ព័ត៌មានជាតិ
WITHHEBRON ដំណើរការគម្រោង KOICA ស្ដីពី“ការបង្ការ និងឆ្លើយតបជំងឺឆ្លង” សម្រាប់បុគ្គលិកពេទ្យកម្ពុជា ក្នុងឆ្នាំទី ៣
ដោយសហការជាមួយស្រុកប្រតិបត្តិសុខភាពកំពង់ត្រឡាច ទីភ្នាក់ងារសហប្រតិបត្តិការអន្តរជាតិកូរ៉េ (KOICA) និង WITHHEBRON បានបើកវគ្គបណ្ដុះបណ្ដាលស្ដីពីការការពារជំងឺឆ្លងដល់បុគ្គលិកពេទ្យមកពីមន្ទីរពេទ្យបង្អែក មណ្ឌលសុខភាព និងក្រុមគាំទ្រសុខភាពភូមិក្នុងស្រុកកំពង់ត្រឡាច ប្រទេសកម្ពុជា ពីថ្ងៃទី ១៥ ដល់ ២៤ ខែឧសភា ឆ្នាំ ២០២៣។
WITHHEBRON គឺជាអង្គការមិនរកប្រាក់ចំណេញដែលគាំទ្រដល់ប្រតិបត្តិការ នៃមជ្ឈមណ្ឌលវេជ្ជសាស្ត្រហេប្រុន (Hebron Medical Center) ដែលជាអង្គការក្រៅរដ្ឋាភិបាលអន្តរជាតិដែលមានមូលដ្ឋាននៅទីក្រុងភ្នំពេញ ហើយកំពុងអនុវត្ត “គម្រោងពង្រឹងសមត្ថភាពការពារ និងឆ្លើយតបនឹងជំងឺឆ្លងសម្រាប់បុគ្គលិកពេទ្យក្នុងសហគមន៍មូលដ្ឋានកម្ពុជា” ពីឆ្នាំ ២០២១ ដល់ឆ្នាំ ២០២៣ ដោយមានការគាំទ្រពី KOICA។
ដោយយោងទៅលើបទពិសោធន៍របស់រដ្ឋាភិបាលកម្ពុជាក្នុងការឆ្លើយតបនឹងជំងឺគ្រុនផ្ដាសាយបក្សីក្នុងខែកុម្ភៈ លោកវេជ្ជបណ្ឌិត លឹម ឃុន នាយកស្រុកប្រតិបត្តិសុខភាពកំពង់ត្រឡាច បានសង្កត់ធ្ងន់ថា ការបណ្ដុះបណ្ដាលស្ដីពីការឆ្លើយតប និងបង្ការជំងឺឆ្លងកាន់តែមានសារៈសំខាន់ ហើយបានថ្លែងអំណរគុណដល់គម្រោង KOICA និង WITHHEBRON ដែលបានគាំទ្រ។
ក្នុងវគ្គបណ្ដុះបណ្ដាលសម្រាប់មណ្ឌលសុខភាព និងក្រុមទ្រទ្រង់សុខភាពភូមិ ដើម្បីពង្រឹងសមត្ថភាពសុខាភិបាលមូលដ្ឋាន ក្នុងការឆ្លើយតបនឹងពាក្យចចាមអារ៉ាមដែលអាចកើតមានឡើងដោយសារការរីករាលដាលដំបូង នៃជំងឺឆ្លង វគ្គបណ្ដុះបណ្ដាលដោយ “ការអនុវត្តបង្ហាញត្រាប់” ត្រូវបានធ្វើឡើងដើម្បីប្រមូល និងជ្រើសរើសពាក្យចចាមអារ៉ាមទាក់ទងនឹងជំងឺឆ្លងដែលរីករាលដាលដល់សហគមន៍ និងផ្ដល់ព័ត៌មានត្រឹមត្រូវ និងអាចទុកចិត្តបានប្រកបដោយប្រសិទ្ធភាព។ សិក្ខាកាមបានបង្ហាញពីការចូលរួមយ៉ាងសកម្មក្នុងការពិភាក្សាជាក្រុម និងការបណ្ដុះបណ្ដាលការអនុវត្តបង្ហាញត្រាប់។
ការបណ្ដុះបណ្ដាលបុគ្គលិកពេទ្យរបស់មន្ទីរពេទ្យបង្អែកជាថ្មីម្ដងទៀត បានសង្កត់ធ្ងន់លើតួនាទីរបស់មន្ទីរពេទ្យបង្អែកក្នុងករណីមានជំងឺឆ្លងថ្មី រួមមាន រោគរាតត្បាត និងការគ្រប់គ្រងជំងឺឆ្លង ការតាមដាន ការរាយការណ៍ ការគ្រប់គ្រងការរីករាលដាល នៃជំងឺឆ្លង របៀបឆ្លើយតបទៅនឹងជំងឺមិនឆ្លង និងជំងឺឆ្លង។
