២០២៣៖ កម្ពុជាបានចំណូល ១៦ លានដុល្លារពីការលក់សំបុត្រចូលទស្សនាអង្គរ

បានផុស

១ year មុន

នៅ

ថ្ងៃអង្គារ ៦ មិថុនា ២០២៣

ដោយ

នៅក្នុងរយៈពេល ៥ ខែឆ្នាំ ២០២៣ មានភ្ញៀវទេសចរបរទេសជាង ៣ សែន នាក់ (៣៤៤.៧៥៧) បានទិញសំបុត្រចូលទស្សនារមណីយដ្ឋានអង្គរ ដែលអាចរកចំណូលបានជាង ១៦ លានដុល្លារអាមេរិក។

សេចក្ដីប្រកាសព័ត៌មានរបស់គ្រឹះស្ថានអង្គរបង្ហាញថា តំបន់អង្គររកចំណូលបាន១៦ លានដុល្លារពីការលក់សំបុត្រក្នុងអំឡុងខែមករាដល់ខែឧសភាឆ្នាំនេះ កើនឡើង ៧៦៥ ភាគរយពី ១.៨៥ លានដុល្លារបើប្រៀបធៀបរយៈពេលដូចគ្នាកាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងខែ ឧសភា ឧទ្យាននេះបានស្វាគមន៍ជនបរទេសចំនួន ៤៥,៧៥៩ នាក់ ដែលរកប្រាក់ចំណូលបាន២លានដុល្លារពីការលក់សំបុត្រ។

លោក តុប សុភ័ក អ្នកនាំពាក្យក្រសួងទេសចរណ៍ប្រាប់កម្ពុជាថ្មីថា នៅក្នុងឆ្នាំ ២០២៣ តាមរយៈព្រឹត្តិការណ៍ធំៗនៅកម្ពុជា កម្ពុជាអាចទទួលបានទេសចរណ៍អន្តរជាតិប្រមាណ ៤ លានាក់។

ឆ្នាំ ២០២២ កម្ពុជារកចំណូលបានប្រមាណ ១,៤១៥ លានដុល្លារពីទេសចរអន្តរជាតិប្រមាណ ២,២៨ លាននាក់ ខណៈទេសចរជាតិប្រមាណ ១៤ លាននាក់ដែលដើរកម្សាន្តទូទាំងប្រទេស បានផ្តល់ចំណូលប្រមាណ ៦៥០ លានដុល្លារអាមេរិក៕