លោក Jin Eunkyung នាយកប្រតិបត្តិ នៃ WITHHEBRON បាននិយាយថា “យើងមានអំណរគុណចំពោះឱកាសក្នុងការធ្វើការជាមួយអ្នកជំនាញដែលមានការយកចិត្តទុកដាក់ ហើយយើងមានមោទនភាពចំពោះវឌ្ឍនភាពដែលយើងបានធ្វើ។ យើងនឹងបន្តសហការគ្នាលើគម្រោងកាន់តែប្រសើរឡើងដើម្បីផ្ដល់នូវចំណេះដឹង និងបទពិសោធន៍ដ៏មានតម្លៃ ដើម្បីរួមចំណែកដល់ការអភិវឌ្ឍប្រកបដោយចីរភាព នៃស្រុកកំពង់ត្រឡាច”។
*មជ្ឈមណ្ឌលវេជ្ជសាស្ត្រហេប្រុន (HMC) បានចាប់ផ្ដើមនៅឆ្នាំ ២០០៧ ជាមួយនឹងការបើកគ្លីនិកឥតគិតថ្លៃមួយនៅទីក្រុងភ្នំពេញ ប្រទេសកម្ពុជា។ វាជាមន្ទីរពេទ្យដែលព្យាបាលអ្នកជំងឺប្រហែល ៦០,០០០ នាក់ ជារៀងរាល់ឆ្នាំ ដោយមានគ្រែអ្នកជំងឺចំនួន ១០០ បន្ទប់វះកាត់ចំនួន ៣ និងបន្ទប់ព្យាបាលជំងឺចំនួន ១២ ព្រមទាំងផ្ដល់ការវះកាត់ជំងឺបេះដូង និងមហារីក។ មជ្ឈមណ្ឌលវេជ្ជសាស្ត្រហេប្រុន ខិតខំគាំទ្រដល់សុខភាពអ្នកជំងឺក្រីក្រ ដោយប្រតិបត្តិការការវះកាត់នៅប្រទេសកូរ៉េ ដោយបានអញ្ជើញគ្រូពេទ្យវះកាត់ និងជួយដល់កុមារដែលត្រូវការការវះកាត់បេះដូងតាមរយៈកិច្ចសហប្រតិបត្តិការជាមួយបុគ្គលិកពេទ្យ នៃប្រទេសកូរ៉េ និងកម្ពុជា។ មជ្ឈមណ្ឌលវេជ្ជសាស្ត្រហេប្រុន ក៏បានរួមចំណែកដល់ការបណ្ដុះបណ្ដាលគ្រូពេទ្យជំនាញ ផ្នែកវេជ្ជសាស្ត្រប្រកបដោយនិរន្តរភាព នៃប្រទេសកម្ពុជា តាមរយៈប្រតិបត្តិការ នៃមហាវិទ្យាល័យគិលានុបដ្ឋាយិកា និង Residency Program។
* WITHHEBRON ដែលមានមូលដ្ឋាននៅក្នុងទីក្រុងសេអ៊ូល ប្រទេសកូរ៉េខាងត្បូង គឺជាអង្គការមិនរកប្រាក់ចំណេញសម្រាប់ការអភិវឌ្ឍអន្តរជាតិ ដែលគាំទ្រជាប្រព័ន្ធដល់ប្រតិបត្តិការ និងសកម្មភាពរបស់មជ្ឈមណ្ឌលវេជ្ជសាស្ត្រហេប្រុន Hebron នៅកម្ពុជា ដែលផ្ដល់ការព្យាបាល អាហារូបករណ៍ និងការគាំទ្រផ្នែកថែទាំសុខភាពក្នុងស្រុកសម្រាប់សហគមន៍ខ្វះខាតនៅជុំវិញពិភពលោក៕
ថៃ ប្រកាសបិទសាលារៀនជិត២០០កន្លែងចាប់ពី១ថ្ងៃដល់១សប្ដាហ៍ ព្រោះខ្យល់ពុល
ឥណ្ឌូណេស៊ី៖ ការប្ដេជ្ញាវិនិយោគរបស់ Apple មានត្រឹម ២០០ លានដុល្លារ ប៉ុណ្ណោះ មិនមែន ១ ប៊ីលានដុល្លារទេ
ប្រធានតុលាការភ្នំពេញឱ្យបន្តពន្លឿនចាត់ការរឿងក្ដីគ្រឿងញៀន ចរាចរណ៍ ក្មេងទំនើង និងអត្រានុកូលដ្ឋាន
រដ្ឋបាលខេត្តមណ្ឌលគិរី បើកសន្និបាតបូកសរុបលទ្ធផលការងារ និងលើកទិសដៅបន្តដើម្បីការងារកាន់តែល្អប្រសើរ
ខេត្តថៃចំនួន៤៤ នៅតែគ្របដណ្តប់ដោយខ្យល់ពុលដ៏គ្រោះថ្នាក់
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ហ្សេលេនស្គី៖ អ៊ុយក្រែនត្រូវការកងរក្សាសន្តិភាពហោចណាស់ ២០ម៉ឺននាក់ បើមានបទឈប់បាញ់
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់